वैजापूरमध्ये प्रशासनाचा ढिसाळ कारभार! (Photo Credit- X)
शहरातील पंचायत समिती कार्यालय, उपविभागीय अभियंता सार्वजनिक बांधकाम उपविभाग तसेच उपविभागीय कृषी अधिकारी कार्यालयात ११ एप्रिल रोजी महात्मा फुले जयंतीनिमित्त कोणताही अधिकृत कार्यक्रम, प्रतिमा पूजन किंवा अभिवादन सोहळा आयोजित करण्यात आलेला नसल्याची माहिती समोर आली आहे. दरवर्षी शासनाच्या सूचनांनुसार महापुरुषांच्या जयंतीनिमित्त संबंधित कार्यालयांत त्यांच्या प्रतिमेला पुष्पहार अर्पण करून अभिवादन केले जाते. तसेच त्यांच्या कार्याचा आढावा घेऊन कर्मचाऱ्यांना प्रेरणा देण्याचा उद्देश असतो. मात्र यंदा या तिन्ही कार्यालयांत अशा
तालुका कृषि अधिकारी देजपुर प्रकारचा कोणताही उपक्रम राबविण्यात आला नसल्याने आश्चर्य व्यक्त होत आहे.
महात्मा फुले यांनी शिक्षण प्रसार, स्त्रीशिक्षण, शेतकरी व वंचित घटकांच्या उन्नतीसाठी आयुष्यभर कार्य केले. त्यांच्या विचारांचा प्रसार हा शासकीय यंत्रणेचीही जबाबदारी मानली जाते. अशा परिस्थितीत त्यांच्या जयंतीसारख्या महत्त्वाच्या दिवसाकडे दुर्लक्ष होणे ही गंभीर बाब असल्याची प्रतिक्रिया काही सामाजिक कार्यकर्त्यांनी व्यक्त केली आहे. याबाबत स्थानिक नागरिकांनी सांगितले की, महापुरुषांच्या जयंती केवळ औपचारिकतेपुरत्या न ठेवता त्यांच्या विचारांचे पालन करणे आवश्यक आहे. परंतु किमान अभिवादन कार्यक्रमही न होणे ही खेदजनक बाब आहे.
दरम्यान, संबंधित कार्यालयातील अधिकाऱ्यांकडून याबाबत कोणतीही अधिकृत प्रतिक्रिया मिळू शकलेली नाही. भविष्यात अशा घटना टाळून शासनाच्या निर्देशांचे काटेकोर पालन करावे. अशी मागणी नागरिकांकडून होत आहे. दरम्यान, या प्रकारामुळे प्रशासनाच्या कार्यपद्धतीवर प्रश्नचिन्ह निर्माण झाले असून शासनाच्या आदेशांची अंमलबजावणी नेमकी कुठे अडते? याचा गंभीर विचार करण्याची वेळ आली आहे. महापुरुषांच्या जयंतीसंदर्भातील शासन परिपत्रक केवळ कागदोपत्री राहते का? असा संतप्त सवाल नागरिकांमधून उपस्थित केला जात आहे.
जयंतीचे फोटो काढणे आणि सोशल मीडियावर पोस्ट टाकणे इतकाच शासकीय यंत्रणेचा उत्साह उरला आहे का? अशी टीकाही होत आहे. विशेष म्हणजे, ग्रामीण भागात सामान्य नागरिक, शाळा-महाविद्यालये आणि सामाजिक संस्था स्वतःहून कार्यक्रम आयोजित करत असताना शासकीय कार्यालयांनीच दुर्लक्ष करणे ही संतापजनक मानली जात आहे. संबंधित अधिकाऱ्यांवर जबाबदारी निश्चित करून स्पष्टीकरण मागवावे अशी मागणी नागरिकांकडून होत आहे.
.png "Videos"){kind=small}
