Akshay Shinde Encounter Case: बदलापूर प्रकरणी कोर्टाच्या अहवालावर शिरसाटांची प्रतिक्रिया; म्हणाले, “हा एन्काऊंटर…”

मुंबई उच्च न्यायालयाने अक्षय शिंदे एन्काऊंटर प्रकरणात मोठा निर्णय दिला आहे. या प्रकरणात पाच पोलिस अधिकाऱ्यांना दोषी ठरवत त्यांच्या विरोधात कारवाईचे आदेश दिले आहेत.

बदलापूर: बदलापूर येथील शाळेत दोन मुलींवर अत्याचार केल्याची घटना घडली होती. या प्रकारानंतर राज्यभरात संतापाची लाट उसळली होती. बदलापूर रेल्वे स्थानकावर नागरिकांनी निदर्शने केली होती. या अत्याचार प्रकरणात अक्षय शिंदे या आरोपीला अटक करण्यात आली होती. या प्रकरणातील आरोपी अक्षय शिंदे याचा एन्काऊंटर करण्यात आला होता. मुंबई उच्च न्यायालयाने अक्षय शिंदे एन्काऊंटर प्रकरणात मोठा निर्णय दिला आहे. या प्रकरणात पाच पोलिस अधिकाऱ्यांना दोषी ठरवत त्यांच्या विरोधात कारवाईचे आदेश दिले आहेत. यावर आता संजय शिरसाट यांनी प्रतिक्रिया दिली आहे.

मुंबई उच्च न्यायालयाने अक्षय शिंदे एन्काऊंटर प्रकरणात मोठा निर्णय दिला आहे. या प्रकरणात पाच पोलिस अधिकाऱ्यांना दोषी ठरवत त्यांच्या विरोधात कारवाईचे आदेश दिले आहेत. अक्षय शिंदे हा बदलापूर येथील शाळेत शिकणाऱ्या चिमुकल्या मुलींवरील लैंगिक शोषणाच्या प्रकरणात आरोपी होता. मात्र, चौकशी अहवालात हे स्पष्ट झाले की, त्याच्या बंदुकीवर अक्षयचे फिंगरप्रिंट्स सापडले नाहीत. यामुळे या एन्काऊंटरच्या सत्यतेबद्दल प्रश्न निर्माण झाले आहेत आणि न्यायालयाने पोलिसांना जबाबदार धरत कठोर कारवाईचे निर्देश दिले आहेत.

हेही वाचा: Akshay Shinde News Update; अक्षय शिंदे एन्काऊंटर प्रकरणात उच्च न्यायालयाचा मोठा निर्णय

बदलापूर येथील शाळेतील दोन मुलींर झालेल्या अत्याचार प्रकरणातील आरोपी अक्षय शिंदेचा पोलिसांच्या चकमकीत मृत्यू झाला. तळोजा कारागृहातून नेत असताना मुंब्रा बायपास य़ाठिकाणी त्याने कारमधील पोलिसाची बंदूक हिसकावून पोलिसांवरच गोळीबार करण्याचा प्रयत्न केला. यात पोलिसांनी स्वसंरक्षणासाठी त्यांच्यावर गोळीबार केला, यातच त्याचा मृत्यू झाला.

काय म्हणाले मंत्री संजय शिरसाट?

बदलापूर येथील घटनेत जो अहवाल सादर करण्यात आला, त्यावर हायकोर्टाने जो निर्णय दिला आहे, त्याची अंमलबजावणी केली जाईल. हा एन्काऊंटर जाणूनबुजून केला असेल तर त्याबाबत कोर्ट निर्णय घेईल. यामध्ये शासन कोणत्याही प्रकारे हस्तक्षेप करणार नाही.

अक्षय शिंदे एन्काऊंटर प्रकरण: मुंब्रा बायपासवर नेमकं काय घडलं?

पोलीस अधिकारी अक्षय शिंदेला तळोजा तुरूंहातून  बदलापूर गुन्हे शाखेला घेऊन जात होते. पोलिसांची कार मुंब्रा बायपासवर पोहचली असता अक्षय शिंदेने पोलिसांची बंदूक हिसकवून त्यांच्यावर गोळीबार केला. या झटापटीत एपीआय निलेश मोरे यांच्यापायाला गोळी लागली. अक्षय पळून जाण्याच्या तयारीत  असताना त्याने इतर पोलीस अधिकाऱ्यांवरही गोळीबार कऱण्याचा प्रयत्न केला पण  पोलीस निरीक्ष संजय शिंदे यांनी अक्षयवर गोळीबार केला. यात त्याला तीन गोळ्या लागल्या. तो गंभीर जखमीही झाला. त्याला उपचारासाठ रुग्णालयात दाखल करण्याता आले असता, डॉक्टरांनी त्याला मृत घोषित केले.

हेही वाचा: अक्षय शिंदे एन्काऊंटर प्रकरण: मुंब्रा बायपासवर नेमकं काय घडलं?, वाचा सविस्तर

अक्षय शिंदेचा एन्काऊंटर करणाऱ्या पोलीस निरीक्षकांचे नाव संजय शिंदे असं आहे.  माजी पोलिस अधिकारी आणि एन्काउंटर स्पेशालिस्ट प्रदीप शर्मा यांच्यासोबतही संजय शिंदे यांनी काम केले आहे. संजय शिंदे यांनी ठाणे पोलिसांच्या गुन्हे शाखेच्या खंडणीविरोधी विभागातही काम केलं आहे.