Vasai Virar News : राज्यस्तरीय Kabaddi Tournament वादाच्या भोवऱ्यात! निमंत्रण पत्रिकेवरून राजकीय वाद; भाजपकडून बहिष्कार

Vasai Virar News : वसई-विरार महापालिका आणि पालघर जिल्हा कबड्डी असोसिएशनच्या संयुक्त विद्यमाने आयोजित 'महापौर चषक' राज्यस्तरीय कबड्डी स्पर्धेचे उद्घाटन निमंत्रण पत्रिकेच्या वादावरून राजकीय भोवऱ्यात सापडले आहे.

• राज्य कबड्डी स्पर्धा वादाच्या भोवऱ्यात
• माजी आमदार क्षितीज ठाकूर यांच्या हस्ते उद्घाटन
• भाजपचा बहिष्कार, अधिकारी गैरहजेर

Vasai Virar News : नाट्यगृह आणि क्रीडा संकुलाचा लोकार्पण सोहळयातील वाद ताजा असतानाच गुरुवारी संध्याकाळी राज्यस्तरीय महापौर कबड्डी स्पर्धचे उद्घाटन वादाच्या भोवऱ्यात सापडले. सत्ताधारी बहुजन विकास आघाडीने जिल्हाधिकाऱ्यांनी मंजूरी दिलेल्या निमंत्रण पत्रिकेऐवजी वेगळी निमंत्रण पत्रिका जाहिर करून त्यानुसारच स्पर्धेचे उद्घाटन केले. त्यामुळे यास्पर्धेला भाजपने बहिष्कार टाकला. तर महापालिका अधिकाऱ्यांनीही गैरहजर राहणे पसंत केले. ( Vasai Virar News ) 

वसई-विरार महापालिका आणि पालघर जिल्हा कबड्डी असोसिएशन यांच्या संयुक्त विद्यमाने महापालिका क्षेत्रात पहिल्यांदाच आयोजित करण्यात येत असलेल्या राज्यस्तरीय कुमार व कुमारी गट निवड चाचणी अजिंक्यपद कबड्डी स्पर्धा म्हणजेच ‘महापौर चषक’ स्पर्धेला गुरुवारी सुरुवात झाली.

Palghar Kotwal Bharti 2026 : सरकारी नोकरीची मोठी संधी! महसूल विभागात 122 जागांसाठी कोतवाल भरती; अर्ज कसा करायचा? पाहा सविस्तर

निमंत्रण पत्रिकेच्या मसुद्यास मंजुरी

या स्पर्धेच्या निमंत्रण पत्रिकेचा मसुदा शासकीय प्रोटोकॉलनुसार अंतिम करून मिळण्यासाठी महापालिकेच्या क्रीडा विभागाचे उपायुक्त अजित मुठे यांनी पालघर जिल्हा प्रशासनाकडे पत्रव्यवहार केला होता. त्याला अनुसरून निवासी उपजिल्हाधिकारी सुभाष भागडे यांनी सामान्य प्रशासन विभागाच्या शासन निर्णयातील निर्देशांनुसार पडताळणी करून निमंत्रण पत्रिकेच्या मसुद्यास मंजुरी दिली आहे.

आमदार राजन नाईक यांना संध्याकाळी पाचनंतर निमंत्रण

जिल्हाधिकारी कार्यालयातन अधिकत निमंत्रण पत्रिकेत या स्पर्धेचे उद्घाटन राज्याचे वने मंत्री तथा पालघर जिल्ह्याचे पालकमंत्री गणेश नाईक तर कार्यक्रमाच्या अध्यक्षस्थानी महापौर अजीव यशवंत पाटील होते. धक्कादायक बाब म्हणजे या उद्घाटन सोहळ्याचे निमंत्रण आमदार राजन नाईक यांना संध्याकाळी पाच वाजल्यानंतर देण्यात आले. स्पर्धेपासून भाजपचे खासदार, आमदार आणि पदाधिकाऱ्यांनी दर राहणे पसंत केले.

निमंत्रण पत्रिकेतील प्रमुख पाहुणे, उदघाटक

प्रमुख पाहुणे म्हणून खासदार सुरेश म्हात्रे, खासदार डॉ. हेमंत सवरा, आदिवासी विकास समितीचे अध्यक्ष विवेक पंडित, आमदार रवींद्र फाटक, ज्ञानेश्वर म्हात्रे, आमदार निरंजन डावखरे, आमदार शांताराम मोरे, आमदार राजेंद्र गावीत, आमदार दौलत दरोडा, आमदार हरिश्चंद्र भोये, आमदार विलास तरे, आमदार विनोद निकोले, आमदार स्नेहा दुबे, आमदार राजन नाईक यांच्या नावाचा समावेश होता. महापालिकेच्यावतीने मान्यतेसाठी पाठवण्यात आलेल्या पत्रिकेत उ‌द्घाटक म्हणून माजी आमदार क्षितीज ठाकूर, माजी महापौर प्रवीणा ठाकूर आणि पालकमंत्री गणेश नाईक यांची नावे होती.

नावे वगळल्याने फुटले वादाला तोंड

कार्यक्रमाचे अध्यक्ष म्हणून गजानन कीर्तीकर यांचे नाव टाकण्यात आले होते. माजी आमदार हितेंद्र ठाकूर, विरोधी पक्षनेता मनोज पाटील, सभागृह नेता प्रफुल्ल साने, स्थायी सभापती प्रवीण शेट्टी, उपमहापौर मार्शल लौपीस, सुवणों पाटील, निशाद चोरघे, बिना फुटांडो, निलेश देशमुख, माधव गायकवाड, मंगल पांडे यांचीही नावे होती. ही नाये जिल्हाधिकारी कार्यालयाने मान्यता दिलेल्या पत्रिकेतून वगळण्यात आली होती. सताधा-यांनी जिल्हाधिकारी कार्यालयाने दिलेल्या आधीच तयार केलेल्या पत्रिकेनुसारच उद्‌घाटन करून कबड्डी स्पर्धेला सुरुवात केली. त्यामुळे नव्या वादाला तोंड फुटले आहे.

Vasai Virar मध्ये नालेसफाईच्या नावाखाली कोट्यवधींची उधळपट्टी? विरोधी पक्षनेते मनोज पाटील यांचा पालिका आयुक्तांना इशारा