कर्मचाऱ्यांसाठी डेरवण रुग्णालयात मोफत उपचार ; रत्नागिरी,सिंधुदुर्ग जिल्ह्यातील एकमेव ESIC पॅनलवरील रुग्णालय

डेरवण येथील वालावलकर रुग्णालय हे रत्नागिरी आणि सिंधुदुर्ग जिल्हातील एकमेव ESIC च्या पॅनलवर असलेले रुग्णालय असल्याने संपूर्ण कोकणातील ESIC कर्मचाऱ्यांना वालावलकर रुग्णालयात मोफत उपचार घेणे सोईचे होणार आहे. त्यासाठी बाह्यरुग्ण अंतर्गत उपचार करायचे असल्यास रेफरल लेटर व पेहचान कार्ड असणे अतिशय आवश्यक आहे. रुग्णाला तातडीने रुग्णालयात दाखल करण्याची आवश्यकता असल्यास रुग्ण पेहचान कार्ड घेऊन योजनेमध्ये मोफत उपचार घेऊ शकतो. इतर उपचार आंतररुग्ण विभागात करावयाचे असल्यास रेफरल लेटर आणि सर्व कागद पत्रांची पूर्तता असणे आवश्यक आहे. तरी या योजनेचा लाभ घेण्याचे आवाहन रुग्णालय प्रशासनाने केले आहे.

ESIC योजनेबद्दल

भारत सरकारने सुरू केलेली ESIC योजना (कर्मचारी राज्य विमा योजना) ही कामगारांच्या किंवा कर्मचाऱ्यांच्या सुरक्षिततेसाठी एक महत्त्वाचा सार्वजनिक उपक्रम आहे. आरोग्यासंबंधी कोणतीही समस्या  जसे की आजारपण, अपंगत्व अथवा कामावरील अपघातांपासून कामगारांचे संरक्षण करणे हा या योजनेचा सर्वात प्राथमिक उद्देश आहे. या योजनेंतर्गत कामगारांना एक आर्थिक सुरक्षा मिळते, ज्यामुळे ते कठीण काळातही सुरक्षित राहू शकतात.

Depression असणाऱ्या महिलांना होतो मासिक पाळीचा अधिक त्रास; स्टडीत खुलासा

आयुष्मान भारत आणि ESIC

गेल्या महिन्यात ESIC आणि आयुष्मान भारत योजनेसंबंधी मोठी घोषणा करण्यात आली होती. यानुसार कर्मचारी राज्य विमा महामंडळ (ESIC) च्या वैद्यकीय लाभ परिषदेने लाभार्थ्यांसाठी आरोग्य सेवा वाढवण्यासाठी कर्मचारी राज्य विमा (ESIC) योजना आयुष्मान भारत पीएम-जन आरोग्य योजना (PM-JAY) मध्ये विलीन केली. यासंबंधीच्या निवेदनात  कामगार मंत्रालयाने  म्हटले आहे की, दोन्ही योजना एकत्रित करण्याचा निर्णय कर्मचारी राज्य विमा महामंडळ (ESIC) मुख्य कार्यालयात झालेल्या वैद्यकीय लाभ परिषदेच्या 86 व्या बैठकीत घेण्यात आला. त्यामुळे आयुष्मान भारत योजनेशी ESIC जोडली गेली आहे.