टीव्ही अभिनेता आशिष कपूर कायद्याच्या कचाट्यात, ‘या’ गंभीर आरोपाखाली दिल्ली पोलिसांनी केली अटक

प्रसिद्ध टेलिव्हिजन अभिनेता आशिष कपूर यांना दिल्ली पोलिसांनी पुण्यातून अटक केली आहे. ऑगस्टच्या सुरुवातीला दिल्लीत एका महिलेने त्याच्याविरुद्ध एफआयआर दाखल केला होता. हे संपूर्ण प्रकरण काय आहे हे आपण जाणून घेणार आहोत.

• टीव्ही अभिनेता आशिष कपूर अडकला अडचणीत
• लैंगिक छळ आरोपाखाली अभिनेत्याला अटक
• दिल्ली पोलिसांचा सुरु आहे तपास

टेलिव्हिजन अभिनेता आशिष कपूरला दिल्ली पोलिसांनी पुण्यातून अटक केली असल्याचे समजले आहे. गेल्या ऑगस्टमध्ये दिल्लीत आशिष कपूरविरुद्ध लैंगिक छळाचा गुन्हा दाखल करण्यात आला होता. ऑगस्टच्या सुरुवातीला दिल्लीत एका घरगुती पार्टीदरम्यान अभिनेता आशिष कपूरने एका महिलेचा लैंगिक छळ केल्याचा आरोप केला गेला होता. गुन्हा दाखल झाल्यापासून, पोलिस वेगवेगळ्या ठिकाणी आरोपी टीव्ही अभिनेत्याचा शोध घेत आहेत आहेत. तपास पथकाने गोव्यापर्यंत आशिष कपूरचा पाठलाग केला. नंतर, त्याला पुण्यातून अटक करण्यात आली आहे.

Bigg Boss 19 : गौरव खन्ना सर्वाधिक मानधन घेणाऱ्या टॉप 10 स्पर्धकांमध्ये सामील! जाणून घ्या कोणता सदस्य किती मानधन घेतो?

महिलेने नंतर तिचे म्हणणे बदलले
इंडियन एक्सप्रेसच्या वृत्तानुसार, महिलेनेआधी दिलेली माहिती आता बदलली आहे. ११ ऑगस्ट रोजी दिलेल्या सुरुवातीच्या तक्रारीत महिलेने आरोप केला होता की पार्टीचे यजमान आशिष कपूर आणि इतर दोघांनी त्यांच्यावर लैंगिक अत्याचार केले आणि दुसऱ्या महिलेने त्यांना मारहाण केली. नंतर १८ ऑगस्ट रोजी या महिलेने तिचे म्हणणे बदलले. त्यांनी सांगितले की फक्त आशिष कपूरने तिच्यावर लैंगिक अत्याचार केला आहे. तक्रारदाराने असाही आरोप केला आहे की हल्ल्याचा व्हिडिओ देखील बनवण्यात आला होता, परंतु पोलिसांनी सांगितले की अद्याप असे कोणतेही फुटेज सापडलेले नाही.

 

See more

TV actor Ashish Kapoor arrested on rape charges in Pune yesterday. The arrest comes after a woman alleged that she was sexually assaulted by Kapoor during a house party in Civil Lines area in August. https://t.co/O6ZjHjcbOh

— Sakshi Chand (@sakshichand08) September 3, 2025

दिल्ली पोलिस काय म्हणाले
डीसीपी राजा बांठिया यांनी टेलिव्हिजन अभिनेता आशिष कपूरच्या अटकेची पुष्टी केली आणि सांगितले की तपास सुरू आहे. आतापर्यंत पोलिसांना या प्रकरणात कोणतेही सीसीटीव्ही फुटेज सापडलेले नाही. पोलिस रेकॉर्डनुसार, पीडित महिला आशिष कपूरला आधीपासून ओळखत होती. दोघेही इन्स्टाग्रामवर जोडलेले होते. आशिष कपूरने महिलेला त्याच्या मित्राच्या घरी पार्टीसाठी आमंत्रित केले होते. पोलिस रेकॉर्डवरून असे दिसून येते की ११ ऑगस्ट रोजी आशिष कपूर, त्याचा मित्र, मित्राची पत्नी आणि दोन अज्ञात व्यक्तींविरुद्ध एफआयआर दाखल करण्यात आला होता.

कोण आहे तान्या मित्तलचा एक्स बॉयफ्रेंड? Bigg Boss 19 च्या घरात केला उल्लेख; फसवणूकीचाही आरोप!

आतापर्यंत या प्रकरणात केले कारवाई
आशिष कपूरच्या मित्राला २१ ऑगस्ट रोजी स्वतःसाठी आणि त्याच्या पत्नीसाठी आधीच अटकपूर्व जामीन मिळाला होता. त्याच वेळी, तपास पथकाच्या म्हणण्यानुसार, घटनास्थळी उपस्थित असलेल्या साक्षीदारांच्या म्हणण्यानुसार, आशिष कपूर त्याच्या महिला मैत्रिणीसोबत बाथरूममध्ये गेला होता, जेव्हा दोघेही बराच वेळ बाहेर आले नाहीत तेव्हा पाहुण्यांनी दरवाजा ठोठावला. आता संपूर्ण घटनेचा पोलीस तपास घेत आहेत.