कियारानंतर हृतिक रोशनच्या ‘वॉर २’मध्ये आता श्रद्धा करणार एंट्री? ज्युनियर एनटीआर सोबत घालणार धुमाकूळ!

बॉलीवूड चित्रपट 'वॉर २' लवकरच पुढच्या वर्षी प्रेक्षकांच्या भेटीस येणार आहे. या चित्रपटामध्ये हृतिक रोशनसह साऊथ स्टार जूनियर एनटीआर देखील झळकणार आहे.

(फोटो सौजन्य - सोशल मीडिया)

Follow Us:

Follow Us:

2024 प्रमाणे 2025 हे वर्ष देखील बॉलिवूड चित्रपटांनी भरलेले असणार आहे. ‘रामायण’, ‘सिकंदर’, ‘टॉक्सिक’ आणि ‘भूत बंगला’ यासह अनेक बिग बजेट चित्रपट चित्रपटगृहात प्रदर्शित होणार आहेत. तसेच या चित्रपटांच्या यादीत हृतिक रोशनच्या ‘वॉर २’ चा देखील समावेश आहे. यशराज बॅनरखाली 2019 मध्ये रिलीज झालेला वॉर हा चित्रपट सुपरहिट ठरला होता. या चित्रपटात हृतिक रोशनसोबत टायगर श्रॉफ मुख्य भूमिकेत दिसला होता. सहा वर्षांनंतर प्रदर्शित झालेल्या वॉर 2 मध्ये ज्युनियर एनटीआर सोबत हृतिक रोशनच्या पदार्पणाबद्दल चाहत्यांमध्ये आधीच उत्साह निर्माण झाला आहे. आता निर्मात्यांनी ही आतुरता आणखी वाढवली आहे आणि ज्युनियर एनटीआर, हृतिक रोशनच्या चित्रपटात श्रद्धा देखील प्रवेश करणार आहे.

श्रद्धा कपूर होणार ‘वॉर २’ चा भाग?
2024 मध्ये, श्रद्धा कपूरच्या स्त्री 2′ ने बॉक्स ऑफिसवर धमाकेदार कमाई केली. अभिनेत्रीच्या चित्रपटाने देशांतर्गत बॉक्स ऑफिसवर एकूण 739.40 कोटींची कमाई केली. सोशल मीडियावर अमर कौशिक दिग्दर्शित चित्रपटाच्या यशाचा फायदा श्रद्धा कपूरलाही झाला आणि फॉलोअर्सच्या बाबतीत प्रियंका चोप्राला मागे सोडले. श्रद्धाच्या या चित्रपटाला चाहत्यांनी भरभरून प्रतिसाद दिला. म्हणूनच हा चित्रपट सिनेमागृहात चांगली कमाई करू शकला.

ए आर रहमानच्या घटस्फोटावर मुली खतिजा आणि रहीमा यांच्या समोर आल्या प्रतिक्रिया, म्हणाल्या…

स्त्री 2 च्या यशाने अभिनेत्रीसह या चित्रपटाच्या दिग्दर्शक आणि निर्मात्यांना अनोखे स्थान प्राप्त झाले. तसेच आता अभिनेत्रीच्या हाती ‘वॉर २’ सारखा मोठा प्रकल्प लागला आहे. 123 Telugu.com च्या वृत्तानुसार, आता श्रद्धा कपूरने देखील हृतिक रोशन आणि ज्युनियर एनटीआर स्टारर चित्रपटामध्ये सहभागी होण्यासाठी डान्स ऑफमध्ये प्रवेश केला आहे. श्रद्धा कपूर वॉर 2 मध्ये एका खास आयटम नंबरसह हॉटनेसचा टच जोडताना दिसणार आहे. श्रद्धा कपूर वॉर 2 मध्ये असल्याबद्दल यशराजने कोणतीही अधिकृत माहिती शेअर केलेली नाही.

ज्युनियर एनटीआरचे ‘वॉर 2’ मधून बॉलिवूडमध्ये पदार्पण
साऊथ सिनेसृष्टीतील सुपरस्टार ज्युनियर एनटीआर किती लोकप्रिय आहे हे सगळ्यांनाच माहीत आहे. एसएस राजामौली यांच्या RRR चित्रपटाच्या रिलीज आणि यशाने अभिनेता आता जागतिक स्टार बनला आहे. तसेच अभिनेता ज्युनियर एनटीआरचे हिंदी प्रेक्षकांमध्ये प्रचंड चाहते आहेत. अशा परिस्थितीत, यशस्वी फ्रेंचायझीसह त्याचा बॉलिवूडमध्ये प्रवेश हा अभिनेत्याच्या करिअरमधील मैलाचा दगड ठरू शकतो. ‘वॉर 2’ हा चित्रपट 2025 मध्ये सिनेमागृहात प्रदर्शित होणार आहे. या चित्रपटाचे दिग्दर्शन अयान मुखर्जी करत असून कियारा अडवाणी मुख्य भूमिकेत दिसणार आहे.

Web Title: Stree 2 actress shraddha kapoor item song in hrithik roshan and jr ntr war 2 report

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com