विनायक मेटेंच्या अपघातानंतरच्या घटनांची चौकशी करा, ज्योती मेटे यांची मागणी

शिवसंग्रामचे नेते विनायक मेटेे याचं काल अपघाती निधन झालं. मुंबई-पुणे द्रुतगती महामार्गावर (Mumbai Pune Express Highway) त्यांच्या कारचा अपघात झाला. त्यांच्या अपघाताची चौकशी करण्यात यावी अशी मागणी आता होताना दिसत आहे. दरम्यान, विनायक मेटेंच्या पत्नी ज्योती मेटे (Jyoti Mete)  यांनीही अपघाताची चौकशी करण्याची मागणी केली आहे. त्यांनी अपघातानंतर घडलेल्या घटनांबाबत संशय व्यक्त केला आहे. अपघातानंतर काय घडलं याची चौकशी व्हावी, अशी अपेक्षा त्यांनी व्यक्त केली आहे.

[read_also content=”भारतातील “या” क्रिकेटपटूच्या पत्नीने केली देशाच नाव बदलण्याची मागणी https://www.navarashtra.com/sports/the-wife-of-this-indian-cricketer-demanded-to-change-the-countrys-name-316223.html”]

विनायक मेटेंचा  काल पहाटे बीडवरुन मुंबईला येत असताना मुंबई-पुणे द्रुतगती महामार्गावर अपघात झाला.  विनायक मेटे हे मागच्या सीटवर डाव्या बाजूला बसले होते. पुढच्या सीटवर ड्रायव्हरच्या बाजूला त्यांचा बॉडीगार्ड होता. मेटे यांची गाडी हायवेच्या मधल्या लेनमध्ये होती. 10 चाकी ट्रक हा तिसऱ्या लेनला चालत होता. या ट्रकचालकाने तिसऱ्या लेनमधून मधल्या लेनमध्ये येणाचा प्रयत्न केला. यावेळी मेटे यांची गाडी वेगात होती. अचानक ट्रक मधे आल्यानं वेगानं मेटे यांची गाडी ट्रकला धडकली. चालकाला गाडी कंट्रोल करणं जमलं नाही. मेटे यांची गाडी डाव्या बाजूने ट्रकच्या उजव्या बाजूला धडकली. मेटे यावेळी झोपेत होते, त्यामुळं त्यांना काही कळायच्या आत वेगाने धडक बसल्यानं डोक्याला मार बसला. यात मेटे यांचा जागीच मृत्यू झाला. अपघातानंतर बराच वेळ मेटे यांना मदत मिळाली नाही. या अपघातानंतर ट्रकचालक हा फरार झाला होता. पोलिसांनी सीसीटीव्हीच्या माध्यमातून याचा तपास सुरू केला होता.

[read_also content=”नागालँडमध्ये चकमकीत आसाम रायफल्सचे दोन जवान जखमी https://www.navarashtra.com/india/two-assam-rifles-jawans-injured-in-encounter-in-nagaland-casualty-likely-nrab-316215.html”]