अकोल्यात पावसाने जनजीवन विस्कळीत; अनेक गावांचा संपर्कच तुटला

बार्शिटाकळी तालुक्यात सरासरी पाऊस 53.9 मिमी झाला असून अतिवृष्टीची नोंद राजंदा येथे 119.5 मिमी. करण्यात आली. अकोट तालुक्यात सोमवारी सरासरी पाऊस 31.4 मिमी. झाला असून, अतिवृष्टीची नोंद चोहट्टाबाजार 106 मिमी. करण्यात आली.

अकोला : जिल्ह्यात मागील 20 तासांत झालेल्या संततधार पावसामुळे दाणादाण उडाली असून, मोरगाव भाकरे येथे अतिवृष्टीने भिंत कोसळून एका ज्येष्ठ व्यक्तीचा मृत्यू झाला. तर या मुसळधार पावसाने 83 घरांचे नुकसान झाले. अकोला तालुक्यात सोमवारी सायंकाळी चारपर्यंत 90 मिमी पाऊस झाला. भौरद व गायगावला जोडणारा शेगाव रस्त्यावरील पुलावर पाणी असल्यामुळे मार्ग बंद आहे.

उगवा व आगर रस्त्यावर मोर्णा नदीचे पाणी असल्याने रस्ता बंद आहे. अकोला तालुक्यात मोरगाव भाकरे येथील घराची भिंत कोसळून मनोहर वानखडे (वय 60) यांचा मृत्यू झाला. तसेच, दोन कच्च्या घरांचे नुकसान झाले. बार्शिटाकळी तालुक्यात सोमवारी सरासरी पाऊस 53.9 मिमी झाला असून अतिवृष्टीची नोंद राजंदा येथे 119.5 मिमी. करण्यात आली. अकोट तालुक्यात सोमवारी सरासरी पाऊस 31.4 मिमी. झाला असून, अतिवृष्टीची नोंद चोहट्टाबाजार 106 मिमी. करण्यात आली. तेल्हारा तालुक्यात सोमवारी सरासरी 46.6 मिमी. पाऊस झाला.

बाळापूर तालुक्यात सरासरी 90.6 मिमी. पाऊस झाला असून अतिवृष्टीची नोंद बाळापूर-118.8 मिमी., पारस-111.5 मिमी., व्याळा- 118.5 मिमी., वाडेगाव 66.8 मिमी., उरळ- 100.8 मिमी. व हातरूण 79.3 मिमी नोंदवण्यात आली.

मंडळनिहाय अतिवृष्टीची नोंद 

अकोला-110.0 मिमी., दहिहंडा – 85.88 मिमी., कापशी- 100.3 मिमी., उगवा- 69.5 मिमी., आगर- 69.8 मिमी., शिवणी 163.0 मिमी., कौलखेड 146.0 मिमी.