सावधान! लिव्हरमध्ये अनावश्यक चरबी वाढल्यानंतर शरीरात दिसून येतात ‘ही’ लक्षणे, दुर्लक्ष केल्यास ओढवेल मृत्यू

शरीरात कायमच थकवा जाणवणे:

लिव्हरचे कार्य बिघडल्यानंतर शरीरात कायमच थकवा, अशक्तपणा जाणवू लागतो. कारण शरीरात साचून राहिलेले विषारी पदार्थ बाहेर पडून जात नाहीत. ज्यामुळे शरीराची ऊर्जा कमी होते आणि वारंवार थकवा जाणवू लागतो. छोटीमोठी काम करताना शरीर सतत थकल्यासारखे वाटू लागते. त्यामुळे वारंवार शरीरात ही लक्षणे दिसू लागल्यास तातडीने डॉक्टरांच्या सल्ल्याने उपचार करावे.

पोटावर वाढलेला चरबीचा घेर:

लिव्हरमध्ये वाढलेली अनावश्यक चरबी लिव्हरच्या आरोग्यासाठी अतिशय घातक आहे. फॅटी लिव्हरची समस्या उद्भवल्यानंतर लिव्हर फॅट योग्यरीत्या पचवू शकत नाही, ज्यामुळे पोटावर चरबी वाढू लागते. वाढलेले वजन कमी करण्यासाठी संतुलित आहार आणि शारीरिक हालचाली करणे आवश्यक आहे. बऱ्याचदा पोटात गॅस होणे, अपचन, जडपणा इत्यादी अनेक समस्या उद्भवू लागतात.

प्रौढ व्यक्तींना वार्षिक लसीची गरज आहे का? पावसाळ्याच्या दिवसांमध्ये ‘या’ पद्धतीने घ्या आरोग्याची काळजी

लघवीचा रंग बदलणे:

लिव्हरसबंधित कोणतीही समस्या उद्भवू लागल्यास लघवीच्या रंगात बदल होतो. लघवीचा रंग गडद पिवळा दिसू लागतो. तसेच डोळ्यांमध्ये पिवळेपणा वाढतो. शरीरात बाइलचे उत्पादन कमी झाल्यामुळे शरीरातील अपायकारक पदार्थ योग्य पद्धतीने बाहेर पडून न गेल्यामुळे लघवीचा रंग गडद पिवळा होतो.

FAQs (संबंधित प्रश्न)

फॅटी लिव्हरची कारणे काय आहेत?

लठ्ठपणा, मधुमेह, उच्च कोलेस्ट्रॉल आणि इन्सुलिन प्रतिरोध (Insulin resistance) यांसारख्या चयापचय समस्यांमुळे नॉन-अल्कोहोलिक फॅटी लिव्हर होऊ शकतो. जास्त प्रमाणात मद्यपान केल्याने अल्कोहोलिक फॅटी लिव्हर होतो.

फॅटी लिव्हरची लक्षणे काय आहेत?

बहुतेक लोकांना फॅटी लिव्हरची कोणतीही लक्षणे दिसत नाहीत. काही लोकांना थकवा, पोटदुखी, वजन कमी होणे किंवा त्वचेला खाज येणे यासारखी लक्षणे दिसू शकतात. फॅटी लिव्हर वाढल्यास, यकृताला सूज येऊ शकते (Hepatitis), ज्यामुळे सिरोसिस (Cirrhosis) आणि यकृताची समस्या (Liver failure) निर्माण होऊ शकते.

फॅटी लिव्हर टाळण्यासाठी काय करावे?

निरोगी वजन राखा, नियमित व्यायाम करा, संतुलित आहार घ्या, मद्यपान मर्यादित करा किंवा टाळा, मधुमेह आणि उच्च कोलेस्ट्रॉल नियंत्रित ठेवा.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.