ठाणेकरांनो पाणी जपून वापरा ! शहरातील या भागात पाणीपुरवठा 12 तास राहणार बंद

ठाणे शहर आणि इतर ठिकाणात आज 12 तासांसाठी पाणी पुरवठा बंद राहणार असल्याचं पालिका प्रशासनाकडून सांगण्यात आलं आहे.

ठाणे/ स्नेहा काकडे,जाधव : ठाणे शहरात आज पुढचे 12ते 15 पाणी पुरवठा बंद राहणार असल्याचे ठाणे पालिका प्रशासनाद्वारे सांगण्यात आलं आहे. त्यामुळे नागरिकांनी पुढचे काही तास पाणी जपून वापरा असं आवाहन करण्यात येत आहे. कोणकोणत्या भागात आज पाणीपुरवठा बंद राहणार आहे ते जाणून घेऊयात…

पाणी पुरवठा बंद करण्याचे कारण काय ?

कळवा, मुंब्रा आणि दिव्याला पाणीपुरवठा करणाऱ्या जलशुद्धीकरण केंद्रातील पाणीपुरवठा करणारी पाइपलाइन फुटली. आज सकाळी, महाराष्ट्र औद्योगिक विकास महामंडळाच्या जांभूळ जलशुद्धीकरण केंद्रातील अशुद्ध पाण्याची जलवाहिनी फुटली आहे. सदर जलवाहिनी दुरुस्तीचे काम सुरू असून काम पूर्ण होण्यास 12 ते 15 तास लागणार असल्याचे एमआयडीसीने कळवले आहे.

या दुरुस्तीच्या कालावधीत ठाणे महानगरपालिकेअंतर्गत दिवा, मुंब्रा आणि कळवा प्रभाग समिती येथील पाणीपुरवठा 12ते 15 तासासाठी पूर्णपणे बंद राहील. काम पूर्ण झाल्यानंतर पाणी पुरवठा सुरळीत होईल. तरी नागरीकांनी सहकार्य करावे, असे आवाहन ठाणे महानगरपालिकेने केले आहे.

Thane News : युद्धजन्य परिस्थितीत जिल्हा प्रशासन सज्ज! सर्व यंत्रणा अद्ययावत ठेवण्याचे जिल्हाधिकाऱ्यांचे आदेश

ठाणे जिल्ह्यातील कळवा, मुंब्रा आणि दिवा परिसरातील नागरिकांना आज पाणीपुरवठ्यात अडचणीचा सामना करावा लागत आहे. याचे कारण म्हणजे, महाराष्ट्र औद्योगिक विकास महामंडळाच्या (MIDC) जांभूळ येथील जलशुद्धीकरण केंद्रातील अशुद्ध पाण्याची वाहून नेणारी जलवाहिनी (पाइपलाइन) आज सकाळी अचानक फुटली आहे. या पाइपलाइनमधूनच पुढे शुद्धीकरण प्रक्रियेसाठी पाणी केंद्रात पोहोचवले जाते.

पाइपलाइन फुटल्यानंतर MIDC प्रशासनाने तत्काळ दखल घेत दुरुस्तीचे काम हाती घेतले आहे. तथापि, हे दुरुस्तीचे काम पूर्ण होण्यासाठी अंदाजे 12 ते 15 तासांचा कालावधी लागणार असल्याचे अधिकृतरित्या सांगण्यात आले आहे. या कालावधीत जांभूळ जलशुद्धीकरण केंद्रातून होणारा पाणीपुरवठा पूर्णपणे बंद राहणार आहे.

पावसाळ्यापूर्वी विकासकामांना वेग, नरेश म्हस्के यांनी रेल्वे अधिकाऱ्यांना दिल्या ‘या’ महत्वाच्या सुचना

या पाइपलाइनद्वारे ठाणे महानगरपालिकेच्या कळवा, मुंब्रा आणि दिवा प्रभाग समिती अंतर्गत येणाऱ्या भागांना पाणीपुरवठा केला जातो. त्यामुळे या भागातील नागरिकांना पुढील 12 ते 15 तास पाणीपुरवठा बंद राहणार आहे. काम पूर्ण झाल्यानंतर पाणीपुरवठा सुरळीत होईल, असे प्रशासनाने सांगितले आहे.

या दुरुस्तीच्या कालावधीत पाणीटंचाईची शक्यता लक्षात घेता नागरिकांनी पाण्याचा वापर अत्यंत काटकसरीने करावा, तसेच अनावश्यक पाणीवापर टाळावा, असे आवाहन ठाणे महानगरपालिकेने केले आहे. प्रशासनाकडून वेळोवेळी माहिती दिली जाईल आणि काम लवकरात लवकर पूर्ण करण्याचे प्रयत्न सुरू असल्याचेही स्पष्ट करण्यात आले आहे.