PCMC News: पिंपरी-चिंचवड महापालिकेत दिवाळी बोनस जाहीर; अधिकारी-कर्मचारी होणार आनंदात

महापालिकेच्या सर्व विभागांतील अधिकारी व कर्मचाऱ्यांना हा लाभ मिळणार आहे. तथापि, सहा महिन्यांपेक्षा कमी सेवा झालेल्या कर्मचाऱ्यांना बोनस देण्यात येणार नाही.

Updated On: Oct 05, 2025 | 07:30 PM
पिंपरी-चिंचवडमधील सर्व पुलांचे होणार स्ट्रक्चरल ऑडिट; महापालिकेची मोठी मोहीम

पिंपरी-चिंचवडमधील सर्व पुलांचे होणार स्ट्रक्चरल ऑडिट; महापालिकेची मोठी मोहीम

Follow Us
Follow Us:
  • आयुक्त शेखर सिंह यांनी दिवाळी बोनस जाहीर केला
  • ६२ कोटी रुपयांच्या बोनस रकमेची तरतूद
  • प्रथम श्रेणीतील अधिकाऱ्यांना २.५ लाख रुपये
 

PCMC News:  पिंपरी-चिंचवड महानगरपालिकेच्या अधिकारी, कर्मचारी, शिक्षक आणि शिक्षकेतर कर्मचाऱ्यांसाठी दिवाळीपूर्वीच मोठा आनंदाची बातमी आहे. महापालिकेचे आयुक्त शेखर सिंह यांनी दिवाळी बोनस जाहीर केला असून, यामध्ये महापालिकेत कार्यरत सर्व अधिकारी आणि कर्मचारी सहभागी आहेत. यामध्ये सेवानिवृत्त, निलंबित किंवा मानधनावर कार्यरत कर्मचारीही लाभार्थी आहेत.

बोनसची एकूण रक्कम:
पालिकेतील तब्बल ६२ कोटी रुपयांच्या बोनस रकमेची तरतूद करण्यात आली आहे. साडेसहा हजाराहून अधिक अधिकारी व कर्मचाऱ्यांना महापालिकेच्या प्रथा व परंपरेनुसार ८.३३ टक्के सानुग्रह अनुदान तसेच अतिरिक्त २० हजार रुपये बोनस दिला जाणार आहे. यामुळे महापालिकेतील सर्व कर्मचाऱ्यांची दिवाळी अधिक गोड होणार आहे.
पदानुसार बोनस:
 
आयुक्त शेखर सिंह यांनी सामान्य सानुग्रह अनुदानाशिवाय अतिरिक्त बोनसही जाहीर केला आहे. बोनस रक्कम पदानुसार ठरवण्यात आली असून, प्रथम श्रेणीतील अधिकाऱ्यांना २.५ लाख रुपये, तर चतुर्थ श्रेणीतील कर्मचाऱ्यांना ४० हजार रुपये बोनस मिळणार आहे.
योजना आणि अटी:
हा दिवाळी बोनस दरवर्षी महापालिका कर्मचारी महासंघ आणि महापालिकेच्या करारनाम्यानुसार दिला जातो. मागील करारनामा सन २०२१ पासून लागू आहे, आणि यंदाही त्यानुसार सर्व वर्ग एक ते चारमधील अधिकारी व कर्मचाऱ्यांना बोनस मिळणार आहे.
महापालिकेच्या सर्व विभागांतील अधिकारी व कर्मचाऱ्यांना हा लाभ मिळणार आहे. तथापि, सहा महिन्यांपेक्षा कमी सेवा झालेल्या कर्मचाऱ्यांना बोनस देण्यात येणार नाही. बालवाडी शिक्षक, मानधनावरील अधिकारी व कर्मचारी, वैद्यकीय अधिकारी, समूह संघटक, तासिकांच्या आधारावर नेमलेले कर्मचारी, तसेच शासनाकडून पगारास अनुदान मिळणारे अधिकारी व कर्मचारी यांना बोनस मिळणार आहे.
सेवानिवृत्त, मयत, निलंबित किंवा राजीनामा दिलेल्या कर्मचाऱ्यांना त्यांचा सेवाकाळ विचारात घेऊन बोनस देण्यात येईल. आयुक्तांनी लेखा विभागाला आदेश दिला आहे की, सन २०२४-२५ च्या अर्थसंकल्पात तरतूद केलेली रक्कम आवश्यक असल्यास वर्गीकरण करून बोनस दिवाळीपूर्वी अदा करावा. तसेच भविष्यात आक्षेप निर्माण झाल्यास, संबंधित अधिकारी व कर्मचाऱ्यांकडून रक्कम वसूल केली जाईल, असेही आदेशात नमूद करण्यात आले आहे.

Web Title: Pcmc news diwali bonus announced in pimpri chinchwad municipal corporation officers and employees will be happy

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News  only on Navarashtra.com

Published On: Oct 05, 2025 | 07:30 PM

Topics: