Santosh Deshmukh News: ‘त्या’ फोटोवरून अंजली दमानियांची CM फडणवीसांकडे मोठी मागणी; म्हणाल्या, “ही SIT…”

SIT On Santosh Deshmukh Case: संतोष देशमुख हत्या प्रकरणाची एसआयटी चौकशी केली जात आहे. या टीममध्ये बीड पोलिसांचा देखील समावेश करण्यात आला आहे.

बीड: बीडमधील सरपंच संतोष देशमुख यांची हत्या करण्यात आली. त्यानंतर हे प्रकरण चांगलेच तापले आहे. या प्रकरणातील आरोपीना अटक करण्यात आली आहे. या प्रकरणाचा तपास सीआयडी आणि एसआयटी करत आहे. तर विरोधी पक्ष मंत्री धनंजय मुंडे यांच्या राजीनाम्याची मागणी करत आहेत. तर सामाजिक कार्यकर्त्या अंजली दमानीया यांनी देखील हे प्रकरण चांगलेच लावून धरले आहे. भाजप आमदार सुरेश धस देखील या प्रकरणात आक्रमक झाले आहेत. तर अंजली दमानिया यांनी आज एक नवीन ट्वीट करत मुखीमनटरी देवेंद्र फडणवीस यांच्याकडे एक नवीन मागणी केली आहे.

संतोष देशमुख हत्या प्रकरणाची एसआयटी चौकशी केली जात आहे. या टीममध्ये बीड पोलिसांचा देखील समावेश करण्यात आला आहे. त्यातील एका अधिकाऱ्याचा फोटो सामाजिक कार्यकर्त्या अंजली दमानिया यांनी ट्वीट केला आहे. त्यामुळे एका नवीन वादाला तोंड फुटण्याची शक्यता आहे. अंजली दमानिया यांनी एसआयटी टीममधील एका अधिकाऱ्याचा वाल्मीक कराडसोबतचा फोटो शेअर केला आहे. तसेच ही एसआयटी त्वरित बरखास्त करण्याची मागणी त्यांनी केली आहे.

अंजली दमानिया यांचे काय आहे ट्वीट? 

मुख्यमंत्री ताबतोब ही SIT बरखास्त करा.  बीड पोलिस ही चौकशी करणे अयोग्य खूपशा पोलिस अधिकाऱ्यांचे वाल्मिक कराड यांच्याशी संबंध.  जिल्ह्याबाहेरच्या अधिकाऱ्यांना ON Camera चौकशी चे आदेश तात्काळ द्या.

See more

मुख्यमंत्री ताबतोब ही SIT बरखास्त करा

बीड पोलिस ही चौकशी करणे अयोग्य

खूपशा पोलिस अधिकाऱ्यांचे वाल्मिक कराड यांच्याशी संबंध

जिल्ह्या बाहेरच्या अधिकाऱ्यांना ON Camera चौकशी चे आदेश तात्काळ द्या pic.twitter.com/UKgkvE9alU

— Mrs Anjali Damania (@anjali_damania) January 5, 2025

सामाजिक कार्यकर्त्या अंजली दमानीया यांनी बीड जिल्ह्याच्या बाहेरील अधिकाऱ्याना या प्रकरणाचा तपास करण्याचे आदेश देण्याची विनंती मुख्यमंत्री देवेंद्र फडणवीस यांच्याकडे केली आहे. त्यामुळे आता या विषयावर राज्य सरकार काय निर्णय घेते का हे पहावे लागणार आहे.

बीड पोलीस दलातील चार पोलीस अधिकाऱ्यांच्या तडकाफडकी बदल्या

बीड पोलीस दलात मोठे बदल करण्यात आले आहेत. नव्याने नियुक्त बीडचे पोलीस अधीक्षक नवनीत कावत यांनी पोलीस दलातील चार अधिकाऱ्यांच्या बदल्या केल्या आहेत. यामध्ये संतोष देशमुख हत्या प्रकरणात सक्तीच्या रजेवर पाठवलेल्या प्रशांत महाजन यांचाही समावेश आहे. महाजन यांची नियुक्ती आता नियंत्रण कक्षात करण्यात आली आहे.

हेही वाचा: Santosh Deshmukh Case: बीड पोलीस दलातील चार पोलीस अधिकाऱ्यांच्या तडकाफडकी बदल्या

दरम्यान, वाल्मिक कराडची चौकशी करण्यासाठी नेमण्यात आलेल्या एसआयटी कमिटीतील एक अधिकारी महेश विघ्ने हे वाल्मिक कराडचे मित्र असल्याचा दावा बजरंग सोनावणे यांनी केला आहे.महेश विघ्ने नावाच्या व्यक्तीचा वाल्मिक कराडसोबतचा फोटो दाखवत, बजरंग सोनावणे यांनी हा आरोप केला. “मित्रच वाल्मिक कराड याची चौकशी कशी करेल?”  असा  सवाल त्यांनी उपस्थित केला,  बजरंग सोनावणे म्हणाले की, विधानसभा निवडणुकीचा निकाल लागल्याच्या दिवशीचा वाल्मिक कराडचा एक फोटो जयंतराव पाटील यांनी ट्वीट केला होता. या फोटोत महेश विघ्ने नावाची व्यक्ती दिसत असून, तीच व्यक्ती सध्या SIT मध्ये अधिकारी म्हणून आहे.