कर्जत जामखेडमध्ये रोहित पवारांचा निसटता विजय; राम शिंदेकडून फेरमतमोजणीची मागणी
राज्यात आज विधानसभा निवडणुकीच्या निकालात भल्याभल्या नेत्यांना पराभवाचं पाणी चाखावं लागलं. अनेक मतदारसंघात बड्या नेत्यांची प्रतिष्ठा पणाला लागली होती. त्यात राष्ट्रवादी शरद पवार गटाचे विद्यमान आमदार रोहित पवार यांच्या कर्जत जामखेड मतदारसंघाचाही समावेश होता. सकाळपासून भाजपचे उमदेवार राम शिंदे आणि रोहित पवारांमध्ये काट्याची टक्कर सुरु होती. अखेर सायंकाळी ७ वाजता रोहित पवारांचा निसटता विजय झाला आहे. रोहित पवार अवघ्या १२०० मतांनी विजयी झाले आहेत.
2019 च्या निवडणुकीपूर्वी भाजपने कर्जत जामखेड विधानसभा मतदारसंघ सलग 5 वेळा जिंकला होता. त्याचवेळी 2019 च्या निवडणुकीतील पराभवामुळे भाजपचा बालेकिल्ला ढासळला. 1995, 2000 आणि 2005 असे सलग तीन वेळा भाजपचे सदाशिव लोखंडे या जागेवरून विजयी झाले. तर 2009 आणि 2014 च्या निवडणुकीत भाजपचे राम शिंदे विजयी झाले होते. त्याचवेळी या जागेवर निवडणूक लढविणारे राजेंद्र पवार हे त्यांच्या कुटुंबातील तिसरी पिढी आहेत.
रोहित राजेंद्र पवार हे राष्ट्रवादीचे अध्यक्ष आणि माजी मुख्यमंत्री शरद पवार यांचे मोठे बंधू दिनकरराव गोविंदराव पवार यांचे नातू आहेत. त्यांच्या वडिलांचे नाव राजेंद्र पवार आणि आईचे नाव सुनंदा पवार आहे. त्याचवेळी त्यांचे प्रतिस्पर्धी आणि भाजपचे उमेदवार राम शिंदे हे सध्याचे विधान परिषद सदस्य आहेत. 2019 पूर्वी ते महाराष्ट्र सरकारमध्ये जलसंधारण मंत्री होते. 2009 आणि 2014 मध्ये ते सलग दोन वेळा या जागेवरून आमदार राहिले आहेत. त्याचबरोबर या वेळी भाजपला या जागेवर पुनरागमन करण्याची आशा आहे, तर रोहित पवार दुसऱ्या विजयासाठी पाहत आहेत.
.png "Videos"){kind=small}
