BMC Elections : “भाजपचा मुंबई ‘महापौर’पदाचा अमराठी उमेदवार मोहित कंबोज..; शिवसेना ठाकरे गटाचा मोठा दावा

Mumbai Marathi Mayor : मुंबईचा महापौर कोण होणार याची सर्वांना उत्सुकता लागली आहे. शिवसेना ठाकरे गटाचे अखिल चित्रे यांनी भाजपचे महापौर पदाचे उमेदवार मोहित कंबोज असल्याचा दावा केला आहे.

Shivsena Thackeray group claims that Mohit Kamboj is BJP's Mumbai mayoral candidate

Follow Us

Follow Us:

Mohit Kamboj : मुंबई : राज्यामध्ये स्थानिक स्वराज्य संस्थांच्या निवडणुकांची रणधुमाळी सुरु आहे. . राज्यातील 29 महानगरपालिकांमध्ये मतदान 15 जानेवारीला पार पडेल, तर 16 जानेवारीला निकाल जाहीर होणार आहेत. देशाची अर्थिक राजधानी आणि राज्याची राजधानी मुंबईवर वर्चस्व मिळवण्यासाठी सर्वच राजकीय पक्ष जोरदार तयारीला लागले आहेत. मुंबईमध्ये सत्ता मिळवण्यासाठी शिवसेना ठाकरे गटाने मनसेला हाताशी धरले आहे. तर भाजपने राष्ट्रवादीला बाहेर काढत शिंदेंना सोबत ठेवले आहे. यामध्ये मुंबईचा महापौर कोण होणार याची सर्वांना उत्सुकता लागली आहे. शिवसेना ठाकरे गटाचे अखिल चित्रे यांनी भाजपचे महापौर पदाचे उमेदवार मोहित कंबोज असल्याचा दावा केला आहे.

मुंबईचा महापौर मराठी व्हावा अशी अपेक्षा व्यक्त केली जात आहे. याबाबत भाजपने मुंबईचा महापौर हिंदू असल्याचे म्हटले जात आहे. याबाबत शिवसेना ठाकरे गटाचे अखिल चित्रे यांनी सोशल मीडियावर पोस्ट केली आहे. यामधून त्यांनी भाजपवर निशाणा साधत थेट उमेदवाराचे नाव जाहीर केले. अखिल चित्रे यांनी लिहिले आहे की, भाजपाने मुंबईत आजपर्यंत शेट्टी, बारोट, ठाकूर, पटेल असले अमराठी उपमहापौर दिले… त्यामुळे आज जेव्हा पत्रकार भाजपा नेत्यांना विचारतात कि, “मुंबईचा महापौर मराठी असेल का?” त्यावर फडणवीस म्हणतात, “महापौर महायुतीचाच होणार…”असा टोला चित्रे यांनी दावा केला.