Vatpournima 2026 : उपवासाला घरी बनवा कुरकुरीत आणि खमंग चवीचे ‘साबुदाणा वडे’, रेसिपी नोट करा

Sabudana Vada Recipe : बाहेरुन कुरकुरीत आणि आतून मऊ चवीचे साबुदाणा वडे तर सर्वांनाच खायला आवडतात. वटपाैर्णिमेच्या उपवासात तुम्ही हा पदार्थ घरी बनवून खाऊ शकता.

• साबुदाणा वडे सर्वांच्या आवडीचे.
• उपवासाला हा पदार्थ आवर्जून बनवला जातो.
• याची रेसिपी फार सोपी असून उपवासाला तुम्ही घरी हा पदार्थ बनवू शकता.

वटपौर्णिमा हा विवाहित महिलांसाठी अत्यंत महत्त्वाचा आणि श्रद्धेचा सण मानला जातो. या दिवशी उपवास करत वडाच्या झाडाची पूजा करून पतीच्या दीर्घायुष्यासाठी आणि सुखी वैवाहिक जीवनासाठी प्रार्थना केली जाते. उपवासाच्या दिवशी हलका, पौष्टिक आणि चविष्ट फराळाचा विशेष आग्रह असतो. अशा वेळी कुरकुरीत आणि मऊसर साबुदाणा वडा हा प्रत्येक घरातील आवडता पदार्थ ठरतो.

Recipe : रात्रीच्या जेवणाला काय बनवावं ते सुचत नाहीये? मग घरी बनवा महाराष्ट्रीयन कढी, गरमागरम भातासोबत लागेल चविष्ट

बाहेरून सोनेरी आणि खुसखुशीत तर आतून मऊ असलेले हे वडा दही, शेंगदाण्याची चटणी किंवा उपवासाच्या हिरव्या चटणीसोबत अधिक स्वादिष्ट लागतात. वटपौर्णिमेच्या पूजा-नैवेद्यासाठी तसेच संपूर्ण कुटुंबासाठी हा पदार्थ उत्तम पर्याय आहे. चला, जाणून घेऊया वटपौर्णिमा स्पेशल स्वादिष्ट साबुदाणा वडा बनवण्याची सोपी रेसिपी.

साहित्य

• २ कप साबुदाणा
• ३ मध्यम उकडलेले बटाटे
• १ कप भाजलेल्या शेंगदाण्याचा कूट
• २-३ हिरव्या मिरच्या बारीक चिरलेल्या
• १ टीस्पून जिरे
• २ टेबलस्पून बारीक चिरलेली कोथिंबीर
• १ टीस्पून साखर (ऑप्शनल)
• चवीनुसार सैंधव मीठ
• तळण्यासाठी तेल

थंडगार वातावरणात सकाळच्या नाश्त्यासाठी बनवा गरमागरम मिक्स व्हेज कटलेट, हिरव्या चटणीसोबत लागेल भारी चव

कृती

• सर्वप्रथम साबुदाणा स्वच्छ धुऊन त्यात फक्त बुडेल इतके पाणी घालून ५ ते ६ तास किंवा रात्रभर भिजत ठेवा.
• भिजल्यानंतर साबुदाणा मोकळा झाला आहे याची खात्री करा.
• मोठ्या भांड्यात भिजवलेला साबुदाणा, कुस्करलेले उकडलेले बटाटे, शेंगदाण्याचा कूट, हिरवी मिरची, जिरे,
• कोथिंबीर, साखर आणि सैंधव मीठ घालून चांगले एकजीव करा.
• तयार मिश्रणाचे समान गोळे करून हाताने हलके दाबत गोल आणि चपटे वडा तयार करा.
• कढईत तेल मध्यम आचेवर गरम करा. तेल पुरेसे तापले की तळण्यासाठी तयार ठेवा.
• एकावेळी काही वडा सावकाश तेलात सोडा. दोन्ही बाजूंनी सोनेरी रंग येईपर्यंत मध्यम आचेवर तळा.
• तळलेले वडा टिश्यू पेपरवर काढा, त्यामुळे अतिरिक्त तेल शोषले जाईल आणि वडा अधिक कुरकुरीत राहतील.
• गरमागरम साबुदाणा वडा उपवासाची हिरवी चटणी, दही किंवा गोड दह्यासोबत वटपौर्णिमेच्या फराळासाठी आणि नैवेद्यासाठी सर्व्ह करा.