Aashram 3 Part 2: सत्ता, सूढ, विश्वासघात! हे सगळं पुन्हा येणार पाहता; ‘आश्रम सीझन 3 पार्ट २’ चा ट्रेलर प्रदर्शित!

अभिनेता बॉबी देओल अभिनीत 'आश्रम' ही वेब सीरिज प्रेक्षकांना खूप आवडली आहे. आता या सिरीजचा तिसऱ्या सीझनच्या दुसऱ्या भागाचा ट्रेलर प्रदर्शित झाला आहे. या भागात अनेक गुपिते उलघडणार आहेत.

बॉबी देओलच्या बहुप्रतिक्षित वेब सिरीज ‘आश्रम’ च्या दुसऱ्या भागाचा, प्रसिद्ध आश्रम सीझन ३ चा ट्रेलर आज Amazon MX Player वर रिलीज झाला आहे. ही एक कथा आहे ज्यामध्ये बॉबी देओल आणि पम्मीची भूमिका साकारणारी अदिती पोहनकर मुख्य भूमिकेत आहेत. या सिरीजचा पहिला आणि दुसरा सीझन प्रेक्षकांना चांगलाच आवडल्यानंतर आता लवकरच सीझन ३ मधील २ भाग देखील प्रेक्षकांना पाहता येणार आहे.

ट्रेलरमध्ये काय खास आहे?
प्रसिद्ध सिरीज आश्रमाचा तिसरा सीझन २०२२ मध्ये प्रदर्शित झाला होत. आता बऱ्याच प्रतीक्षेनंतर, तिसऱ्या सीझनच्या दुसऱ्या भागाचा २ मिनिटे १८ सेकंदांचा ट्रेलर Amazon MX Player वर रिलीज झाला आहे. त्याची कथा जुन्या कथा पुढे घेऊन जाताना दिसेल. या चित्रपटाच्या ट्रेलरमध्ये, आदिती पोहनकर (पम्मी) बॉबी देओल (निराला बाबा) कडून सूड घेताना दिसते. ती बाबा आणि त्याचा जवळचा मित्र चंदन रॉय सन्याल (भोपा स्वामी) यांच्यात समस्या निर्माण करतानाही दिसते. पहिल्या सीझनपासून, त्याच्याशी संबंधित असलेल्या सर्व प्रेक्षकांना त्याची कथा आवडेल. ही वेब सिरीज २७ फेब्रुवारी २०२५ रोजी एमएक्स प्लेअर ओटीटी प्लॅटफॉर्मवर प्रदर्शित होणार आहे.

Chhaava: ‘छावा’ने केला २०० कोटींचा गल्ला पार, जाणून घ्या सहाव्या दिवशी किती केली कमाई!

निराला बाबांचा दमदार अभिनय पुन्हा एकदा पाहायला मिळणार
ट्रेलरच्या आधी रिलीज झालेल्या टीझरमध्ये पम्मी पुन्हा एकदा दमदार शैलीत परतल्याचे दिसून आले आहे. यासोबतच, बाबा निराला यांची गमावलेली शक्ती परत आली आहे आणि ते पूर्वीपेक्षा अधिक धोकादायक बनले आहेत. तसेच, त्याचे अंध अनुयायी त्याच्या एका इशाऱ्यावर काहीही करण्यास तयार असतात. या मालिकेतील सगळी जुनी गुपिते बाहेर येणार आहेत आणि जुने देशद्रोही पुन्हा बाहेर येण्याच्या तयारीत आहेत. या सर्व शंका त्याच्या ट्रेलरमुळे काही प्रमाणात दूर झाल्या आहेत. तसेच संपूर्ण कथा आता प्रेक्षकांना लवकरच पाहता येणार आहे.

 

Chhaava: मध्य प्रदेशात प्रेक्षकांना ‘टॅक्स फ्री’ पाहता येणार चित्रपट; मुख्यमंत्री मोहन यादव यांनी केली घोषणा!

मालिकेत दिसणार हे कलाकार
राष्ट्रीय पुरस्कार विजेते प्रकाश झा दिग्दर्शित आणि निर्मित, या थरारक गुन्हेगारी नाटकात एक मजबूत स्टारकास्ट पाहायला मिळवणार आहे. बॉबी देओल व्यतिरिक्त, या शोमध्ये अदिती पोहनकर, चंदन रॉय सन्याल, त्रिधा चौधरी, दर्शन कुमार, विक्रम कोचर, अनुप्रिया गोएंका, राजीव सिद्धार्थ आणि ईशा गुप्ता हे प्रमुख भूमिकेत दिसणार आहेत. एक बदनाम आश्रम सीझन ३ – भाग २ हा २७ फेब्रुवारी २०२५ रोजी Amazon MX Player वर मोफत स्ट्रीम होणार आहे.