विनायक नवयुग मित्र मंडळाचा सामाजिक उपक्रम; गरजू विद्यार्थ्यांना शालेय फी आणि साहित्याचे वाटप

गणेशोत्सव मंडळाच्या सामाजिक कार्यातून सहकार्याची भावना अधिक दृढ होते." यावेळी आयुक्तांनी मंडळाच्या सामाजिक कामाचे आणि नगरसेवक सुनील पांडे यांचेही कौतुक केले.

पुणे : गणेशोत्सव हा केवळ उत्सव नसून सामाजिक बांधिलकी जपण्याचा सण आहे, याचा प्रत्यय विनायक नवयुग मित्र मंडळाने घालून दिला आहे. मंडळातर्फे गरजू विद्यार्थ्यांसाठी मदतीचा हात पुढे करण्यात आला आहे. मंडळातर्फे बाल शिक्षण मंदिर शाळा आणि लॉ कॉलेज रस्त्यावरील रामचंद्र राठी शाळेतील एकल पालक असलेल्या विद्यार्थी आणि विद्यार्थिनींना शालेय फीचे वितरण करण्यात आले. तसेच महारोगी सेवा समिती, वरोरा (आनंदवन) येथील विद्यार्थ्यांना शालेय साहित्याचे वाटप करण्यात आले. या कार्यक्रमाला प्रमुख पाहुणे म्हणून पुणे महापालिका आयुक्त नवल किशोर राम उपस्थित होते.

यावेळी बोलताना नगरसेवक सुनील पांडे म्हणाले, “गणेशोत्सव मंडळांमार्फत विधायक कामे झाली पाहिजेत. समाजातील गरजूंपर्यंत मदत पोहोचवता आली पाहिजे, हाच आमच्या मंडळासाठी श्रींचा आशीर्वाद असेल.” यावेळी त्यांनी मंडळाने आजवर केलेल्या सेवाकार्याचा आढावाही मांडला. या उपक्रमाला सहकार्य करणारी यशस्वी संस्था आणि विश्वेश कुलकर्णी यांचे मंडळाच्या वतीने आभार मानण्यात आले.

Ganeshotsav 2026 : बाप्पाच्या विसर्जनसाठी घरी तयार करा ‘केसर मलाई मोदक’, ही आहे हलवाई स्टाईल रेसिपी

तर मनपा आयुक्त नवल किशोर राम म्हणाले, “गणेशोत्सव मंडळाच्या सामाजिक कार्यातून सहकार्याची भावना अधिक दृढ होते.” यावेळी आयुक्तांनी मंडळाच्या सामाजिक कामाचे आणि नगरसेवक सुनील पांडे यांचेही कौतुक केले.

यावेळी वारजे-कर्वेनगर क्षेत्रीय कार्यालयाच्या प्रमुख अस्मिता तांबे, यशस्वी संस्थेचे जनसंपर्क प्रमुख योगेश रांगणेकर, महारोगी सेवा समितीचे प्रतिनिधी भास्कर गोखले, डॉ. सचिन देशपांडे, दोन्ही शाळांचे प्रमुख शिक्षक, दीपक गोखले, किशोर सरपोतदार, मंडळाचे अध्यक्ष दत्तात्रय फंड, अभिजीत मोडक, वरून जाकतदार, ऋषिकेश आर्य, गणेश साने, चैतन्य रेड्डी, श्रीधर खांडेकर, दिनेश अंभोरे, योगेश जोगळेकर यांच्यासह कार्यकर्ते, वर्गणीदार आणि नागरिक मोठ्या संख्येने उपस्थित होते.

Ganeshotsav 2026 : साताऱ्याची प्रसिद्ध बावधन बगाड यात्रा थेट कोपरखैरण्यात; २० फूट प्रतिकृतीने वेधलं लक्ष