Khandala Revenue Lok Adalat :
महसूल विभागातील प्रलंबित अर्धन्यायिक प्रकरणे पक्षकारांच्या परस्पर संमतीने व तडजोडीने जलदगतीने निकाली काढणे,नागरिकांचा वेळ व खर्च वाचविणे तसेच महसूल न्यायालयांवरील प्रलंबित प्रकरणांचा भार कमी करणे हा या अभियानाचा उद्देश आहे.या अभियानाच्या अनुषंगाने सातारा जिल्हाधिकारी संतोष पाटील व वाई उपविभागीय अधिकारी डॉ.योगेश खरमाटे यांच्या मार्गदर्शनाखाली खंडाळा तालुक्यात दि. 5 ऑक्टोबर 2026 आणि दि.7 डिसेंबर 2026 रोजी खंडाळा तहसील कार्यालय तसेच तालुक्यातील संबंधित मंडलाधिकारी कार्यालयांमध्ये महसूल लोक अदालतीचे आयोजन करण्यात येणार आहे.
Dombivli News: आणखी किती जणांचा जीव धोक्यात जाणार? गोग्रासवाडीतील अनधिकृत गोठ्याच्या दलदलीचा
या अभियानामध्ये महसूल विभागातील अर्धन्यायिक न्यायालयांमध्ये प्रलंबित असलेल्या विविध प्रकारच्या महसुली दावे व अपीलांचा समावेश करण्यात आला आहे. यामध्ये मंडळ अधिकारी व तहसीलदार यांचेकडे प्रलंबित प्रकरणांचा समावेश असेल.
महसूल लोक अदालतीमध्ये दोन्ही पक्षकारांची परस्पर संमती आणि तडजोड झाल्यास प्रलंबित महसुली दावा अंतिमरित्या निकाली काढण्याची कार्यवाही करण्यात येणार आहे.
ज्या अर्धन्यायिक न्यायालयात महसुली दावा प्रलंबित आहे,तेथे दोन्ही पक्षकार किंवा त्यांच्या वकिलांमार्फत शासन निर्णयासोबत दिलेल्या ‘प्रपत्र-अ’ मधील नमुन्यात तडजोडीसाठी अर्ज सादर करता येईल.
प्राप्त अर्जांची छाननी करून दोन्ही पक्षकारांची संमती निश्चित करण्यात येईल. त्यानंतर आवश्यकतेनुसार दोन्ही पक्षांकडून कायदेशीर तडजोडनामा (Consent Terms) प्राप्त करून घेण्यात येईल. निश्चित केलेल्या महसूल लोक अदालतीच्या दिवशी दोन्ही पक्षकारांच्या सहमतीने प्रलंबित दाव्यावर अंतिम आदेश पारित करून प्रकरण कायमस्वरूपी निकाली काढण्यात येईल.
खंडाळा तालुक्यातील ज्या नागरिकांचे महसुली दावे किंवा अपील संबंधित अर्धन्यायिक न्यायालयात प्रलंबित आहेत आणि दोन्ही पक्षकारांना परस्पर संमतीने प्रकरण तडजोडीने निकाली काढण्याची इच्छा आहे, त्यांनी खंडाळा तहसील कार्यालय किंवा संबंधित मंडलाधिकारी कार्यालयाशी संपर्क साधावा.
– प्रलंबित महसुली दावा/अपील क्रमांक व वर्ष
– दोन्ही पक्षकारांची नावे व संपर्क क्रमांक
– संबंधित प्रकरणाची थोडक्यात माहिती
– आवश्यक महसुली कागदपत्रे
– वकीलामार्फत अर्ज असल्यास संबंधित वकिलांची माहिती
– दोन्ही पक्षकारांची तडजोडीसाठी स्पष्ट संमती
नागरिकांचा वेळ व खर्च वाचण्यास मदत
महसुली दावे दीर्घकाळ प्रलंबित राहिल्यास पक्षकारांचा वेळ व पैसा खर्च होतो.दोन्ही पक्षकारांच्या सहमतीने व तडजोडीने प्रकरणांचा निपटारा झाल्यास पक्षकारांना जलदगतीने वादातून मार्ग काढण्याची संधी मिळते आणि अर्धन्यायिक यंत्रणेवरील प्रलंबित प्रकरणांचा भार कमी होण्यास मदत होते.
खंडाळा तालुक्यातील प्रलंबित महसुली प्रकरणांतील दोन्ही पक्षकारांनी परस्पर संमतीने तडजोड करून प्रकरण निकाली काढण्याची इच्छा असल्यास या विशेष अभियानाचा लाभ घ्यावा.
नागरिकांनी तहसील कार्यालय, खंडाळा किंवा आपल्या कार्यक्षेत्रातील मंडळ अधिकारी कार्यालयाशी संपर्क साधून आवश्यक अर्ज व कागदपत्रांसह वेळेत कार्यवाही पूर्ण करावी.
‘तडजोडीतून जलद न्याय — नागरिकांचा वेळ व खर्चाची बचत’ या उद्देशाने राबविण्यात येत असलेल्या या अभियानास खंडाळा तालुक्यातील नागरिकांनी सहकार्य करावे, असे आवाहन तहसीलदार रविराज जाधव यांच्या वतीने करण्यात आले आहे.
.png "Videos"){kind=small}
