परफ्यूम विकत घेताना सुगंध न पाहता ‘या’ गोष्टींवर सुद्धा द्या लक्ष

डिओडोरंट्स आणि परफ्यूम्स आपल्याला घामाच्या वासापासून वाचवण्यास मदत करतात. यामुळे आपला मूड देखील फ्रेश राहतो.

उन्हाळा असो की इतर ऋतू सर्वच ऋतूंमध्ये शरीराला घामामुळे वास येतो. घामाचा वास लपवण्यासाठी आपण परफ्यूम किंवा अंतर वापरतो. यामुळे शरीराला सुगंधी वास येतो. घामामुळे शरीराला येणारी दुर्गंधी कमी होते. डिओडोरंट्स आणि परफ्यूम्स आपल्याला घामाच्या वासापासून वाचवण्यास मदत करतात. यामुळे आपला मूड देखील फ्रेश राहण्यास मदत होते. शरीरातून येणारा आल्हाददायक सुगंध आपल्याला अनादी ठेवतो. त्यामुळे बाजारात गेल्यानंतर परफ्यूम विकत घेताना फक्त सुगंध न पाहता इतरही गोष्टींकडे लक्ष दिले पाहिजे. परफ्यूम विकत घेताना कोणत्या गोष्टींकडे लक्ष दिले पाहिजे चला तर जाणून घेऊया.(फोटो सौजन्य: istock)

परफ्यूम खरेदी करताना ‘या’ गोष्टींकडे लक्ष द्यावे:

• परफ्यूम विकत घेत असताना कधीही तो शरीराच्या अंतर्गत भागांवर मारू नये. यामुळे अलर्जी किंवा इन्फेकशन होण्याची शक्यता असते.
• परफ्यूममध्ये जास्त प्रमाणात ऍसिड असते, जे आरोग्यासाठी घातक आहे. अतिप्रमाणात असिड अंगावर मारल्यानंतर खाज येणे, पुरळ येणे, त्वचा लाल होणे इत्यादी अनेक समस्या उद्भवतात.
• विकत घेतलेला परफ्यूम तुमच्या त्वचेसाठी किती प्रभावी आहे, याकडे सुद्धा लक्ष देणे गरजेचे आहे. विकत घेण्याच्या आधी मनगटावर परफ्यूम मारून बघावा. मनगटावर काळे डाग किंवा त्वचा लाल न झाल्यास हा परफ्यूम तुमच्यासाठी प्रभावी आहे.
• परफ्यूम विकत घेत असताना त्याचा सुगंध दुकानाच्या बाहेर जाऊन तपासावा.कारण दुकानातील एअर कंडिशनिंगचा परफ्यूमच्या सुगंधावर परिणाम होऊ शकतो. दुकानांमध्ये इतर सुगंध असल्याने परफ्यूमचा व्यवस्थित ओळखता येत नाही.
• उन्हाळ्याच्या दिवसांमध्ये घामामुळे संपूर्ण शरीर दुर्गंधीयुक्त होऊन जात. हा वास लपवून ठेवण्यासाठी आपण परफ्यूम मारतो. अशावेळी शरीरातील नैसर्गिक रसायनांशी जुळणारे परफ्यूम आपल्यासाठी योग्य असतात.
• बाजारात गेल्यानंतर परफ्यूम निवडताना ते उच्च एकाग्रता असलेले असायला हवेत, ज्यामुळे शरीरातील उष्णता आणि आर्द्रता सहन होईल.
• अनेकदा परफ्यूम विकत घेतल्यानंतर त्वचेवर जळजळ किंवा लाल डाग येण्यास सुरुवात होते. असे झाल्यास वापरत असलेला परफ्यूम वापरू नये.

टीप – आम्ही देत असलेली माहिती ही तज्ज्ञांशी बोलून आणि रिसर्च करून देत आहोत. हा लेख केवळ तुमच्या माहितीसाठी लिहिण्यात आला आहे. प्रत्येकाची त्वचा वेगळी असते, त्यामुळे कोणत्याही प्रकारचा उपाय करण्यापूर्वी पॅच टेस्ट करायला विसरू नका.