पिंपळवाडी येथे चारशे झाडांची बेकायदेशीर कत्तल

गेल्या पंधरा दिवसांपूर्वी पिंपळवाडी येथील काही नागरिकांनी साठवण तलावाच्या भिंतीवरती असलेली चारशे ऑस्ट्रेलियन बाभळीची झाडे तोडून राधानगरी येथील एका ठेकेदाराच्या मदतीने झाडांची योग्य विल्हेवाट लावली. या झाडांची किंमत बाजारभावाने सुमारे सात लाख रुपये आहे. झाडे जलसंधारण विभागाच्या कार्यक्षेत्रात येत आहेत. झाडे तोडून पंधरा दिवस उलटून गेले तरी अद्याप जलसंधारण विभागाला झाडे तोडल्याची माहिती समजली नाही.

संबंधित विभागाच्या अधिकाऱ्यांशी चर्चा केली असता आम्हला काही माहिती नाही अशी उत्तरे दिल्याने आश्चर्य व्यक्त होत आहे. ज्यांच्याकडे शासनाच्या मालमत्तेची रक्षणाची जबाबदारी दिली आहे. त्यांना लाखो रुपयांची संपत्ती हडप झाल्याची माहिती मिळत नाही. यावरून शासनाचे काम म्हणजे ‘आंधळे दळतंय आणि कुत्रं पीठ खातंय’ अशीच अवस्था आहे.