आई वडिलांच्या ‘या’ सवयी मुलांच्या मानसिकतेसाठी धोक्याचे; वेळीच बदल करा

कधी कधी आई वडिलांच्या काही सवयी त्यांच्या पाल्यांच्या मानसिक त्रासाला कारणीभूत ठरतात. या मानसिक त्रासाचा परिणाम त्या मुलांच्या अभ्यासावर तसेच कार्यक्षमतेवर जाणवतो. जर तुम्ही देखील या सवयी जपत आहात तर आजच थांबवा.

मानसिक परिणाम हे सभोवतालच्या वातावरणावर अवलंबून असतं. लहान मुलांच्या मेंदूवर त्यांच्या संगतीचा तसेच सभोवतालच्या गोष्टीचा लवकर परिणाम होतो. त्यामुळे आपल्या मुलांमध्ये चांगले संस्कार करायचे असल्यास फक्त बोलून आणि शिकवून होतं नाही. आई वडिलांच्या सवयीदेखील मुलांना खूप काही शिकवून जातात. या सवयी चांगल्या असल्या तर ठीक, अन्यथा याचे लहान मुलांच्या मानसिकतेवर गंभीर परिणाम होतं असतात. जर तुम्हाला तुमच्या मुलाचे मानसिक आरोग्य सहदेव निरोगी ठेवायचे आहे तर आजपासून तुमच्या सवयीत काही मुख्य गोष्टींमध्ये बदल करा.

हे देखील वाचा : नवरात्रीच्या उपवासात साबुदाणे खाण्याऐवजी बनवून पहा चविष्ट भगर पुलाव

तुम्ही तुमच्या मुलांना आनंद देण्यासाठी भले अनेक प्रयत्न करत असाल पण तुमच्या सवयींमधील काही गोष्टी त्या निरागस मनाला बोचत आहेत, ज्यामुळे ते निरागस मन सहदेव अस्वस्थ असते. परिणामी, या गोष्टीचा परिणाम त्या निरागस बाळाच्या मानसिकतेवर होतो. मानसिकतेवर होणार परिणाम एखाद्याच्या कार्यक्षमतेवर दिसून येतो. जर तुमच्या मुलाचे शाळेमध्ये गुण कमी येत असतील तर याला कदाचित कारणीभूत तुम्हीच असू शकता.

अनेक आई वडील आहेत, जे आपल्या मुलांशी अगदी मित्राप्रमाणे राहत असतात. आपल्या मुलांशी मित्रासारखे बोलणे, खेळणे तसेच बागडणे मुलांसाठी फायद्याचे ठरते. याने त्यांचा मानसिक भार मोठ्या प्रमाणामध्ये कमी होत असतो. लहानग्या वयामध्ये मुलांना जास्त काही बाहेरचा भार नसतो, असतो तो म्हणजे सभोवताल घडणाऱ्या गोष्टींचा. म्ह्णून त्या गोष्टींना ओळखून आई वडिलांनी त्याबद्दल विचार करणे अपेक्षित असते.

हे देखील वाचा : महिलांच्या पायात नेहमी चांदीचे पैंजण का असतात? जाणून घ्या सविस्तर

आई वडिलांच्या ‘या’ सवयी मुलांच्या मानसिक त्रासाला कारणीभूत ठरतात.

• आई वडिलांनी आपल्या मुलांवर जास्त अपेक्षा लादण्यापेक्षा त्यांना समजून घेतले पाहिजे. जर तुमचा पाल्य अभ्यासात हुशार असेल तर त्याच्याकडून इतर कार्यातून जास्त अपेक्षा ठेवू नको. याने पाल्यावर मानसिक भार तयार होतो, परिणामी आहे त्या गोष्टीतूनही पाल्याचा रस निघून जातो.
• आपल्या मुलांना विविध टॅग्स देणे, कि तू आळसी आहे, तुझ्याकडून काही होणार नाही, तुला भविष्य नाही. आपल्या पाल्यांच्या कानावर सतत या गोष्टी पडल्याने त्याच्या आत्मविश्वासाचे खच्चीकरण होते.
• आपल्या मुलांना शिस्तीचे पालन करण्यास लावणे, कधीही उत्तम असते. पण त्या नियमानुसार जागून त्याचे आयुष्य खर्च आनंदी चालले आहे का? यावर लक्ष द्या. अनेकदा पाल्याला पाऊला-पाऊलावर टोकल्याने पाल्य आत्मनिर्भर होत नाही.
• एखादा पाल्य जर चुकला तर त्याला घालून पाडून बोलण्यापेक्षा तसेच पाल्याला भीती दाखवण्यापेक्षा त्याला मोटिवेट करा. आपल्या पाल्याला प्रेरित करा.