तोच तोच बोरिंग नाश्ता सोडा; घरी बनवा कुरकुरीत आणि मसालेदार Stuffed Bread Pakora

सकाळच्या नाश्त्यासाठी ब्रेड पकोडा हा एक चवदार आणि कुरकुरीत असा नाश्ता आहे. हा एक स्ट्रीट फूडचा प्रकार असून तुम्ही घरीच याला सोप्या पद्धतीने तयार करू शकता. याची चव घरातील सर्वांनाच खुश करेल आणि तुमची सकाळ बहारदार बनवेल.

सकाळचा नाश्ता आपल्यासाठी फार महत्त्वाचा आणि ऊर्जा देणारा असतो ज्यामुळे तो पोटभर करावा. कामाच्या गडबडीत बऱ्याचदा आपण झटपट आणि सोपा आता नाश्ता करतो मात्र याने आपले मन तृप्त होत नाहीत. अशात आज आम्ही तुमच्यासाठी एक भन्नाट नाश्त्याची रेसिपी घेऊन आलो आहोत ज्याने घरातील सर्वच खुश होतील. बनवायला थोडा वेळ लागत असला तरी याच्या चवीने घरातील सर्वच खुश होतील. आजच्या आपल्या रेसिपीचे नाव आहे स्टफ्ड ब्रेड पकोरा.

ऑफिसच्या डब्यासाठी लसूणचा तडका देऊन झटपट बनवा चमचमीत वांग फ्राय,नोट करून घ्या रेसिपी

ब्रेड पकोडा एक लोकप्रिय भारतीय स्ट्रीट फूड आहे, ज्यामध्ये ब्रेडचे तुकडे बेसनच्या पिठात बुडवून तळून घेतले जातात. ब्रेड पकोडा बनवण्यासाठी आपल्याला ब्रेड, बेसन, बटाटा आणि मसाले वापरून त्याला तयार केले जाते. बाहेरील कुरकुरीत बेसनाचे आवरण आणि आतील मसालेदार भाजी यांचे कॉम्बिनेशन चवीला फार अप्रतिम लागते. विकेंडला अथवा कोणत्या खास प्रसंगी तुम्ही हा स्वादिष्ट नाश्ता तयार करू शकता. चला जाणून घेऊया यासाठी लागणारे साहित्य आणि कृती.

साहित्य

बटाट्याच्या सारणासाठी

• उकडलेले बटाटे – २ मध्यम
• आलं-लसूण पेस्ट – १ चमचा
• हिरव्या मिरच्या – २ बारीक चिरून
• हळद – ¼ चमचा
• मोहरी – ½ चमचा
• जिरं – ½ चमचा
• हिंग – चिमूटभर
• कोथिंबीर – २ चमचे बारीक चिरून
• मीठ – चवीनुसार
• तेल – १ चमचा

बेसन पीठासाठी:

• बेसन – १ कप
• हळद – ¼ चमचा
• लाल तिखट – ½ चमचा
• अजवाइन – ¼ चमचा (ऐच्छिक)
• मीठ – चवीनुसार
• पाणी – आवश्यकतेनुसार (घट्ट पीठ तयार करण्यासाठी)

इतर:

• ब्रेड स्लाइस – ४
• तळण्यासाठी तेल

विना ओव्हन घरी बनवा मार्केटसारखा Cheesecake; फार सोपी आहे रेसिपी

कृती

• यासाठी सर्वप्रथम कढईत १ चमचा तेल गरम करून त्यात मोहरी, जिरं, हिंग टाका
• फोडणी फुटल्यावर त्यात आलं-लसूण पेस्ट व हिरव्या मिरच्या टाकून थोडं परता
• त्यात हळद आणि उकडलेले, मॅश केलेले बटाटे टाका आणि मिक्स करा
• यानंतर यात मीठ आणि कोथिंबीर घालून चांगले मिक्स करा. मिश्रण थोडं गार होऊ द्या
• एका ब्रेडच्या त्रिकोण स्लाइसवर सारण पसरवा आणि दुसरा त्रिकोण त्यावर ठेवा
• अशा प्रकारे सगळे सँडविच तयार करा
• आता एका बाउलमध्ये बेसन, हळद, तिखट, अजवाइन आणि मीठ टाका
• त्यात थोडं थोडं पाणी घालून एकसंध आणि मध्यम घट्टसर पीठ तयार करा
• शेवटी कढईत तेल गरम करा आणि तयार ब्रेड सँडविच बेसन पिठात बुडवून गरम तेलात सोडा
• दोन्ही बाजूंनी सोनेरी कुरकुरीत होईपर्यंत यांना छान तळून घ्या
• तयार ब्रेड पकोडे गरम गरम हिरव्या चटणीसह किंवा टमाटो सॉसबरोबर खाण्यासाठी सर्व्ह करा