
पनवेल : पनवेलमध्ये एक धक्कादायक घटना समोर आली आहे, आज सकाळच्या सुमारास घडली आहे. पनवेल पालिका हद्दीमधील कळंबोली गावातील एका रहिवाशी संस्थेतील घरात सिलेंडरचा स्फोट झाल्याची घटना शुक्रवारी २० सप्टेंबर रोजी घडली आहे. स्फोटामुळे आजूबाजेच्या घरांचे नुकसान मोठ्या प्रमाणात नुकसान झाले आहे, सुदैवाने कोणत्याही प्रकारची जीवित हानी या स्फोटामुळे झाली नसल्याची माहिती प्रत्यक्षदर्शिनी दिली आहे. प्रत्यक्षदर्शिनी दिलेल्या माहितीनुसार गणेश सृष्टी रहिवाशी संस्थेतील ६ मजल्यावर असलेल्या सी ६०१ क्रमांकाच्या घरात घरगुती वापराच्या गॅसचे तीन सिलेंडर ठेवण्यात आले होते. यापैकी एका गॅस सिलेंडरचा स्फोट झाला असून, सिलेंडरच्या स्फोटाचा आवाज आजूबाजूला एक किलोमीटर अंतरापर्यत ऐकू गेला आहे.
हेदेखील वाचा – बांग्लादेशसमोर ३७६ धावांचा डोंगर! क्रिकेट प्रेमींच्या सगळ्या नजरा आता भारतीय गोलंदाजांवर
स्फोटाच्या तीव्रतेमुळे गणेश सृष्टी इमारतीतील घराची बाहेरील भिंत पूर्णपणे तुटली असून, तुटलेल्या भिंतीचे तुकडे आजूबाजूला उडून इमारती शेजारील घरांचे यामुळे मोठ्या प्रमाणात नुकसान झाले आहे. तसेच स्फोटात फुटलेल्या सिलेंडरचे तुकडे देखील इमारती खाली विखूरले आहेत. महत्वाचे म्हणजे बंद असलेल्या या खोलीत झालेला हा स्फोट नक्की कशामुळे झाला याबाबत माहिती मिळाली नसून, घटनेनंतर घटना स्थळी पोहचलेले अग्निशमन दलाचे जवान आणि पोलीस अधिकारी स्फोट कशामुळे घडला याचा तपास करत आहेत.
स्पोर्ट झालेला सिलेंडर घराच्या हॉलमध्ये ठेवण्यात आला होता. त्या सिलेंडरचा वापर नसताना देखील सिलेंडरचा स्फोट कशामुळे घडला या बाबत माहिती घेण्यासाठी भारत गॅस कंपनीच्या अधिकाऱ्यांशी सपंर्क साधला असता सिलेंडर कुठे तरी लीक असण्याची शक्यता त्यांनी व्यक्त केली असून, शॉर्ट सर्किटमुळे होणाऱ्या स्पार्कचा संपर्कामुळे हा स्फोट झाला असण्याची शक्यता त्यांनी व्यक्त केली आहे. या घटनेमुळे मोठ्या प्रमाणात आजूबाजूच्या घरांचे नुकसान झाले आहेत. त्याचबरोबर घरामधील सर्व वस्तू जाळून खाक झाल्या आहेत.