ए आर रहमानने घटस्फोटाच्या पोस्टमध्ये केली मोठी चूक? सोशल मीडियावर चाहते करतायत ट्रोल!

ऑस्कर विजेते एआर रहमानने एका पोस्टद्वारे घटस्फोटाची घोषणा केली. मात्र, त्याने पोस्टमध्ये एक चूक केली ज्यामुळे लोक त्याला ट्रोल करत आहेत. आणि या पोस्टला भरभरून प्रतिसाद देत आहेत.

ऑस्कर विजेता प्रसिद्ध संगीतकार आणि गायक एआर रहमान सध्या खूप चर्चेत आहे. पत्नी सायरा बानूपासून वेगळे होण्याच्या घोषणेने त्यांच्या चाहत्यांना धक्का बसला आहे. याचदरम्यान, काल रात्री एआर रहमान आणि सायरा बानो यांनी एक संयुक्त निवेदन जारी करून त्यांचे 29 वर्ष जुने वैवाहिक जीवन संपल्याची घोषणा केली होती. यानंतर त्याने सोशल मीडिया प्लॅटफॉर्म X वर एक पोस्ट देखील शेअर केली. मात्र, एआर रहमानने आपल्या पोस्टमध्ये असे काही लिहिले की, लोक आता त्याला ट्रोल करत आहेत. इतकंच नाही तर लोक त्याच्या पोस्टवर जोरदार प्रतिक्रियाही देत ​​आहेत. काय आहे हे संपूर्ण प्रकरण जाणून घेऊयात.

ए आर रहमानच्या घटस्फोटावर मुली खतिजा आणि रहीमा यांच्या समोर आल्या प्रतिक्रिया, म्हणाल्या…

पोस्टामध्ये केली मोठी चूक
एआर रहमानने मंगळवारी रात्री त्याच्या सोशल मीडिया अकाउंट X वर पत्नी सायरा बानूपासून वेगळे झाल्याची घोषणा केली. पोस्ट शेअर करताना त्यांनी लिहिले की, ‘आमच्या लग्नाला 29 वर्षे पूर्ण झाली आहेत. आम्ही 30 वर्षे एकत्र राहू अशी आशा होती परंतु असे दिसते की सर्व गोष्टींचा न पाहिलेला अंत आहे. देवाचे सिंहासन देखील तुटलेल्या अंतःकरणाच्या भाराने थरथर कापते. तरीही या विघटनात आपल्याला अर्थ सापडतो. मित्रांनो, आमच्या गंभीर काळात आमची गोपनीयता राखल्याबद्दल धन्यवाद. असे लिहून गायकाने ही पोस्ट शेअर केली आहे.

 

See more

“We had hoped to reach the grand thirty, but all things, it seems, carry an unseen end. Even the throne of God might tremble at the weight of broken hearts. Yet, in this shattering, we seek meaning, though the pieces may not find their place again. To our friends, thank you for…

— A.R.Rahman (@arrahman) November 19, 2024

पोस्टमध्ये हॅशटॅग ब्रेकअप
त्याच्या पोस्टच्या शेवटी, एआर रहमानने #arsairabreakup हा हॅशटॅग वापरला. मग काय… या गायिकेची पोस्ट सोशल मीडियावर व्हायरल होताच, विभक्त झाल्याची बातमी ऐकून सगळेच चक्रावून गेले. दरम्यान, काही लोकांचे लक्ष एआर रहमानच्या पोस्टच्या हॅशटॅगकडे गेले. एआर-सायरा ब्रेकअपचा हा हॅशटॅग पाहून लोकांना आश्चर्य वाटले.

कियारानंतर हृतिक रोशनच्या ‘वॉर २’मध्ये आता श्रद्धा करणार एंट्री? ज्युनियर एनटीआर सोबत घालणार धुमाकूळ!

सोशल मीडिया यूजर्सनी ट्रोल केले
घटस्फोटाची घोषणा करताना ब्रेकअपचा हॅशटॅग वापरल्याने सोशल मीडिया युजर्सनी एआर रहमानला ट्रोल करण्यास सुरुवात केली आहे. दरम्यान, पोस्टवर कमेंट करताना एका यूजरने लिहिले, ‘चॅट जीपीटी आणि हॅशटॅग?’ दुसऱ्या यूजरने लिहिले की, ‘अशा परिस्थितीत हा हॅशटॅग कोण तयार करतो? तुमच्या ॲडमिनला फायर करा.’ दुसऱ्या यूजरने लिहिले, ‘यानंतर हॅशटॅग का?’ असे लिहून चाहत्यांनी गायकाला प्रचंड ट्रोल! केले आहे.

उल्लेखनीय आहे की एआर रहमान आणि सायरा बानो यांनी 1995 मध्ये लग्न केले होते. दोघांनी अरेंज मॅरेज केले होते. दोघेही जवळपास 29 वर्षे एकत्र राहिले आणि आता त्यांनी वेगळे होण्याची घोषणा करून लोकांना आश्चर्यचकित केले आहे.