सुशील कराड प्रकऱणात अपडेट; मॅनेजरच्या पत्नीला बीड न्यायालयात याचिका दाखल करण्याचे निर्देश

सोलापूर :  बीडच्या मस्साजोग गावचे सरंपच संतोष देशमुख यांच्या हत्या प्रकरणील आरोपी वाल्मिक कराड सध्या न्यायालयीन कोठडीत आहे. हे प्रकरणत ताजे असतानाच वाल्मिक कराड आणि त्याचा मुलगा सुशील कराडचेही कारनामे समोर आले होते. वाल्मिक कराडचा मुलगा सुशील कराडच्या मॅनेजरने गंभीर आरोप केले होते. सुशील कराडने  मॅनेजरच्या घरात घुसून बंदुकीचा धाक दाखवून दोन बल्कर ट्रक, दोन कार, परळीतील प्लॉट आणि सोने बेकायदेशीरपणे ताब्यात घेतल्याचा गंभीर आरोप करण्यात आला आहे. याप्रकरणी मॅनेजरच्या पत्नीनेच सोलापूर जिल्हा व सत्र न्यायालयात खाजगी फिर्याद दाखल करण्याची मागणी केली आहे.

या प्रकरणी सुशील कराडविरोधात सोलापूर न्यायालयात याचिका दाखल करण्यात आली होती. या प्रकरणी सोलापूर न्यायालयाने निकाल दिला. सुशील कराडच प्रकरण बीड न्यायालयात आहे. त्यामुळे अर्जदाराने बीडच्याच न्यायालयात दाद मागावी, असं न्यायालयाने म्हटले आहे.

तसेच,  पीडित महिलेच्या मागणीनुसार सुशील कराडच्या विरोधात सोलापुरात गुन्हा दाखल करता येणार नसल्याचे न्यायालयाने सांगितले. वाल्मीकी कराडचा मॅनेजर हा बीड येथे काम करत होता.  वाल्मिक कराड आणि सुशील कराडशी संंबधित सर्व घटना बीड येथे घडली आहे.  हा संपूर्ण घटनाक्रम हा बीड जिल्ह्यातील असल्याने सोलापूरच्या न्यायालयीन सिमेत हा गुन्हा दाखल करता येणार नाही असे सोलापूर जिल्हा व सत्र न्यायालयाने आदेश दिला आहे.

पीडित महिलेला 17  जानेवारीला  सुशील कराडच्या साथीदारांकडून शिवीगाळ व जिवे मारण्याची धमकी पीडित महिला ही सोलापूरमध्ये असताना ही घटना घडली आहे. त्यामुळे फिर्यादीचे वकील हे न्यायालयीन स्थळ-सीमाच्च्या मुद्यावरून मुंबई उच्च न्यायालयात या विषयीची याचिका दाखल कराणार असल्याचे सांगितले.

सुशील कराडचे साथीदार  अनिल मुंडे आणि गोपी गंजेवार यांच्याविरूद्धही खाजगी फिर्याद दाखल करण्याची मागणी न्यायालयाकडे करण्यात आली आहे. काही दिवसांपूर्वीच  पिडीत मॅनेजरच्या पत्नीने सुशील कराडसह त्याच्या दोन्ही साथीदारांविरोधात  सोलापुरातील एमआयडीसी पोलीस स्टेशन, सोलापूर पोलीस आयुक्त आणि पोलीस अधीक्षक बीड यांच्याकडे तक्रार दिली होती.  पण त्या तक्रारीवर कोणतीही कारवाई केली गेली नाही, अशीही माहिती समोर आली आहे.

वाल्मिक कराडच्या मुसक्या आवळयानंतर  पिडीत मॅनेजरच्या पत्नीने  सोलापूर जिल्हा व सत्र न्यायालयात खासगी फिर्याद दाखल करत या तिघांवरही कारवाई करण्याची मागणी केली आहे.  मॅनेजरच्या पत्नीने केलेल्या आरोपांवर आरोपींनीही त्यांचे म्हणणे दाखल केले होते.

Web Title: Update managers wife directed to file petition in beed court in sushil karad case nras

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News  only on Navarashtra.com