(फोटो सौजन्य -इन्स्टाग्राम)
2025 हे वर्ष संपत असताना अमृता खानविलकरने तिच्या चाहत्यांना अनेक खास सरप्राईज दिले . एकीकडे नव्या वर्षात अमृता रंगभूमीवर पदार्पण करणार असून वर्ष संपत असताना नेटफ्लिक्स वरच्या एका नव्या कोऱ्या वेब सीरिज मध्ये ती मुख्य भूमिकेत झळकताना दिसणार आहे.
नेटफ्लिक्सवर येणाऱ्या ” तस्करी ” या वेब सीरिज मध्ये तिची विशेष लक्ष वेधून घेणारी भूमिका बघायला मिळणार असल्याचं कळतंय. तिच्या सोबतीने अनेक बॉलिवूडचे बडे कलाकार देखील तस्करी मध्ये काम करताना दिसणार आहेत. ” तस्करी ” मध्ये पहिल्यांदा अमृता आणि बॉलिवुड अभिनेता इम्रान हाश्मी यांची जोडी प्रेक्षकांना बघायला मिळणार आहे.
अमृताने सोशल मीडिया “तस्करी” चा टीझर शेयर केला असून तिच्या कॅप्शन ने लक्षवेधून घेतलं आहे. तस्करीच्या दुनियेत तुमच्या सगळ्यांचं स्वागत आहे असं म्हणत तिने हा टिझर सोशल मीडिया वर पोस्ट केला आहे. इम्रान सोबत तिची काय भूमिका साकारणार? या तस्करीच्या विश्वात अमृताचा काय रोल असणार हे बघण्यासाठी थोडी वाट बघावी लागणार आहे.
वर्षभर नावीन्यपूर्ण प्रोजेक्ट्स मधून प्रेक्षकांच्या मनावर अधिराज्य गाजवणारी अमृता वर्ष संपताना देखील त्यांचं निखळ मनोरंजन करणार यात शंका नाही ! तर येणाऱ्या वर्षात प्रेक्षक तिला रंगभूमीवर बघण्यासाठी देखील तितकेच उत्सुक असल्याचं बघायला मिळतंय.
अमृताने डान्स, चित्रपटातील विविध भूमिका,नच बलिये सारखे अनेक रिअॅलिटी शोमधून प्रेक्षकांचे मनोरंजन केले आहे. आता अभिनेत्री तब्बल वीस वर्षानंतर रंगभूमीवर परतणार आहे. अनेक मराठी आणि हिंदी चित्रपट गाजवल्यानंतर ही मराठी अभिनेत्री रंगभूमीवर काम करताना दिसणार आहे. लवकरच ती ’लग्न पंचमी’ या आगामी नाटकामध्ये तब्बल वीस वर्षानंतर मुख्य भूमिकेत काम करताना दिसणार आहे. या नाटकाचे लेखन मधुगंधा कुलकर्णी यांनी केले आहे. स्वप्नील जोशी अमृताबरोबर लग्न पंचमी या नाटकात प्रमुख भूमिकेत दिसणार आहे. अनेकांनी ‘जिवलगा’ मालिकेतील ही जोडी पुन्हा एकत्र पाहायला मिळाल्याचा आनंद व्यक्त केला आहे.
.png "Videos"){kind=small}
