Bhool Bhulaiyaa 3: ओपनिंग वीकेंडला ‘रूह बाबा’ची झाली चांगली कमाई, केला 100 कोटींचा आकडा पार!

'भूल भुलैया 3' ने ओपनिंग वीकेंडमध्ये 100 कोटींचा टप्पा पार केला आहे. कार्तिक आर्यनचा हा चित्रपट बॉक्स ऑफिसवर धुमाकूळ घालताना दिसत आहे. ओपनिंग वीकेंडला या चित्रपटाने चांगलीचकमाई केली आहे.

कार्तिक आर्यनचा ‘भूल भुलैया 3’ हा चित्रपट दिवाळी मुहूर्तावर रिलीज झाला. हा चित्रपट आता चित्रपटगृहात कल्ला करताना दिसत आहे. या चित्रपटात कार्तिक आर्यन पुन्हा रूह बाबाच्या भूमिकेत दिसत आहे, तर विद्या बालन 17 वर्षानंतर मंजुलिकाच्या भूमिकेत परतली आहे. ‘भूल भुलैया 3’ या हॉरर कॉमेडी चित्रपटात जरी रूह बाबा आणि मंजुलिका एकमेकांना टक्कर देताना दिसत आहेत.

कार्तिक आर्यनचा चित्रपट ‘भूल भुलैया 3’ ने बॉक्स ऑफिसवर पहिला वीकेंड पूर्ण केला आहे. ओपनिंग वीकेंडलाच या चित्रपटाने 100 कोटींचा गल्ला जमवला आहे. ‘भूल भुलैया 3’ हा पहिल्या तीन दिवसांत सर्वाधिक कमाई करणारा कार्तिक आर्यनचा पहिला चित्रपट ठरला आहे. या चित्रपटाची जादू लोकांच्या मनात रंगत आहे. चित्रपटाच्या कथेपासून ते स्टार्सच्या अभिनयापर्यंत लोकांना हा चित्रपट खूप आवडत आहे. कार्तिक आर्यनच्या या चित्रपटाचे नाईट शोही सुरू आहेत. कार्तिक आर्यनच्या ‘भूल भुलैया 3’ या चित्रपटाने पहिल्या वीकेंडला किती कलेक्शन केले ते जाणून घेऊया.

हे देखील वाचा – ‘रानटी’ चित्रपटात प्रेक्षकांना नक्की काय पहायला मिळणार? स्वत: दिग्दर्शकांनीच सांगितलं

‘भूल भुलैया 3’ चित्रपटाचे ओपनिंग वीकेंड कलेक्शन
लोकप्रिय अभिनेता कार्तिक आर्यनचा ‘भूल भुलैया 3’ हा चित्रपट 1 नोव्हेंबर रोजी चित्रपटगृहात प्रदर्शित झाला. ओपनिंग वीकेंडलाच हा चित्रपट १०० कोटींच्या क्लबमध्ये सामील झाला आहे. या चित्रपटाने पहिल्या तीन दिवसात 110.20 कोटी रुपयांची कमाई केली आहे. जर आपण कार्तिक आर्यनच्या ‘भूल भुलैया 3’ या चित्रपटाच्या तीन दिवसांच्या कमाईवर नजर टाकली तर या चित्रपटाने शुक्रवारी 36.50 कोटी रुपये, शनिवारी 38.40 कोटी रुपये आणि रविवारी 35.20 कोटी रुपये कमावले आहेत. चित्रपटाने बंपर कमाई केली आहे पण रविवारी कलेक्शनमध्ये घट झाली आहे. ‘भूल भुलैया 3’ चित्रपटाच्या ओपनिंग वीकेंडला सर्वाधिक कमाई करणारा चित्रपट ठरला आहे. याआधी ‘भूल भुलैया 2’ ने ओपनिंग वीकेंडला 55.96 कोटींची कमाई केली होती. आणि या चित्रपटाने धुमाकूळ घातला आहे.

हे देखील वाचा – शाहरुख खानला भेटला जबरा फॅन; ९५ दिवस वाट पाहिल्यानंतर चाहत्यांची अखेर इच्छा पूर्ण!

‘भूल भुलैया 3’ची ‘सिंघम अगेन’सोबत टक्कर
अनीस बज्मी दिग्दर्शित ‘भूल भुलैया 3’ या चित्रपटात कार्तिक आर्यन व्यतिरिक्त माधुरी दीक्षित, विद्या बालन, तृप्ती डिमरी सारखे स्टार्स दिसणार आहेत. कार्तिक आर्यनचा चित्रपट ‘भूल भुलैया 3’ ची बॉक्स ऑफिसवर अजय देवगणच्या ‘सिंघम अगेन’ चित्रपटाशी टक्कर होत आहे. हे दोन्ही चित्रपट गेल्या शुक्रवारी म्हणजेच १ नोव्हेंबर रोजी चित्रपटगृहात प्रदर्शित झाले. आणि हे दोन्ही चित्रपट बॉक्स ऑफिसवर चांगली कमाई करताना दिसत आहेत.