शरीर देते यकृताच्या विनाशाचे संकेत! कराल Ignore, तर चूक होईल घनघोर

यकृत बिघडल्याची लक्षणं दिसताच दुर्लक्ष न करता त्वरित डॉक्टरांचा सल्ला घ्या. योग्य आहार, व्यायाम आणि पाण्याचं सेवन यकृताचं आरोग्य टिकवतात.

आपल्या शरीरातील सर्वात महत्त्वाचं अवयव म्हणजे यकृत (Liver). यकृत शरीराचे अतिशय महत्वाचे कार्य सांभाळत असतो. मग ती पचनक्रियेची प्रक्रिया सुरळीत ठेवणे असो किंवा रक्ताचे शुद्धीकरण असो. यकृत इतके महत्वाचे असते की त्याच्या कार्यप्रणालीमुळे शरीराला सतत ऊर्जा मिळत असते. या यकृताचे आरोग्य सुरळीत ठेवावे लागते. मात्र, यकृताचं आरोग्य बिघडू लागलं की शरीर आपल्याला काही स्पष्ट संकेत देतं. हे संकेत वेळेत ओळखून उपचार केले नाहीत, तर मोठा धोका निर्माण होऊ शकतो.

206 हाडांमधून कॅल्शियम खेचून घेतोय चहा, 4 नुकसान आयुष्य करेल उद्ध्वस्त; 3 गोष्टींची घ्या काळजी

यकृताच्या नुकसानीची लक्षणे:

• सतत थकवा जाणवणे: यकृत नीट कार्य करत नसेल, तर शरीराला ऊर्जा मिळत नाही आणि कायम कमजोरी जाणवते. जर तुम्हाला थकवा वगैरे जाणवत असेल तर कसलाही वेळ दवडू नका.
• भूक कमी होणे आणि वजन घटणे: यकृताच्या बिघाडामुळे भूक लागत नाही. त्यामुळे अचानक वजन कमी होऊ लागतं.
• त्वचेचा आणि डोळ्यांचा पिवळसर रंग (Jaundice): यकृत बिलिरुबिन प्रक्रिया करू शकत नाही, त्यामुळे त्वचा आणि डोळे पिवळसर दिसतात. प्रत्येक पिवळा रंग कावीळ दर्शवत नाही.
• पोट फुगणे किंवा वेदना होणे: यकृत सुजल्यामुळे पोट फुगतं किंवा उजव्या बाजूला वेदना होतात.
• त्वचेवर खाज येणे आणि डाग पडणे: रक्तशुद्धी नीट न झाल्यास त्वचेवर डाग किंवा खाज सुटते.हे रुग्ण यकृताच्या महत्वाच्या लक्षणांपैकी एक आहे.
• मळमळ आणि उलट्या होणे: पचनक्रिया बिघडल्यामुळे वारंवार मळमळ किंवा उलट्या होतात.
• लघवी आणि विष्ठेतील बदल: गडद रंगाची लघवी आणि फिकट रंगाची विष्ठा हे यकृताच्या आजाराचे स्पष्ट लक्षण आहे.

फुफ्फुस कमकुवत झाल्यानंतर शरीरात दिसून येतात ‘ही’ गंभीर लक्षणे, लहान वाटणाऱ्या लक्षणांकडे अजिबात करू नका दुर्लक्ष

ही लक्षणं दिसल्यास ती दुर्लक्षित न करता त्वरित डॉक्टरांचा सल्ला घ्यावा. वेळेत योग्य उपचार घेतले, तर गंभीर आजारांपासून बचाव करता येतो. यकृताचं आरोग्य टिकवण्यासाठी संतुलित आहार, नियमित व्यायाम, मद्यपान टाळणं आणि पाण्याचं योग्य प्रमाणात सेवन करणं अत्यंत गरजेचं आहे.