Narendra Modi : प्रधानमंत्री नरेंद्र मोदी यांच्या वाढदिवसा निमित्त नवा संकल्प, ‘से नो टू ड्रग्स’ या पोर्टलचे उद्घाटन

Narendra Modi : राज्यपाल जिष्णु देव वर्मा यांनी दिव्यांग व्यक्तींकडे केवळ अपंगत्वाच्या दृष्टीने न पाहता त्यांच्या क्षमता, प्रतिभा आणि दृढनिश्चयाच्या दृष्टिकोनातून पाहण्याचे आवाहन केले. प्रधानमंत्री नरेंद्र मोदी यांच्या वाढदिवसानिमित्त सेवा संकल्प , से नो टू ड्रग्स’ पोर्टलचे राज्यपालांच्या हस्ते उद्घाटन करण्यात आले.

• व्हीलचेअर केवळ दिव्यांग व्यक्तूसाठी साधन नाही एक सन्मान आह
• प्रधानमंत्री नरेंद्र मोदी यांच्या वाढदिवसा निमित्त अभियान ….
• ‘से नो टू ड्रग्स’ या पोर्टलचे उद्घाटन

Narendra Modi :  तरुणामध्ये आणि विद्यार्थ्यांन मध्ये व्यसनाचे प्रमाण वाढत आहे, या मुळे त्यांच्या सामाजिक, मानसिक आणि कौटुंबिक जिवनावर परिणाम होत असल्याचे पाहण्यास मिळते , या साठी भारत सरकारणे अंमली पदार्थांच्या आहारी गेलेल्या व्यक्तींना मदत करण्यासाठी पुढाकार घेतला आहे. अंमली पदार्थांच्या आहारी गेलेल्या व्यक्तीला मदत करणे म्हणजे त्याच्या जीवनात लुडबुड करणे नसून त्याला जीवनाकडे परत आणण्याचा प्रयत्न आहे. त्यामुळे युवकांनी आणि विद्यार्थ्यांनी व्यसनाधीन व्यक्तींना मदत करण्यासाठी पुढाकार घेतला पाहिजे असे आव्हान राज्यपाल जिष्णु देव वर्मा यांनी केले. ‘ड्रग इज नॉट कुल, इट्स क्रुएल’ असा संदेश देत अंमली पदार्थांविरुद्धचा लढा राष्ट्रव्यापी करणे आवश्यक असल्याचे राज्यपाल जिष्णु देव वर्मा यांनी सांगितले. त्याच बरोबर दिव्यांग व्यक्तींकडे अपंगत्वाच्या नव्हे तर त्यांच्यातील क्षमता, प्रतिभा आणि दृढनिश्चयाच्या दृष्टिकोनातून पाहिले व  त्यांच्याविषयी केवळ सहानुभूती व्यक्त न करता त्यांच्यासाठी समान संधी निर्माण करणे ही समाजाची जबाबदारी आहे असे मत राज्यपाल जिष्णु देव वर्मा यांनी केले. 

व्हीलचेअर केवळ दिव्यांग व्यक्तूसाठी साधन नाही एक सन्मान आहे

सेवा ही केवळ एक कृती नसून ती एक वृत्ती, जबाबदारी आणि सामायिक मानवतेची अभिव्यक्ती आहे. व्हीलचेअर हे केवळ हालचालीसाठीचे सहाय्यक साधन नाही; ते दिव्यांग व्यक्तींसाठी सन्मान, स्वातंत्र्य आणि संधीचे माध्यम आहे. व्यक्तीमध्ये काय नाही, यापेक्षा तिच्यातील असाधारण गुण आणि क्षमतांकडे पाहिले पाहिजे, असेही राज्यपालांनी यावेळी सांगितले.

#दिव्यांग व्यक्तींकडे अपंगत्वाच्या नव्हे तर त्यांच्यातील क्षमता, प्रतिभा आणि दृढनिश्चयाच्या दृष्टिकोनातून पाहिले पाहिजे. त्यांच्याविषयी केवळ सहानुभूती व्यक्त न करता त्यांच्यासाठी समान संधी निर्माण करणे ही समाजाची जबाबदारी आहे, असे प्रतिपादन राज्यपाल जिष्णु देव वर्मा यांनी केले.… pic.twitter.com/LII9cB7XSU — MAHARASHTRA DGIPR (@MahaDGIPR) September 17, 2026

 

PM Narendra Modi Birthday Special: पंतप्रधान मोदींच्या वाढदिवशी …

 

प्रधानमंत्री नरेंद्र मोदी यांच्या वाढदिवसा निमित्त अभियान ….

प्रधानमंत्री नरेंद्र मोदी यांच्या वाढदिवसानिमित्त सेवा संकल्प अभियानांतर्गत एचएसएनसी विद्यापीठाच्या विद्यार्थ्यांना राज्यपालांनी व्यसनमुक्तीची प्रतिज्ञा दिली. व अंमली पदार्थांच्या समस्येला मागणी आणि पुरवठा अशा दोन बाजू असून, पुरवठ्यावर नियंत्रणासोबतच मागणी कमी करण्यासाठी व्यापक जनजागृती करणे आवश्यक असल्याचे सांगितले, तर वाढत्या व्यसनधिनतेमुळे कुंटुंबावर आणि समाजावर होणारा  परिणाम लक्षात घेता एक नवी सामाजिक व्यवस्था निर्माण करणअयाची गरज आहे , असे मत राज्यपाल राज्यपाल जिष्णु देव वर्मा यांनी म्हणाले

 

ना घर, ना स्वतःची गाडी; देशाचे पंतप्रधान Modi यांच्या एकूण संपत्तीचा …

‘से नो टू ड्रग्स’ या पोर्टलचे उद्घाटन

राज्यपालांच्या हस्ते मुंबई विद्यापीठाने विकसित केलेल्या ‘से नो टू ड्रग्स’ या पोर्टलचे उद्घाटन  पार पाडण्यात आले.  या माध्यमातून  व्यसनमुक्तीचा संकल्प घेण्यासह अंमली पदार्थांविरोधात जनजागृती करण्यात येणार आहे. विद्यार्थ्यांनी हात उंचावून व्यसनमुक्ती तसेच व्यसनमुक्त भारताच्या निर्मितीसाठी योगदान देण्याची प्रतिज्ञा घेतली. कार्यक्रमाला राज्यपालांचे सहसचिव एस रामामूर्ती, के सी महाविद्यालयाच्या प्रभारी प्राचार्या तेजश्री शानबाग, मेघाश्रेय फाउंडेशनच्या अध्यक्ष सीमा सिंह, पंडित दीनदयाल उपाध्याय सेवाभावी ट्रस्टचे विश्वस्त डॉ. सुमेध चव्हाण, अभिनेते रवी दुबे व एचएसएनसी विद्यापीठाचे कुलसचिव डॉ भगवान बालानी उपस्थित होते.