मंत्री छगन भुजबळ थोडक्यात बचावले? पायलटकडून मोठी चूक, हेलिकॉप्टर कार पार्किंगमध्ये उतरवलं
मंत्री छगन भुजबळ थोडक्यात बचावले?
पायलटकडून मोठी चूक, हेलिकॉप्टर कार पार्किंगमध्ये उतरवलं
Chhagan Bhujbal Helicopter News In Marathi : बारातमतीनजीकच्या विमान अपघात अजित पवार यांचा मृत्यू झाला असून ही घटना होऊन तीन महिन्याचा कालावधी झाला असल तरी यासंदर्भात आता आणखी एक घटना समोर येते. हेलिकॉप्टर लँड करताना पायलटकडून मोठी चूक झाल्याने राष्ट्रवादी काँग्रेसचे छगन भुजबळ यांचा जीव थोडक्यात बचावला. कारण हेलिकॉप्टर हे हेलिपॅडवर नाही तर कार पार्किंगमध्ये उतरवण्यात आले.
मंत्री छगन भुजबल यांच्या हेलिकॉप्टर लँड करताना मोठ्या चुकीची घटना उघडकीस आली आहे. ही घटना नाशिकहून पुण्याला जात असताना घडली आहे. भुजबल यांचे हेलिकॉप्टर चुकून पार्किंग लॉटमध्ये उतरले. त्यामुळे ते अपघातातून बचावले. भुजबळ हे पुरंदर तालुक्यातील खानवाडी येथे एका कार्यक्रमासाठी उपस्थित राहणार होते.
दरम्यान, हेलिकॉप्टरचे रोटर्स फिरत असताना पार्किंगमध्ये उभ्या असलेल्या गाड्यांना धक्का बसण्याची भीती निर्माण झाली होती. पायलटने केलेल्या या गंभीर चुकीमुळे हेलिकॉप्टर सुरक्षितपणे उतरवण्यात आले, पण संपूर्ण घटना धोकादायक ठरली. मंत्री भुजबळ यांनी या घटनेबाबत अद्याप कोणतीही प्रतिक्रिया दिलेली नाही. मात्र, सुरक्षा यंत्रणांनी या प्रकरणाची चौकशी सुरू केल्याचे समजते.
छगन भुजबळ हे महात्मा जोतिराव फुले यांच्या जयंतीनिमित्त आयोजित विविध पुण्यातील कार्यक्रमांना उपस्थित राहण्यासाठी आले होते. मात्र, त्यांच्या वास्तव्यादरम्यान घडलेली एक अनपेक्षित घटना चर्चेचा विषय बनली आहे. सध्या, हेलिकॉप्टर पायलट आणि संबंधित सुरक्षा यंत्रणांकडून अधिक माहिती घेतली जात आहे. पायलटच्या या चुकीमागे तांत्रिक कारण होते की मानवी चूक, याचा तपास सुरू आहे.
दरम्यान, या प्रकाराची गांभीर्याने दखल छगन भुजबळ यांच्या कार्यालयाकडून घेण्यात आली आहे. आता पायलटवर कुठली कारवाई होणार का, प्रशासन काही निर्णय घेणार का, हे पाहणं महत्त्वाचं आहे. उपमुख्यमंत्रिपदी असताना राष्ट्रवादीचे ज्येष्ठ नेते अजित पवार यांचा बारामती येथे विमान कोसळून अपघात झाल्याची घटना ताजी असतानाच जेमतेम अडीच महिन्यात हा प्रकार घडल्याने समर्थकांमध्ये चिंता व्यक्त केली जात आहे.
.png "Videos"){kind=small}
