मोठी बातमी! अभिनेते, निर्माते व दिग्दर्शक सतीश कौशिक यांचे निधन; वयाच्या 67 व्या वर्षी घेतला अखेरचा श्वास

गंभीर भूमिका करणारा अभिनेता ते हास्य अभिनेता अशी सतीश कौशिक यांची ओळख होती. शिवाय ते दिग्दर्शकही होते. आणि अनेक सिनेमांचे निर्मातेही होते. त्यांच्या निधनामुळे बॉलिवूडवर शोककळा पसरली आहे. सतीश कौशिक यांचा जन्म 13 एप्रिल 1956मध्ये झाला. हरियाणाच्या महेंद्रगड येथे त्यांचा जन्म झाला होता.

मुंबई : बॉलिवूडमधून एक वाईट आणि एक दुःखद बातमी समोर आली आहे. प्रसिद्ध अभिनेते आणि निर्माते, दिग्दर्शक सतीश कौशिक यांचे आज पहाटे निधन झाले आहे. (Satish Kaushik Passes Away) अभिनेते अनुपम खेर (Anupam Kher) यांनी ट्विट करून ही दुःखद बातमी दिली आहे. सतीश कौशिक यांनी अनेक चित्रपटांमध्ये उत्तम भूमिका केल्या. सतीश कौशिक यांची मिस्टर इंडियातील (Mr. India) भूमिका सर्वाधिक गाजली. त्यांना दोन वेळा बेस्ट कॉमेडियनचा फिल्मफेअर पुरस्कारही मिळालेला आहे. अभिनेता गोविंदासोबतचा त्यांचा कॉमेडीचा टायमिंग अफलातून असायचा.

See more

जानता हूँ “मृत्यु ही इस दुनिया का अंतिम सच है!” पर ये बात मैं जीते जी कभी अपने जिगरी दोस्त #SatishKaushik के बारे में लिखूँगा, ये मैंने सपने में भी नहीं सोचा था।45 साल की दोस्ती पर ऐसे अचानक पूर्णविराम !! Life will NEVER be the same without you SATISH ! ओम् शांति! ??? pic.twitter.com/WC5Yutwvqc

— Anupam Kher (@AnupamPKher) March 8, 2023

हास्य अभिनेता ते दिग्दर्शक…

गंभीर भूमिका करणारा अभिनेता ते हास्य अभिनेता अशी सतीश कौशिक यांची ओळख होती. शिवाय ते दिग्दर्शकही होते. आणि अनेक सिनेमांचे निर्मातेही होते. त्यांच्या निधनामुळे बॉलिवूडवर शोककळा पसरली आहे. सतीश कौशिक यांचा जन्म 13 एप्रिल 1956मध्ये झाला. हरियाणाच्या महेंद्रगड येथे त्यांचा जन्म झाला होता. सतिश कौशिक यांनी आपल्या करीअरची सुरुवात 1983मध्ये आलेल्या “जाने भी दो यारो” या सिनेमातून केली होती. त्यानंतर त्यांनी 100हून अधिक सिनेमात काम केलं. 1993मध्ये त्यांनी रुप की रानी चोरों का राजा या सिनेमाचं दिग्दर्शन केलं होतं. त्यानंतर त्यांनी डझनभर सिनेमाचं दिग्दर्शन केलं होतं. मात्र, त्यांच्या विनोदी भूमिका अधिक गाजल्या. सतीश कौशिक यांची मिस्टर इंडियातील भूमिका सर्वाधिक गाजली.

मी स्वप्नातही पाहिले नव्हतं…

कौशिक यांच्या निधनानंतर अभिनेता अनुपम खेर यांनी भावनिक ट्विट केलं आहे. ‘मला माहिती आहे, ‘मृत्यू हेच जगाचे अंतिम सत्य आहे!’ पण हे गोष्ट आपला जिगरी दोस्त सतीश कौशक यांच्या निधनबद्दल मी लिहिल, याचा विचार मी स्वप्नातही केला नव्हता. ४५ वर्षांच्या मैत्रीवर असा अचानक पूर्णविराम!’ असं ट्विट करत अनुपम खेर यांनी मित्र सतीश कौशिकबद्दल आपल्या दुःखद भावना व्यक्त केल्या आहेत. तसेच कौशिक यांच्या निधनानंतर बॉलिवूडमधून शोक व्यक्त होत आहे.