‘माझी गोष्ट अजून सुरूच…’ कॉमेडियन टीकू तसलानियाचे ‘आयुष्यावर बोलू काही’, ज्येष्ठ कलाकारांचे खास पॉडकास्ट

शेमारु लाईफस्टाइलच्या युट्यूब चॅनलने 'कहानी अभी बाकी है...' हा नवा पॉडकास्ट शो सुरु केला आहे. या नव्याकोऱ्या शो मध्ये जेष्ठ अभिनेता टीकू तलसानिया हे पहिले पाहुणे म्हणून सहभागी झाले.

• ‘कहानी अभी बाकी है’ नवा युट्यूब पॉडकास्ट शो सुरु
• ‘कहानी अभी बाकी है’ मध्ये टीकू तलसानिया झाले सहभागी
• ‘कहानी अभी बाकी है’ याबद्दल काय म्हणाले अभिनेते

अनेक सोशल मीडियावर प्लॅटफॉर्मवर मोठं मोठे कलाकार, नेते आणि बिजनेस मॅन पॉडकास्टमध्ये सहभागी होताना दिसत असतात. अश्यातच नुकताच चर्चेत असलेला आणि भारतातील ६० पेक्षा जास्त वय वर्ष असलेल्या व्यक्तींना सक्षम बनवण्यासाठी असलेल्या शेमारु लाईफस्टाइलच्या युट्यूब चॅनलने ‘कहानी अभी बाकी है…’ हा नवा पॉडकास्ट शो सुरु केला आहे. या शोच्या पहिल्याच भागात जेष्ठ अभिनेते आणि कॉमेडियन टीकू तलसानिया सहभागी झाले होते. ‘कहानी अभी बाकी है…’ या शोचा पहिलाच भाग आता अभिनेत्याच्या उपस्थितीमुळे चर्चेत आला आहे. या भागात अभिनेत्याने भरभरून गप्पा, आणि मज्जा केली आहे. तसेच अभिनेत्याने आयुष्यातील अनेक प्रेरणादायी प्रसंग, कारकीर्द आणि वैयक्तिक अनुभव शेअर केले आहेत.
.
‘कहानी अभी बाकी है’ हा जेन एस लाइफचा एक अनोखा उपक्रम असून यात प्रसिद्ध व्यक्तींना एकत्रित आणलं जातं. हे सगळे पाहुणे कलाकार आयुष्यातील आजवर न सांगितलेल्या गोष्टी, आयुष्यातील धडे आणि विचार शेअर करतात. जे पुढील पिढ्यांसाठी प्रेरणादायी ठरतात. विशेष म्हणजे, या पॉडकास्टमधील सर्व पाहुणे ज्येष्ठ नागरिक आहेत. हा नवा कोरा पॉडकास्ट शो प्रेक्षकांना नक्कीच काही शिकवणार आहे. आणि प्रेक्षकांना या शोद्वारे नवे अनुभव अनुभवायला मिळणार आहे.

‘माझ्या सुख- दुःखात तू…’ प्रियाच्या अचानक जाण्याने अंकिता भावुक; मैत्रिणीसाठी शेअर केली हृदयस्पर्शी पोस्ट

या पॉडकास्टबद्दल बोलताना ज्येष्ठ अभिनेते टीकू तलसानिया म्हणाले, “देवाने माणसाला बनवले कारण त्याला गोष्टी आवडतात आणि माणसापेक्षा जास्त चांगला कथाकार कोण असेल? गोष्ट कधीच संपत नसते, प्रत्येक टप्प्यासोबत ती विकसित होत असते. या इंडस्ट्रीत अनेक दशकं काम केल्यानंतरही माझा प्रवास अजूनही सुरूच आहे, असं माला वाटतं. प्रत्येक नवा अनुभव येतो तेव्हा नवा शोध घेण्यासाठी नवं काही शेअर करण्यासारखं त्यात असतं. या पॉडकास्टच्या माध्यमातून मला माझ्या प्रवासातील केवळ आठवणीच नाही तर जीवनात नेहमीच काहीतरी नवीन शोधण्यासारखे, शिकण्यासारखे आणि सेलिब्रेट करण्यासारखे असते.. हा विश्वास शेअर करता आला. जे अनुभव, ज्या भूमिका अनेकदा दुर्लक्षित केल्या जातात, त्यांना महत्त्व देणाऱ्या उपक्रमाचा भाग होताना मला अतिशय आनंद होत आहे.” असे अभिनेते म्हणाले.

आपले मत मांडताना जेन एस लाइफच्या संस्थापिका मीनाक्षी मेनन म्हणाल्या, “कहानी अभी बाकी है.. या पॉडकास्टद्वारे ज्या ज्येष्ठ व्यक्तींकडे एवढे ज्ञान, प्रेम आणि प्रेरणादायी विचार आहे, त्यांच्या विलक्षण प्रवासाचा सन्मान करण्याचा आम्हाला मॅन मिळाला. टीकू तलसानिया यांना पहिले पाहुणे म्हणून तिथे बोलावण्याचा आम्हाला आनंद आहे. जीवन हे सतत चालत रहावे, कधीही न थांबता. धाडस करत रहावे असे आहे. ही वृत्ती अभिनेत्याच्या अनुभवांतून दिसून येते.”

‘साबर बोंडं’चा ट्रेलर प्रदर्शित, सनडान्स फिल्म फेस्टिव्हलमध्ये मिळाला विशेष पुरस्कार; आता थिएटरमध्ये होणार प्रदर्शित

‘कहानी अभी बाकी है…’ या नव्याकोऱ्या शोमध्ये नक्की अभिनेते टीकू तलसानिया यांना काय प्रश्न विचारले गेले आणि अभिनेत्याने त्यांचे काय अनुभव शेअर केले हे तुम्हाला शेमारु लाईफस्टाइलच्या युट्यूब चॅनलवरच पाहायला मिळणार आहे. ही पॉडकास्ट मालिका विविध क्षेत्रांतील प्रतिष्ठित व्यक्तींसोबत संवाद साधणार आहे. यातून त्यांचे समृद्ध अनुभव समोर येतील आणि ज्येष्ठांना आणखी जास्त आणि चांगले आयुष्य जगण्यास मदत करण्याचा जेन एस लाइफचे उद्दिष्ट असणार आहे. आता या शोला प्रेक्षकांचा कसा प्रतिसाद मिळतो हे पाहणे उत्सुकतेचे ठरणार आहे.