Aaliyah Kashyap: लग्नाच्या ६ महिन्यानंतर अनुराग कश्यपच्या मुलीने दुसऱ्यांदा केले लग्न, घातला सासूचा ३० वर्षे जुना ड्रेस

आलियाने शेअर केले लग्नाचे फोटो
अनुराग कश्यपची मुलगी आलिया कश्यपने तिच्या इस्टाग्रामवर काही फोटो शेअर केले आहेत, ज्यामध्ये ती तिचा पती शेन ग्रेगोइरसोबत दिसत आहे. या फोटोंमध्ये आलियाने पांढरा ऑफ-शोल्डर गाऊन घातला आहे. तिचा पती काळ्या कोट-पँटमध्ये दिसत आहे. एका फोटोमध्ये हे जोडपे एकमेकांना किस करत आहेत, तर दुसऱ्या फोटोमध्ये दोघेही हात धरून पार्कमध्ये फिरताना दिसत आहेत. याशिवाय दुसऱ्या फोटोमध्ये दोन्ही जोडपे त्यांच्या लग्नाच्या अंगठ्या दाखवत आहेत. हे फोटो पोस्ट करताना आलियाने कॅप्शनमध्ये लिहिले आहे की, ‘आम्ही पुन्हा लग्न केले.’

आलियाने तिच्या सासूचा ३० वर्षे जुना ड्रेस घातला
आलिया कश्यपने तिच्या इस्टाग्रामवर आणखी एक पोस्ट शेअर केली आहे, ज्यामध्ये ती सिंगल फोटो काढताना दिसत आहे. एका पोस्टमध्ये तिचा सासरा आणि सासूही दिसत आहेत. यासोबत तिने कॅप्शन दिले आहे की, ‘आमच्या अमेरिकन लग्नासाठी, मी माझ्या सुंदर सासूचा ३० वर्षे जुना लग्नाचा ड्रेस घातला होता आणि तो खूप खास होता. भव्य आणि क्लासिक.’ असे लिहून आलियाने ही पोस्ट शेअर केली आहे.

स्टार प्लस वर पुन्हा एकदा दिसणार कौटुंबिक नात्यांचा सोहळा; ‘क्योंकि सास भी कभी बहू थी’चा प्रोमो प्रदर्शित

हिंदू पद्धतीने केले लग्न
गेल्या वर्षी २०२४ मध्ये, आलिया कश्यप आणि शेन ग्रेगोइर यांनी डिसेंबर महिन्यात मुंबईत हिंदू पद्धतीने लग्न केले. दोघेही पहिल्यांदा एका डेटिंग ॲपद्वारे भेटले होते, त्यानंतर दोघेही एकमेकांच्या प्रेमात पडले. आणि लग्न केले. या दोघांच्या लग्नाला आता ६ महिने झाले आहेत. आणि या कपलने पुन्हा एकदा ख्रिश्चन पद्धतीने लग्न केले आहे. आलियाने शेअर केलेल्या फोटोवर चाहते त्यांचं पुन्हा एकदा अभिनंदन करत आहेत.

संबंधित बातम्या