बुधवार, 21 ऑक्टोबर 2026
छत्रपती शिवाजी महाराज सभागृह तसेच यशवंत उद्यान येथील डॉ. बाबासाहेब आंबेडकर पुतळा परिसरात हा सोहळा उत्साहपूर्ण वातावरणात झाला. कार्यक्रमास नगराध्यक्ष अमोल मोहिते, उपनगराध्यक्ष डी. जी. बनकर, आरोग्य सभापती धनंजय जांभळे, महिला व बालकल्याण सभापती मोनिका घोरपडे, उपसभापती सुजाता गिरिगोसावी, शिक्षण सभापती शंकर किर्दत यांच्यासह नगरसेवक व नगरसेविका मोठ्या संख्येने उपस्थित होते. तसेच नगरपालिका अधिकारी व कर्मचाऱ्यांचाही सहभाग लक्षणीय होता.
यावेळी संयुक्त समारोह समितीमार्फत महात्मा फुले यांच्या प्रतिमेला पुष्पहार अर्पण करून अभिवादन करण्यात आले. कार्यक्रमात बोलताना नगराध्यक्ष अमोल मोहिते यांनी महात्मा फुले यांच्या कार्याचा गौरव करत सांगितले की, त्यांनी अज्ञान, अंधश्रद्धा आणि सामाजिक अन्यायाविरुद्ध संघर्ष करत शिक्षणाचा प्रसार केला. स्त्रीशिक्षण व शेतकरी हक्कांसाठी त्यांनी दिलेले योगदान समाजासाठी मार्गदर्शक ठरले असून “शिक्षण हेच खरे सामर्थ्य” हा त्यांचा संदेश आजही प्रेरणादायी आहे.तसेच डॉ. बाबासाहेब आंबेडकर यांच्या विचारांचा उल्लेख करत त्यांनी सांगितले की, राज्यघटनेच्या माध्यमातून देशात समता, स्वातंत्र्य आणि बंधुतेची मूल्ये रुजवण्यात त्यांचे योगदान अमूल्य आहे.
या प्रसंगी उपस्थित मान्यवरांनी महात्मा फुले आणि डॉ. आंबेडकर यांच्या विचारांचे आचरण करून समाजात ऐक्य, समानता आणि सामाजिक न्याय प्रस्थापित करण्याची गरज व्यक्त केली. शिक्षण, स्वच्छता आणि सर्वांगीण विकासाच्या दिशेने वाटचाल करण्याचा निर्धारही यावेळी व्यक्त करण्यात आला.
