दांडिया खेळल्यानंतर घाम येतो? मग ‘हे’ प्रॉडक्ट वापरून करा वॉटरप्रूफ मेकअपबेस

सर्वच महिला आणि मुलांना मेकअप करायला खूप आवडतो. मेकअप केल्यानंतर चेहरा अधिक सुंदर नि उठावदार दिसतो. त्यामुळे सणाच्या दिवशी किंवा इतर वेळी महिला सुंदर तयार होऊन बाहेर जातात. यंदाच्या नवरात्रीमध्ये तुम्हाला जर वॉटरप्रूफ मेकअप हवा असेल तर या पद्धतीचा मेकअप लूक नक्की करून पहा. या स्टेप्स वापरून केलेला मेकअप लवकर खराब होऊन जाणार नाही.

राज्यभरात सगळीकडे शारदीय नवरात्री उत्सवाची जोरदार तयारी सुरु आहे. 3 ऑक्टोबरला देवीची घटस्थापना होणार आहे. देवीची घटस्थापना झाल्यानंतर नऊ दिवस देवीची मनोभावे पूजा करून नऊ दिवस वेगवेगळ्या पदार्थांचा नैवेद्या दाखवला जातो. तसेच अनेक ठिकाणी गरबा, दांडियांचे आयोजन केले जाते. सर्वच महिला आणि मुलींना नवरात्रीमध्ये येणारी सगळ्यात पहिली आठवण म्हणजे दांडिया. रात्रभर जागून अनेक ठिकाणी मुली गरबा खेळतात. प्रत्येक सण समारंभाच्या दिवसांमध्ये महिला आणि मुलींना छान नटून थटून तयारी करायला खूप आवडते. गरबा खेळायला जाण्याआधी मुली मोठमोठे घागरे, मॅचिंग दुप्पटा, हेअरस्टाईल, मेकअप इत्यादी गोष्टी करून गरबा खेळण्यासाठी जातात.

तासनतास गरबा खेळून अनेकदा मेकअप खराब होण्याची शक्यता असते. गरबा खेळून घाम आल्यानंतर मेकअप पूर्णपणे निघून जातो. त्यामुळे बाहेर जाताना किंवा गर्दीच्या ठिकाणी जाताना वॉटरप्रूफ मेकअप करण्यावर जास्त भर द्यावा. वॉटरप्रूफ मेकअप केल्यामुळे मेकअप लवकर खराब होत नाही आणि अधिक काळ मेकअप तसाच टिकून राहतो. बाजारात वॉटरप्रूफ मेकअपचे अनेक वेगवेगळ्या प्रकारचे मेकअप प्रॉडक्ट उपलब्ध झाले आहेत. त्यामुळे ज आम्ही तुम्हाला वॉटरप्रूफ मेकअपबेस कसा करायचा, याबद्दल सांगणार आहोत. अशा पद्धतीने मेकअप बेस केल्यास लवकर मेकअप खराब होणार नाही आणि तुम्ही केलेला मेकअप अधिक काळ टिकून राहील.(फोटो सौजन्य-istock)

हे देखील वाचा: चमक कमी होऊन चेहरा काळा पडत चाललाय? मग आजच आपल्या स्किन केअर रुटीनमध्ये या रसाचा समावेश करा

वॉटरप्रूफ मेकअप करण्यासाठी लागणारे साहित्य:

• लिक्विड फाउंडेशन
• सेटिंग पावडर
• मॉइश्चरायझर
• प्रायमर
• सेटिंग स्प्रे

हे देखील वाचा: सिंपल साडीवर हवा आहे फॅशनेबल ब्लाऊज? मग ‘या’ डिझाइन्सचे गळे नक्की ट्राय करा

‘अशा’ पद्धतीने करा वॉटरप्रूफ मेकअपबेस:

• वॉटरप्रूफ मेकअप करण्यापूर्वी त्वचा पाण्याने स्वच्छ धुवून घ्या. त्यानंतर कपड्याच्या साहाय्याने चेहरा पुसून घ्या.
• नंतर तुमच्या त्वचेला सूट होईल असे टोनर, सीरम टाकून काही वेळ त्वचा सेट होण्यासाठी ठेवा.
• नंतर काचेच्या वाटीमध्ये लिक्विड फाउंडेशन, सेटिंग पावडर, इल्युमनेटिंग मॉइश्चरायझर, प्रायमर, सेटिंग स्प्रे घेऊन एकत्र मिक्स करा.
• तयार मिश्रण ब्रशच्या सहाय्याने चेहऱ्यावर आणि मानेवर लावा. ब्लेंडरच्या सहाय्याने सगळीकडे व्यवस्थित लावून घ्या.
• त्यानंतर लिपस्टिक, काजळ, आयलायनर लावा. अशा पद्धतीने मेकअप केल्यास तुमचा मेकअप जास्त वेळ टिकून राहील आणि मेकअप लवकर निघणार नाही.

टीप – आम्ही देत असलेली माहिती ही तज्ज्ञांशी बोलून आणि रिसर्च करून देत आहोत. हा लेख केवळ तुमच्या माहितीसाठी लिहिण्यात आला आहे. प्रत्येकाची त्वचा वेगळी असते, त्यामुळे कोणत्याही प्रकारचा उपाय करण्यापूर्वी पॅच टेस्ट करायला विसरू नका.