मतमोजणीसाठी यंत्रणा सज्ज; पदवीधरांसाठी १००, तर शिक्षक मतदारसंघासाठी ४२ टेबल
मतमोजणीच्या अनुषंगाने नियुक्त अधिकारी आणि कर्मचाऱ्यांसाठी प्रशिक्षण आयोजित करण्यात आले होते. विभागीय आयुक्त तेली-उगले म्हणाल्या, मतमोजणीच्या प्रत्येक फेरीत कोणतीही चूक होणार नाही, याची काळजी घ्यावी. अपर जिल्हाधिकारी तथा महाऊर्जाचे अतिरिक्त महासंचालक अरुण आनंदकर यांनी शिक्षक मतदारसंघाच्या मतमोजणीसाठी नियुक्त अधिकारी व कर्मचाऱ्यांना, तर सहआयुक्त संजय पलांडे यांनी पदवीधर मतदारसंघातील अधिकारी व कर्मचाऱ्यांना प्रशिक्षण दिले.
वाढलेल्या मतदानाचा कौल कुणाला? पदवीधरांत सोलापूर आघाडीवर; शिक्षकांत साताऱ्याचा सर्वाधिक प्रतिसाद
प्रशिक्षणात मतपेट्या उघडणे, ५० मतपत्रिकांचे गठ्ठे तयार करणे, मतपत्रिकांचे वैध-अवैध वर्गीकरण, विविध नमुने भरणे आणि प्रत्येक फेरीनंतर निकालाचा नमुना जमा करणे आदी प्रक्रियांचे प्रात्यक्षिक देण्यात आले. मतमोजणीसाठी करण्यात आलेल्या सुविधा आणि नियोजनाची माहितीही अधिकाऱ्यांना देण्यात आली.
अशी असेल मतमोजणीची व्यवस्था…
– पदवीधर मतदारसंघ
एकूण मतमोजणी टेबल : १००
मतमोजणी कक्ष : ५
प्रत्येक कक्षात : १० टेबलच्या दोन रांगा
शिक्षक मतदारसंघ
एकूण मतमोजणी टेबल : ४२
मतमोजणी कक्ष : ३
प्रत्येक कक्षात : ७ टेबलच्या दोन रांगा
पुणे पदवीधर-शिक्षक मतदारसंघाचा फैसला आज
पुणे, पुणे विभाग पदवीधर आणि शिक्षक मतदारसंघाच्या निवडणुकीचा फैसला आज (मंगळवारी) होणार असून, मतमोजणीकडे राजकीय वर्तुळाचे लक्ष लागले आहे. पदवीधर मतदारसंघात भाजप-महायुतीच्या डॉ. स्मिता योगेश जाधव आणि राष्ट्रवादी काँग्रेस शरदचंद्र पवार पक्षाच्या हर्षदा देशमुख-जाधव यांच्यातील लढतीची चर्चा आहे. शिवसेना उद्धव बाळासाहेब ठाकरे पक्षाचे सुनील मोदी यांच्यासह ४७ उमेदवार रिंगणात आहेत. पुणे विभाग शिक्षक मतदारसंघात भाजपचे कौस्तुभ गावडे, काँग्रेसचे जयंत आसगावकर, अपक्ष दत्तात्रय सावंत आणि शिवसेना पुरस्कृत सचिन सानप यांच्यात मुख्य चुरस आहे. या मतदारसंघात एकूण ३० उमेदवार आहेत.
1. पुणे विभाग पदवीधर आणि शिक्षक मतदारसंघांची मतमोजणी कधी होणार आहे?
मंगळवारी (दि. २७) मतमोजणी होणार आहे.
2. मतमोजणी कुठे होणार आहे?
बालेवाडी येथील श्री शिवछत्रपती क्रीडा संकुलातील बॅडमिंटन हॉलमध्ये मतमोजणी होणार आहे.
3. पदवीधर मतदारसंघासाठी किती मतमोजणी टेबल आहेत?
पदवीधर मतदारसंघासाठी १०० मतमोजणी टेबलची व्यवस्था करण्यात आली आहे.
4. शिक्षक मतदारसंघासाठी किती टेबल असतील?
शिक्षक मतदारसंघासाठी ४२ मतमोजणी टेबल ठेवण्यात आली आहेत.
.png "Videos"){kind=small}
