माघी गणेशोत्सवासाठी मोदकांचे दोन स्वादिष्ट प्रकार; चवीत उत्तम आणि Healthy

माघी गणेशउत्सवनिमित्त राज्यभरात घरोघरी गणपती स्पेशल मोदक बनवले जाते. मोदक स्वादाला उत्कृष्ट असला तरी ते गोड खाद्यपदार्थ, मधुमेह असणाऱ्या रुग्णांसाठी हे जास्त उत्तम नाही. मग जाणून घ्या Healthy रेसिपी.

माघी गणेशोत्सव हा गोड पदार्थांच्या स्वादाने समृद्ध असतो. या सणानिमित्त मोदकांसारख्या पारंपरिक गोड पदार्थांचा मनसोक्त आस्वाद घेतला जातो. परंतु आजच्या काळात आरोग्याबाबत जागरूकता वाढलेली आहे. विशेषतः मधुमेह किंवा इतर आरोग्य समस्यांनी त्रस्त असलेल्या लोकांसाठी गोड पदार्थांचा आनंद घेणे अवघड होऊ शकते. त्यामुळे सणाचा आनंद गमावू न देता आरोग्यदायी पर्याय तयार करणे महत्त्वाचे ठरले आहे. याच उद्देशाने फोर्टिस हॉस्पिटल, कल्याणच्या क्लिनिकल डाएटीशियन सुमैया ए. यांनी आरोग्यदायी आणि स्वादिष्ट अशा दोन प्रकारच्या मोदकांची पाककृती सुचवली आहे. या रेसिपींना यंदाच्या माघी गणेशउत्सवासामध्ये तयार करा आणि या सणाला स्वादिष्ट आणि आरोग्यास सुलभरित्या साजरी करा.

‘या’ वयात लग्न कराल तर वैवाहिक जीवनात व्हाल खुशाल, स्टडीत झाला खुलासा

ओट्स-बदाम मोदक

हे मोदक प्रोटीन, फायबर आणि आरोग्यदायी फॅट्सने समृद्ध असतात. ओट्स, बदाम, खजूर आणि बियांच्या मिश्रणामुळे हे मोदक पौष्टिक आणि स्वादिष्ट होतात. नियमितपणे खाल्ल्यास ते आरोग्यासाठी अत्यंत फायदेशीर ठरतात.

साहित्य:

बाह्य आवरणासाठी:

• १ कप ओट्स पीठ
• ½ कप बदाम पावडर
• २ चमचे फ्लेक्ससीड पीठ
• चिमूटभर मीठ

सारणासाठी:

• ½ कप खजूर
• ½ कप विविध बिया (सूरजमुखी, चिया इत्यादी)
• वेलची पावडर

कृती:

• ओट्स, बदाम पावडर व फ्लेक्ससीड पिठ एकत्र करून पाणी घालून पीठ तयार करा.
• खजूर आणि विविध बियांचे मिश्रण करून सारण तयार करा.
• पीठाचे छोटे गोळे करून त्यामध्ये सारण भरून मोदकाचा आकार द्या.
• मोदक १० ते १५ मिनिटे वाफवून गरमागरम सर्व्ह करा.

Mahakumbh Mela 2025: गाडीने महाकुंभला जाण्याचा विचार करत असाल तर थांबा, अशा प्रकारे अडकाल की परतणेही कठीण होईल

गाजराचे मोदक

गाजराचे मोदक व्हिटॅमिन ए, अॅण्टीऑक्सिडंट्स आणि बीटा-कॅरोटीनने समृद्ध असतात. गाजरासोबत बदाम, काजू आणि गूळ यामुळे हे मोदक आरोग्यासाठी अत्यंत फायदेशीर ठरतात. गाजरांमध्ये अॅण्टीऑक्सिडंट्स असल्यामुळे ते शरीराच्या प्रतिकारशक्तीला बूस्ट करतात.

साहित्य:

• १ कप गाजर (किसलेले)
• ½ कप दूध
• ¼ कप गूळ
• बदाम व काजूची पावडर
• वेलची पावडर
• १ चमचा तूप

कृती:

• किसलेले गाजर तुपात परतून त्यात दूध व मिल्क पावडर मिसळा.
• गूळ, बदाम आणि काजूची पावडर टाकून मिश्रण घट्ट होईपर्यंत शिजवा.
• थंड झाल्यावर साचा वापरून मोदक तयार करा.

हे दोन्ही प्रकार अत्यंत आरोग्यदायी असून गोड पदार्थांचा आनंद घेण्यासोबतच आपल्या आरोग्याची काळजी घेता येते. जर तुम्ही आरोग्यदायी जीवनशैली राखू इच्छिता, तर या मोदकांचा आनंद तुम्ही नक्कीच घेऊ शकता.