(फोटो सौजन्य- सोशल मीडिया)
OTT Releases 6 November: ओटीटीवर नवीन चित्रपट आणि वेब सीरिज पाहण्याची वाट पाहणाऱ्या प्रेक्षकांसाठी ६ नोव्हेंबर हा दिवस खास असणार आहे. या दिवशी विविध ओटीटी प्लॅटफॉर्मवर नवे चित्रपट आणि सीरिज प्रदर्शित होणार आहेत. यामध्ये सिद्धार्थ मल्होत्रा आणि तमन्ना भाटिया यांचा ‘द वन: फोर्स ऑफ द फॉरेस्ट’, दुल्कर सलमानचा अॅक्शन थ्रिलर ‘आय अॅम गेम’ यांसह इतर चित्रपटांचा समावेश आहे. त्यामुळे या आठवड्यात प्रेक्षकांना मनोरंजनाची चांगली मेजवानी मिळणार आहे. चला तर जाणून घेऊया, ६ नोव्हेंबरला ओटीटीवर कोणते चित्रपट प्रदर्शित होणार आहेत.
1‘हैवान’ (Haiwaan) हा सैफ अली खान आणि अक्षय कुमार यांचा चित्रपट ६ नोव्हेंबरला सोनीलिव्हवर प्रदर्शित होणार आहे. प्रियदर्शन यांनी या चित्रपटाचं दिग्दर्शन केलं आहे. २०१६ मध्ये प्रदर्शित झालेल्या मल्याळम चित्रपट ‘ओप्पम’चा हा हिंदी रिमेक आहे. यात सैफ अली खान एका दृष्टिहीन केअरटेकरची भूमिका साकारत असून, अक्षय कुमार एका खतरनाक मारेकऱ्याच्या भूमिकेत दिसणार आहे.
सिद्धार्थ मल्होत्रा आणि तमन्ना भाटिया यांची प्रमुख भूमिका असलेला ‘द वन: फोर्स ऑफ द फॉरेस्ट’ हा चित्रपट अमेझॉन प्राइम व्हिडीओवर प्रदर्शित होणार आहे. या चित्रपटात श्वेता तिवारी, सुनील ग्रोवर आणि नामिश पॉल यांच्याही महत्त्वाच्या भूमिका आहेत. चित्रपटाचं दिग्दर्शन दीपक कुमार मिश्रा यांनी केलं आहे. या चित्रपटाच्या विषयाबाबत प्रेक्षकांमध्ये उत्सुकता आहे.
3. ‘आय अॅम गेम’ (I Am Game)
दुल्कर सलमानचा ‘आय अॅम गेम’ हा अॅक्शन थ्रिलर चित्रपट जिओ हॉटस्टारवर प्रदर्शित होणार आहे. नहास हिदायत यांनी या चित्रपटाचं दिग्दर्शन केलं आहे. यामध्ये दुल्कर सलमान डॅन जॉन नावाच्या निर्भीड जुगाऱ्याची भूमिका साकारत आहे. डॅनचा स्वतःच्या नशिबावर प्रचंड विश्वास असून त्याला धोका पत्करण्याची आवड आहे. मात्र, त्याचा हाच छंद त्याला हळूहळू धोकादायक परिस्थितीत घेऊन जातो. त्यानंतर त्याच्यासमोर अशी आव्हानं उभी राहतात, ज्यातून बाहेर पडणं कठीण ठरतं. आता डॅन या संकटांवर कशी मात करतो, हे चित्रपटात पाहायला मिळणार आहे.
4 ‘मीसाया मुरुक्कू २’ (Meesaya Murukku 2)
‘मीसाया मुरुक्कू २’ हा म्युझिकल कॉमेडी चित्रपट सोनीलिव्हवर प्रदर्शित होणार आहे. आदी यांनी या चित्रपटाचं दिग्दर्शन केलं असून ते स्वतः मुख्य भूमिकेत दिसणार आहेत. त्यांच्यासोबत केतिका शर्मा, चैत्रा जे. आचार आणि रम्या रंगनाथन यांच्याही भूमिका आहेत.
या चित्रपटात जीवा नावाचा तरुण संगीतकार आपल्या करिअरमध्ये प्रगती करण्याचा प्रयत्न करत असतो. मात्र, एका प्रसिद्ध चित्रपट निर्मात्याचा मुलगा त्याच्या जोडीदारामध्ये रस दाखवू लागतो आणि त्याच्या आयुष्यात अडचणी निर्माण होतात. याच दरम्यान जीवाला आपल्या कुटुंबाच्या अनेक पिढ्यांपासून चालत आलेल्या संगीताच्या इतिहासाची आणि वारशाची माहिती मिळते. या चित्रपटात आदी वेगवेगळ्या पिढ्यांमधील पात्रं साकारताना दिसणार आहे.
‘नूरू कोडी वानाविल’ हा रोमँटिक ड्रामा चित्रपट झी५वर प्रदर्शित होणार आहे. शशी यांनी या चित्रपटाचं दिग्दर्शन केलं असून हरीश कल्याण आणि सिद्धी इदाननी मुख्य भूमिकेत दिसणार आहेत. बऱ्याच प्रतीक्षेनंतर हा चित्रपट थेट ओटीटीवर प्रदर्शित होत आहे.
एका तरुण जोडप्याभोवती या चित्रपटाची कथा फिरते. प्रेमासोबतच या दोघांना कौटुंबिक अपेक्षा, जबाबदाऱ्या आणि विविध दबावांचा सामना करावा लागतो. नात्यातील प्रेम टिकवण्यासाठी कधी तडजोड करावी लागते, हे या चित्रपटातून दाखवण्यात आलं आहे.
.png "Videos"){kind=small}
