शनिवार, 17 ऑक्टोबर 2026
१४ कोटींची योजना पूर्ण, तरीही पाण्यासाठी संघर्ष; प्रशासनाला १५ दिवसांचा अल्टिमेटम
माजी सभापती जगदाळे म्हणाले गावातील पाणीटंचाई दूर व्हावी, प्रत्येक घरापर्यंत पुरेसे पाणी पोहोचावे, या उद्देशाने ही योजना हाती घेण्यात आली होती. मात्र, योजनेची अंमलबजावणी होऊनही नागरिकांच्या पाण्याच्या समस्येत अपेक्षित सुधारणा झालेली नसल्याची तक्रार ग्रामस्थांकडून करण्यात येत आहे. त्यामुळे योजनेचा प्रत्यक्ष लाभ नागरिकांना कधी मिळणार ॽ असा प्रश्न आहे. कोट्यवधी रुपयांची योजना पूर्ण झाल्यानंतरही नागरिकांना पाण्यासाठी संघर्ष करावा लागत आहे हे दुर्दैवी आहे.
Sugar Price Festive Season : सरकारचा मोठा निर्णय! सणासुदीच्या काळात साखरेच्या दराचं काय?
अनिश्चितीच्या गर्तेत सापडलेली, विविध वादांनी चर्चेत राहिलेली मसूरची 14 कोटींची जलजीवन योजना पूर्ण झाली.. वीजजोडणीचा अडसर दूर झाला… पाणी पूजन झाले… मात्र ग्रामस्थांच्या घरात पाणी पोचण्याच्या अंतिम टप्प्यात पुन्हा मिठाचा खडा पडला. तोही नळ कनेक्शनचा. नळजोडणी अभावी पाण्यासाठी प्रतीक्षा करावी लागली. नळजोडणी कुणाच्या आडमुठ्या भूमिकेमुळे, मनमानी अरेरावीमुळे रखडली आहे. पाणी योजना झाली गावाला…. पण केवळ नावालाच. अशी चेष्टा मसूरकरांच्या नशिबी आली असे जगदाळे यांनी सांगितले.
योजना सुरू करण्यात राजकीय दबाव आहे काॽ असेल तर तो झारीतील शुक्राचार्य कोणॽ जल जीवन योजना सहा महिन्यापूर्वीच पूर्ण झाली. तरीही ग्रामस्थांना पाणी नाही. हा प्रश्न राजकीय श्रेयवादाचा किंवा चिखलखीचा राहिलेला नाही. तो ग्रामस्थांच्या पाण्याच्या गरजेचा, आरोग्याशी अस्तित्वाशी जोडणारा आहे. श्रेय कोणी घ्या.. पण पाणी द्या या ज्वलंत प्रश्नावर तोडगा काढण्यासाठी स्वतंत्र विशेष ग्रामसभा घेण्यासाठीची मागणी धुडकवली जात आहे.
FDA Raid: कराडमध्ये FDA ची धडक कारवाई! नामांकित बेकरीला ठोकले सील; पार्सल सेवेवरही निर्बंध
कित्येक वर्षापासून कालबाह्य झालेल्या जुन्या पाणी योजनेवर तुटपुंजा पाण्यावर मसूरकरांना दिवस काढावे लागत आहेत. 24 तास स्वच्छ पाण्याची स्वप्ने दाखवण्यात आली. योजना पूर्ण झाली ..पण घरात पाणी नाही. 14 कोटीची योजना केवळ कागदावर पांढऱ्यावर काळे करण्यासाठी होती… की जनतेच्या तृप्तीसाठी. याचे उत्तर प्रशासनाला द्यावे लागेल..असेही मानसिंगराव जगदाळे यांनी स्पष्ट केले.
