पावसाळा संपायच्या आत घरी एकदा नक्की बनवा Tandoori Corn; थंड वातावरणात घ्या गरमा गरम अन् मसालेदार चवीचा आस्वाद

पावसाळ्यात तंदूर मका खाल्ला नाही तर मग काय खाल्लं! या चविष्ट आणि मसालेदार पदार्थाची चव तुमच्या मनाला सुखावून जाईल. पावसाच्या थंड वातावरणात गरमा गरम तंदूरी मका एकदा नक्की बनवून पहा.

पावसाळा ऋतू सुरु झाला आहे. या ऋतूत अनेक सिजनल भाज्या आणि मके मोठ्या प्रमाणात बाजारात उपलब्ध होतात. पावसाच्या थंड वातावरणात गरमा गरम मका खाण्याची मजा म्हणजे काही औरच! मका उकडून, भाजून, तळून अशा अनेक प्रकारे खाल्ला जातो पण आज आम्ही तुमच्यासाठी याची एक टेस्टी आणि मसालेदार डिश घेऊन आलो आहोत जी तुम्ही क्वचितच कधी ट्राय केली असावी.

आषाढी एकादशीनिमित्त घरी बनवा उपवासाची थंडगार रसमलाई! गोड पदार्थ पाहून घरातले होतील खुश, नोट करा रेसिपी

आजच्या आपल्या रेसिपीचे नाव आहे तंदुरी कॉर्न! तंदूरी कॉर्न ही एक झटपट आणि स्वादिष्ट स्नॅक रेसिपी आहे. मक्याचे दाणे आणि दही बेस्ड मसाल्याचा परिपूर्ण संगम म्हणजे ही डिश. ही भूक लागल्यावर, पार्टी स्टार्टर म्हणून सर्व्ह केली जाऊ शकते. काही हलकंफुलकं खायचं असल्यासही ही रेसिपी एक उत्तम पर्याय आहे. चला तर मग लगेच नोट करूयात यासाठी लागणारे साहित्य आणि कृती.

साहित्य

• उकडलेले स्वीट कॉर्न दाणे – २ कप
• ग्रीक दही किंवा गढ दही – १/२ कप
• लसूण-आलं पेस्ट – १ टीस्पून
• तंदूरी मसाला – १ टेबलस्पून
• लाल तिखट – १/२ टीस्पून
• हळद – १/४ टीस्पून
• लिंबाचा रस – १ टीस्पून
• गरम मसाला – १/२ टीस्पून
• चाट मसाला – १/२ टीस्पून
• मीठ – चवीनुसार
• बटर किंवा तेल – १ टेबलस्पून
• कोथिंबीर – सजावटीसाठी

गोवन स्टाईलमध्ये घरी बनवा मसालेदार Aloo Vindaloo; नेहमीच्या बटाट्याच्या विसरायला लावेल याची चव

कृती

• तंदुरी कॉर्न बनवण्यासाठी सर्वप्रथम एका मोठ्या बाऊलमध्ये दही, लसूण-आलं पेस्ट, तंदूरी मसाला, लाल
• तिखट, हळद, मीठ, लिंबाचा रस आणि थोडा गरम मसाला एकत्र करून फेटा.
• या तयार मॅरिनेशनमध्ये उकडलेले कॉर्नचे दाणे घालून चांगले मिक्स करा. किमान १५-२० मिनिटे मॅरिनेट करू द्या.
•  तवा गरम करून थोडं बटर किंवा तेल टाका. मॅरिनेट केलेले कॉर्न त्यावर मध्यम आचेवर परतून घ्या, जोपर्यंत थोडासा खरपूस रंग येईपर्यंत.
• ओव्हनमध्ये: २००°C वर प्रीहीट केलेल्या ओव्हनमध्ये १०-१५ मिनिटे ग्रिल करा.
• वरून चाट मसाला आणि थोडी लिंबाची फोड पिळा.
• बारीक चिरलेली कोथिंबीर पसरवा आणि गरमागरम सर्व्ह करा.
• अधिक झणझणीत हवे असल्यास थोडं काश्मिरी लाल तिखट किंवा पेरी पेरी मसाला वापरू शकता