मिळालेल्या वृत्तानुसार, अमिताभ बच्चन ‘जटायू’ची भूमिका साकारत असले तरी, ते प्रत्यक्ष स्क्रीनवर दिसणार नाहीत. त्यांचा हा रोल ‘व्हीएफएक्स’ (VFX) च्या मदतीने तयार केला जाणार आहे. पात्राला एक नैसर्गिक स्पर्श देण्यासाठी त्यांच्या डोळ्यांचे स्कॅनिंग करण्यात आले आहे. ते फक्त ‘जटायू’च्या भूमिकेसाठी आपला आवाज देणार आहेत.
🚨 Exclusive : Amitabh Bachchan, who voices the character of Jatayu in #Ramayana on board to be the Epic’s narrator Through out the Movie 🔥 Makers Approached him For hindi Voice 😇 A Big Hollywood name is in Consideration for English Dub 🤯 pic.twitter.com/kdjygZeQOc — RAMAYANA (@Ramayanthefilm) August 19, 2025
‘जटायू’च्या भूमिकेनंतर आता अमिताभ बच्चन यांना चित्रपटात ‘सूत्रधार’ (Narrator) बनण्याचीही जबाबदारी देण्यात आल्याचे समोर आले आहे. सूत्रांनुसार, ‘रामायण’मध्ये त्यांची सूत्रधार म्हणून भूमिका असावी, अशी निर्मात्यांची इच्छा आहे. कारण, त्यांच्या आवाजातील वजन आणि गांभीर्य इतर कोणत्याही कलाकारांमध्ये नाही. निर्मात्यांना असे वाटते की, चित्रपटाची सुरुवात त्यांच्या आवाजानेच व्हावी, जेणेकरून त्याचा मोठा प्रभाव पडेल. सध्या या संदर्भात चर्चा सुरू आहे आणि लवकरच सर्व गोष्टी अंतिम होण्याची शक्यता आहे. जर हे निश्चित झाले तर, रणबीर कपूर, सनी देओल किंवा यश यांच्या आधी चित्रपटात अमिताभ बच्चन यांचा प्रवेश होईल, जरी तो फक्त आवाजाच्या स्वरूपात असला तरी.
अमिताभ बच्चन यांना जी दुसरी जबाबदारी मिळत आहे, त्यात एकच अडचण येत आहे. एकाच कलाकाराचा आवाज दोन वेगवेगळ्या भूमिकांसाठी वापरणे थोडे कठीण असू शकते. परंतु, यावर क्रिएटिव्ह पद्धतीने तोडगा कसा काढता येईल, यावर सध्या विचारमंथन सुरू आहे. तरीही, चित्रपटाच्या सुरुवातीला त्यांचा दमदार आवाज ऐकल्याने नक्कीच प्रेक्षकांवर चांगला प्रभाव पडेल. आता यावर अंतिम निर्णय काय होतो, हे पाहणे महत्त्वाचे ठरेल.
.png "Videos"){kind=small}
