Recipe : रात्रीच्या जेवणाला काय बनवावं ते सुचत नाहीये? मग घरी बनवा महाराष्ट्रीयन कढी, गरमागरम भातासोबत लागेल चविष्ट

Maharashtrain Kadhi Recipe : तुम्हालाही गरमागरम कढी खायला फार आवडते का? मग महाराष्ट्रीयन पद्धतीची ही कढी एकदा जरुर ट्राय करा. ही कढी फार कमी वेळेत तयार होते आणि गरमागरम भातासोबत चवीला अप्रतिम लागते.

(फोटो सौजन्य: Pinterest)

Follow Us:

Follow Us:

• नेहमीचं तेच तेच खाऊन तुम्हालाही कंटाळा आला आहे का?
• मग महाराष्ट्रीयन पद्धतीची गरमागरम कढी तुम्ही रात्रीच्या जेवणाला बनवू शकता.
• ही कढी भातासोबत रुचकर लागते आणि कमी वेळात तयार होते.

Beetroot Chila Recipe : लालचुटूक बीटापासून घरी बनवा हेल्दी आणि टेस्टी चिला, पोषकतत्वांनी आहे भरपूर

ही कढी बनवण्यासाठी बेसन, ताक आणि घरातील सहज उपलब्ध मसाल्यांचा वापर केला जातो. कमी वेळात तयार होणारी ही पौष्टिक रेसिपी लहानांपासून मोठ्यांपर्यंत सर्वांनाच आवडते. चला नोट करून घेऊयात साधी आणि सोपी रेसिपी.

साहित्य

• 2 कप ताक
• 2 टेबलस्पून बेसन
• 1 कप पाणी
• 1 टीस्पून साखर
• चवीनुसार मीठ
• 1/2 टीस्पून हळद
• 1 टीस्पून आले-मिरची पेस्ट
• 1 टेबलस्पून तूप
• 1/2 टीस्पून मोहरी
• 1/2 टीस्पून जिरे
• चिमूटभर हिंग
• 8–10 कढीपत्त्याची पाने
• 2 सुक्या लाल मिरच्या
• सजावटीसाठी कोथिंबीर

कृती

• यासाठी सर्वप्रथम  एका भांड्यात ताक, बेसन, पाणी, हळद, मीठ, साखर आणि आले-मिरची पेस्ट घालून गाठी राहणार नाहीत अशा पद्धतीने चांगले फेटून घ्या.
• आता तयार मिश्रण गॅसवर ठेवा आणि सतत ढवळत मध्यम आचेवर उकळी येईपर्यंत शिजवा.
• कढीला उकळी आल्यानंतर 8 ते 10 मिनिटे मंद आचेवर शिजू द्या.
• दुसरीकडे दुसऱ्या छोट्या पॅनमध्ये तूप गरम करून त्यात मोहरी, जिरे, हिंग, सुक्या लाल मिरच्या आणि कढीपत्ता घालून खमंग फोडणी तयार करा.
• ही फोडणी तयार कढीमध्ये घाला आणि हलक्या हाताने ढवळा. वरून बारीक चिरलेली कोथिंबीर भुरभुरवा.
• गरमागरम महाराष्ट्रीयन कढी वाफाळत्या भातासोबत किंवा खिचडीसोबत सर्व्ह करा.
• तुम्हाला हवं असल्यास तुम्ही या कढीला चपाती किंवा भाकरीसोबत कुस्कुरुनही खाऊ शकता.

Web Title: Cant decide what to make for dinner then try making maharashtrian kadhi at home

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com