Mahakumbh Mela 2025: गाडीने महाकुंभला जाण्याचा विचार करत असाल तर थांबा, अशा प्रकारे अडकाल की परतणेही कठीण होईल

मौनी अमावस्या स्नानादरम्यान, प्रयागराजकडे जाणारी वाहतूक बंद करण्यात आली आहे. अशात तुम्हीही गाडीने प्रयागराजला जाण्याचा विचार करत असाल तर या गोष्टी प्रथम ध्यानी असूद्यात.

Mahakumbh Mela 2025: गाडीने महाकुंभला जाण्याचा विचार करत असाल तर थांबा, अशा प्रकारे अडकाल की परतणेही कठीण होईल

Follow Us:

Follow Us:

13 जानेवारीपासून महाकुंभाला सुरूवात झाली असून 26 फेब्रुवारीपर्यंत हा सोहळा सुरु असणार आहे. हिंदू धर्मात याला फार महत्त्व आहे. जगाच्या कानाकोपऱ्यातून लोक महाकुंभाला भेट देण्यासाठी प्रयागराजकडे आपली वाट पकडत आहेत. त्यातच आता इथे लोकांची गर्दी इतकी वाढली आहे की मौनी अमावस्येनिमित्त महाकुंभमेळ्यादरम्यान रायबरेलीमध्ये प्रयागराजकडे जाणारी वाहतूक बंद करण्यात आली आहे. जिल्हा प्रशासनाने बछरावना, आयडीटीआर आणि आयटीआय उंचाहार येथील सर्व वाहने बंद केली आहेत. गर्दी कमी झाल्यावर वाहतूक पुन्हा सुरू होईल. त्यामुळे, जर तुम्हीही रस्त्याने प्रयागराजला जात असाल, तर तुमचा प्लॅन बदला, कारण तुम्हाला बराच वेळ प्रतीक्षा करावी लागू शकते.

दुसरीकडे भदोहीमध्येही जिल्हा प्रशासनाने प्रयागराजकडे जाणारी वाहतूक बंद केली आहे. महामार्गावर अनेक ठिकाणी हजारो वाहने थांबली आहेत. भाविकांसाठी भोजन व इतर व्यवस्था करण्यात आली आहे. तसेच महामार्गावर मोठा पोलीस बंदोबस्त तैनात करण्यात आला आहे. बॅरिकेड्स लावून सर्व वाहने सुरक्षित ठिकाणी थांबवली जात आहेत. त्याचप्रमाणे प्रयागराजमध्येही भाविकांना शहरातून बाहेर पडण्यापूर्वी थांबवण्यात आले आहे. महाकुंभमेळा प्राधिकरणही गर्दी व्यवस्थापनात गुंतले आहे. प्रयागराजकडे जाणाऱ्या गाड्याही पंडित दीनदयाल उपाध्याय रेल्वे स्थानकावर थांबवण्यात आल्या आहेत.

आता महाकुंभला जाणे झाले स्वस्त! अर्ध्या किमतीत विमानाने करता येणार प्रवास, Indigo Airlines ने भाडे केले निम्मे

चित्रकूटमध्येही हजारो रोखले गेले

प्रयागराज महाकुंभात झालेल्या चेंगराचेंगरीनंतर चित्रकूटमध्येही वाहतूक बंद करण्यात आली आहे. भरतकुप आणि मुरका सीमेवर हजारो वाहने थांबवण्यात आली आहेत. प्रयागराजकडे जाणाऱ्या अनेक गाड्या माणिकपूर जंक्शनवर थांबवण्यात आल्या आहेत. दुपारी ३ वाजल्यापासून प्रयागराजकडे जाणारी वाहने चित्रकूट सीमेवर थांबवण्यात आली आहेत. भाविकांना होल्डिंग एरियामध्ये ठेवून त्यांच्यासाठी चोख व्यवस्था करण्यात आली आहे.

PDDU स्टेशनवर रूळली गेली महाकुंभ स्पेशल ट्रेन्स

महाकुंभातील गर्दीमुळे प्रयागराजच्या सीमेवरील सर्व रेल्वे स्थानकांना सतर्कतेचा इशारा देण्यात आला आहे. गर्दी लक्षात घेता पंडित दीनदयाळ उपाध्याय रेल्वे स्थानकावर सर्व विशेष गाड्या थांबवण्यात आल्या आहेत. यामुळे प्रयागराजला जाणारे लाखो प्रवासी स्थानकात अडकून पडले आहेत. प्रवाशांना होल्डिंग एरियात थांबवण्यात आले आहे. रेल्वे प्रशासनासह विभागाचे सर्व अधिकारी स्थानकावर पोहोचले आहेत. प्रवाशांसाठी व्यवस्था करण्यात येत आहे.

अखेर भारत आणि चीनने एकमेकांना दिली सहमती, या वर्षांपासून पुन्हा सुरू होणार कैलास मानसरोवर यात्रा, आताच तयारी सुरु करा

स्थानकात गतिरोधक लावून प्रवेश बंदी करण्यात आली आहे. प्रवासाचे तिकीट पाहून स्थानकावर प्रवेश दिला जात आहे. एसीएम मनीष कुमार यांनी सांगितले की, प्रयागराजला जाणारी ट्रेन पुढील आदेशापर्यंत थांबवण्यात आली आहे. या सर्वच गोष्टींमुळे भाविकांचे प्रयागराजला जाणे थोडे कठीण झाले आहे तुम्हीही आपल्या गाडीने इथे जाण्याचा विचार करत असाल तर या गोष्टी ध्यानात घ्या आणि यानुसारच तुमच्या जाण्या-येण्याचे नियोजन बनवा.

Web Title: Mahakumbh mela 2025 if you are planning to go to mahakumbh by car you will get stuck in such a way that it will be difficult to return know the details

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com