जगभरात दरवर्षी 4 फेब्रुवारी रोजी ‘जागतिक कर्करोग दिन’ (World Cancer Day 2023) साजरा केला जातो. जागतिक कर्करोग दिनापूर्वी ‘क्लोज द केअर गॅप’ चळवळीला पुढे नेत टाटा ट्रस्ट्सने आपली नवीन मोहीम ‘कैसे का कॅन्सर’(Kaise Ka Cancer) सुरू केली आहे. या मोहीमे अंतर्गत कर्करोगाचे रुग्ण विशेषत: लहान शहरे आणि खेड्यांमधील लोकांच्या जीवनावर लक्ष केंद्रीत करण्यात आलं आहे. ही मोहीम भारतातील कर्करोगाच्या चार प्रमुख स्तंभांभोवती म्हणजेच जागरूकता, उपलब्धता, दर्जेदार सोय आणि परवडणारी आरोग्य सुविधा यावर लक्ष केंद्रीत करुन तयार करण्यात आली आहे.
टाटा ट्रस्टने या संदर्भात एक व्हिडिओ शेअर केला आहे. या व्हिडिओच्या माध्यमातून तुम्हाला सुरुवातीला कॅन्सरग्रस्त व्यक्तीचं वैवाहिक आयुष्य, जडलेला कॅन्सर आजार, कौटुंबिक परिस्थिती, न परवडणारी ट्रीटमेंट आणि भविष्यातील अनिश्चिततेबद्दल सांगतो. पण, टाटा ट्रस्टच्या माध्यमातून उभारण्यात आलेल्या कॅन्सर हॉस्पिटलच्या सहकार्याने हे शक्य होणार आहे. या ठिकाणी आधुनिक तंत्रज्ञान आणि उपकरणांच्या माध्यमातून कॅन्सरची चाचणी आणि उपचारांची सुविधा देण्यात येणार आहे. कमीत कमी पैशांमध्ये ही सुविधा देण्यात येणार आहे. अनुभवी डॉक्टरांचं योग्य मार्गदर्शनही रुग्णांना मिळणार आहे.
[read_also content=”लय भारी ! आता 5G च्या ट्रॅकवर धावणार भारतीय रेल्वे, एका मिनिटात बुक होणार 2.5 लाख तिकीटे, दलालांपासून होणार सुटका, कारण एकदा वाचाच https://www.navarashtra.com/india/indian-railway-to-use-5g-technology-for-ticketing-and-inquiry-system-2-5-lakh-tickets-will-be-booked-in-one-minute-nrsr-367326/”]
या संदर्भात, टाटा ट्रस्टचे मुख्य कार्यकारी, कॅन्सर केअर प्रोग्राम डॉ. संजीव चोप्रा (Dr. Sanjeev Chopra) म्हणाले, “टाटा ट्रस्ट नेहमीच कर्करोगग्रस्त रूग्णांची काळजी घेण्यास सक्षम आणि वचनबद्ध आहे. आम्ही देशभरात कर्करोग जागरुकता मॉडेल कार्यान्वित करण्यासाठी अथक प्रयत्न करत आहोत. स्क्रीनिंग, एकसमान उच्च-गुणवत्तेची काळजी, परवडणारे उपचार देणे हा या मोहिमेमागचा उद्देश आहे.
