अंकिता लोखंडे खरंच आहे प्रेग्नेंट? ‘मला या प्रश्नांचा कंटाळा आलाय…’, पती विकी जैनने पहिल्यांदा सोडले मौन

अंकिता लोखंडे गेल्या काही काळापासून तिच्या प्रेग्नेंसीच्या अफवांमुळे चर्चेत आहे. आता विकी जैनने या अफवांवर आपले मौन सोडले आहे. आणि त्यांनी यामागील सत्य उघड केले आहे.

टीव्ही अभिनेत्री अंकिता लोखंडे आणि विकी जैन हे इंडस्ट्रीतील लोकप्रिय जोडप्यांपैकी एक आहेत. दोघेही सध्या कुकिंग रिॲलिटी शो ‘लाफ्टर शेफ्स २’ मध्ये दिसत आहेत. तथापि, हे जोडपे त्यांच्या व्यावसायिक आयुष्यापेक्षा त्यांच्या वैयक्तिक आयुष्यामुळे जास्त चर्चेत आहे. बऱ्याच काळापासून अंकिता लोखंडेच्या प्रेग्नेंसीबद्दल अटकळ बांधली जात आहे. आता या जोडप्याने एका ताज्या व्लॉगमध्ये या अफवांवर प्रतिक्रिया दिली आहे. विकी जैनने सांगितले आहे की मुलाबाबत कुटुंबाकडून त्यांच्यावर खूप दबाव आहे. विकी आणखी काय म्हणाला आहे जाणून घेऊयात.

‘पंचायत ५’ची घोषणा! फुलेरात पुन्हा येण्याची तयारी सुरु करा; वेबसीरिज केव्हा रिलीज होणार ?

अंकिता लोखंडेच्या प्रेग्नेंसीवर दिली प्रतिक्रिया
खरं तर, ‘लाफ्टर शेफ्स २’ च्या एका भागात अंकिता लोखंडेने कृष्णा अभिषेकला सांगितले की, ती प्रेग्नेंट आहे. हा भाग बाहेर येताच चर्चा सुरू झाली की अभिनेत्री विकी जैनसोबत तिच्या पहिल्या बाळाची अपेक्षा करत आहे का? अलीकडेच, व्लॉगद्वारे, अंकिता आणि विकी यांनी या अफवांवर प्रतिक्रिया दिली आहे. विकी विनोदाने म्हणाला की, ‘अंकिताच्या प्रेग्नेंसीच्या बातम्या बऱ्याच काळापासून सुरू आहेत, प्रश्न असा आहे की ती प्रेग्नेंट कधी होईल.’

 

अंकिता लोखंडे अजूनही प्रेग्नेंट नाही
विकी जैन या व्हिडीओमध्ये म्हणताना दिसत आहे की, ‘संपूर्ण कुटुंब यामध्ये गुंतले आहे आणि चर्चा सुरू आहे. मी या प्रश्नांना कंटाळलो आहे.’ अंकिता लोखंडेच्या पतीने संभाषणात संकेत दिला की या जोडप्यांना सध्या मूल होत नाही आहे. यासह, त्याने अंकिता लोखंडेच्या गरोदरपणाच्या अफवांना पूर्णपणे ब्रेक लावला आहे.

‘काही क्रूर लोक आहेत जे…’ शेफाली जरीवालाचा नवरा पराग त्यागी कोणावर भडकला? शेअर केला व्हिडीओ

विकीने अंकिताचे केले कौतुक
संभाषणादरम्यान, विकी जैनने अंकिता लोखंडेचे कौतुक केले आणि सांगितले की त्याला त्याच्या पत्नीबद्दल सर्वात जास्त आवडणारी गोष्ट म्हणजे अंकिता कोणतेही नाते तोडूशकत नाही आणि ते तसं होऊही देत नाही. विकी म्हणाला, ‘काळ कितीही कठीण असला तरी अंकिता नाते तुटू देणार नाही. ती नेहमीच ते एकत्र ठेवेल.’ असे विकी बोलताना दिसत आहे. आता विकीचा हा व्हिडीओ चर्चेत आहे. चाहत्यांची अंकिताच्या प्रेग्नेंसीबाबत पुन्हा एकदा निराशा झाली आहे.