मद्यपींसाठी मोठी बातमी! ड्रिंक जास्त झाल्यास हॉटेल चालक…; हॉटेल्स असोसिएशनचा महत्वाचा निर्णय

नवीन वर्षाच्या स्वागतासाठी ठिकठिकाणी मोठी जय्यत तयारी करण्यात आली आहे.तर दुसरीकडे पोलिसांकडून देखील कोणताही अनुचित प्रकार घडू नये यासाठी उद्या ३१ डिसेंबर रोजी जवळपास ३ हजार पोलीस तैनात करण्यात आले आहेत.

पुणे: उद्या ३१ डिसेंबरच्या रात्री पुणे शहरासह सर्वच ठिकाणी नवीन वर्षाच्या स्वागतासाठी जय्यत अशी तयारी करण्यात आली आहे.नवीन वर्षाच्या स्वागतासाठी हॉटेल्स,पब चालकाकडून मोठी तयारी करण्यात आली आहे.मात्र अस असलं तरी ३१ डिसेंबरच्या रात्री पार्टी करून ड्रिंक पिऊन अनेकवेळा ड्रिंक अँड ड्राईव्ह च्या घटना या घडत असतात.आणि हीच बाब लक्षात घेता आत्ता पुणे शहरातील हॉटेल्स असोसिएशनच्या वतीने एक नियमावली बनविण्यात आली असून आत्ता उद्या ३१ डिसेंबर रोजी पार्टी केल्यावर ड्रिंक जास्त झाल्यास आत्ता हॉटेल चालकच अश्या व्यक्तींना स्वतः च्या पैश्याने ओला उबेर करून घरी सोडण्यात येणार आहे, अशी माहिती हॉटेल्स असोसिएशनचे अध्यक्ष गणेश शेट्टी यांनी दिली.

नवीन वर्षाच्या स्वागतासाठी ठिकठिकाणी मोठी जय्यत तयारी करण्यात आली आहे.तर दुसरीकडे पोलिसांकडून देखील कोणताही अनुचित प्रकार घडू नये यासाठी उद्या ३१ डिसेंबर रोजी जवळपास ३ हजार पोलीस तैनात करण्यात आले आहे. अस असताना आत्ता हॉटेल्स वाल्यांनी देखील खबरदारी घेतली आहे.शासनाकडून उद्या ३१ डिसेंबर रोजी पहाटे ५ वाजेपर्यंत हॉटेल्स सुरू ठेवण्याचे आदेश देण्यात आले आहे.यामुळे मोठ्या उत्साहात नागरिकांकडून नवीन वर्षाचं स्वागत केलं जाणार आहे.मात्र अस असल तरी खबरदारी म्हणून हॉटेल्स असोसिएशन ने देखील नियमावली बनविली आहे.

हेही वाचा: थर्टी फर्स्टला मद्य पिऊन वाहन चालवताय? मग सावधान; ‘या’ कायद्यानुसार थेट तुरुंगात रवानगी होणार, पोलिसांचा इशारा

याबाबत हॉटेल्स असोसिएशनचे अध्यक्ष गणेश शेट्टी म्हणाले की सर्वप्रथम आम्ही शासनाला धन्यवाद देतो की त्यांनी पहाटे ५ वाजेपर्यंत हॉटेल्स सुरू ठेवण्याच निर्णय घेतला आहे.आणि या निर्णयानुसारच आम्ही पाच वाजेपर्यंत हॉटेल सुरू ठेवणार आहोत.तसेच खबरदारी म्हणून आम्ही एखाद्या व्यक्तीने जास्त ड्रिंक केल्यास त्याला सर्व्ह करण्याचं बंद करू तसेच त्यांच्या ग्रुप मधील लोकांना देखील आम्ही सांगणार आहोत की यांना आत्ता तुम्ही थांबवा तसेच आम्ही आमच्या स्टॉपला देखील सूचना दिलेल्या आहेत की त्या दिवशी कोणीही वादविवाद करू नये सर्वांनी शांततेत आपली ड्युटी करावी.तसेच आम्ही आमच्या ग्रुप मधील ओला उबेर कार चालकांना देखील सांगितल आहे की उद्या रात्री एक ते दीड नंतर आपण तयार रहा कारण एखाद्या व्यक्तीने जास्त ड्रिंक केली तर त्याला आम्हीच ओला कारने घरी सोडणार आहोत.मग जरी त्यांनी त्यांची दुचाकी किंवा कार आणली असेल तरी आम्ही त्यांना घरी सोडणार आहोत.कारण हे लोक आमचे ग्राहक असून एक दिवस आम्ही ग्राहकांसाठी असा निर्णय घेतला असल्याचं यावेळी शेट्टी यांनी सांगितल.

ते पुढे म्हणाले की शहरातील हॉटेल्स व्यवसायिकांकडून नवीन वर्षाच्या स्वागतासाठी मोठी तयारी करण्यात आली आहे.पुणे शहरात फक्त पुणे नव्हे तर आजूबाजूच्या शहरातील लोक देखील नवीन वर्षाच्या स्वागतासाठी दाखल झाले आहे.आणि त्याअनुषंगाने विविध ऑफर वेगवेगळ्या हॉटेल्स मध्ये ठेवण्यात आल्या आहे.काही हॉटेल्स मध्ये तर दुसऱ्या दिवशीपर्यंत थांबण्याची व्यवस्था देखील करण्यात आलेली आहे जेणेकरून कोणताही अनुचित प्रकार घडू नये यासाठी ग्राहकांची पूर्ण खबरदारी हॉटेल्स कडून घेण्यात आली आहे.अस देखील यावेळी शेट्टी म्हणाले.