शरीरातील रक्तवाहिन्या ब्लॉक झाल्यानंतर पायांमध्ये दिसू लागतात ‘ही’ गंभीर लक्षणे, डॉक्टरांच्या सल्ल्याने करा योग्य ते उपचार

शरीरात वाढलेल्या खराब कोलेस्टरॉलमुळे संपूर्ण शरीरातील रक्तवाहिन्या ब्लॉक होण्याची शक्यता असते.रक्तवाहिन्या ब्लॉक झाल्यानंतर पायांमध्ये लक्षणे दिसू लागतात.जाणून घ्या रक्तवाहिन्या ब्लॉक झाल्यानंतर पायांमध्ये दिसणार लक्षणे.

चुकीच्या जीवनशैलीमुळे शरीराला गंभीर आजारांची लागण होण्याची शक्यता असते. जंक फूडचे अतिसेवन, कामाचा वाढलेले तणाव, अतितिखट किंवा मसालेदार पदार्थांचे सेवन, धूम्रपान, व्यायामाचा अभाव इत्यादी अनेक गोष्टींचा परिणाम शरीरावर लगेच दिसून येतो. शरीरात कोलेस्ट्रॉलची पातळी वाढल्यानंतर हृदयाच्या रक्तवाहिन्यांसह संपूर्ण शरीराच्या रक्तवाहिन्यांना अडथळे निर्माण होण्याची शक्यता असते. त्यामुळे दैनंदिन आहारात किंवा आरोग्यामध्ये होणाऱ्या छोट्या मोठ्या बदलांकडे दुर्लक्ष न करता शरीराला पचन होणाऱ्या हलक्या आणि पौष्टिक पदार्थांचे सेवन करावे. यामुळे शरीराला कोणतेही हानी पोहचत नाही. शरीराच्या रक्तवाहिन्या संपूर्ण शरीरात ऑक्सिजन पुरवठा करण्याचे काम करतात.(फोटो सौजन्य – iStock)

कायम दीर्घयुषी राहण्यासाठी शरीरातील ‘या’ अवयवांना नियमित करा मालिश, वाढत्या वयात सुद्धा नेहमीच दिसाल तरुण

मानवी शरीरात असलेल्या रक्तवाहिन्या ऑक्सिजन आणि आवश्यक पोषक तत्वे शरीराच्या प्रमुख अवयवांकडे पोहचवण्याचे काम करतात. मात्र शरीरात वाढलेल्या कोलेस्टरॉलमुळे रक्तवाहिन्यांमध्ये चिकट थर जमा होण्यास सुरुवात होते. यामुळे बऱ्याचदा हृदयविकाराचा झटका येण्याची शक्यता असते. संपूर्ण शरीराच्या रक्तवाहिन्या ब्लॉक झाल्यानंतर सकाळी उठल्यानंतर पायांमध्ये गंभीर लक्षणे दिसून येतात. पायांमध्ये दिसणाऱ्या या लक्षणांकडे दुर्लक्ष केले जाते. मात्र असे न करता डॉक्टरांच्या सल्ल्याने योग्य ते औषध उपचार करावे.

रक्तवाहिन्या ब्लॉक झाल्यानंतर शरीराच्या कार्यात आणि रक्तप्रवाहात अनेक अडथळे निर्माण होतात. शरीरात निर्माण होणाऱ्या या अडथळ्यांमुळे रक्तवाहिन्या अरुंद होऊन जातात. याशिवाय शरीरात मोठे बदल दिसू लागतात. म्हणूनच आज आम्ही तुम्हाला शरीराच्या रक्तवाहिन्या ब्लॉक झाल्यानंतर पायांमध्ये कोणती लक्षणे दिसून येतात, याबद्दल सविस्तर माहिती सांगणार आहोत. चला तर जाणून घेऊया.

रक्तवाहिन्या ब्लॉक झाल्यानंतर शरीरात दिसणारी लक्षणे:

• चालताना अचानक पाय दुखणे
• पायांमध्ये सतत क्रॅम्प्स येणे
• पाय सुन्न होणे
• बोटांवरील जखमा
• नखांची वाढ न होणे
• नखांवरील चमक कमी होणे

शरीरातील रक्त शुद्ध करण्यासाठी नियमित करा ‘या’ फळाचे सेवन! हार्ट अटॅक, कोलेस्ट्रॉलचा धोका होईल कायमचा कमी

नसा ब्लॉक होण्याची कारणे?

शरीरात खराब कोलेस्ट्रॉलची पातळी वाढल्यानंतर शरीराच्या रक्तवाहिन्यांमध्ये आणि इतर भागांमध्ये अनावश्यक चरबी जमा होण्यास सुरुवात होते. पिवळ्या रंगाचा चिकट थर जमा झाल्यानंतर रक्तवाहिन्या पूर्णपणे ब्लॉक होऊन जातात. धुम्रपान, उच्च रक्तदाब, मधुमेह आणि अनियंत्रित रक्तातील साखरेची पातळी इत्यादी गोष्टींचा परिणाम शरीरावर लगेच दिसून येतो. त्यामुळे शरीरात होणाऱ्या बदलांकडे दुर्लक्ष न करता डॉक्टरांच्या सल्ल्याने योग्य ते औषध उपचार करावे.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.