Emergency Trailer: कंगनाच्या ‘इमर्जन्सी’ ट्रेलरला चाहत्यांचा मिळाला प्रतिसाद, लोकांनी सोशल मीडियावर म्हटले मास्टर क्लास!

दिग्दर्शित आणि कंगना रणौत अभिनीत 'इमर्जन्सी' चित्रपटाचे ट्रेलर नुकतेच प्रेक्षकांच्या भेटीस आला आहे. चाहत्यांनी चित्रपटाच्या ट्रेलरला चांगला प्रतिसाद दिला आहे.

‘इमर्जन्सी’ चित्रपटामध्ये इतिहासाची पुनरावृत्ती होणार आहे. कारण बहुप्रतिक्षित काळातील राजकीय नाटक ‘इमर्जन्सी’ चित्रपटगृहात येण्यास अवघे दोन आठवडे उरले आहेत. चित्रपट रिलीज होताच कंगनाच्या चाहत्यांचा उत्साह शिगेला पोहोचला आहे. याचे कारण म्हणजे कंगना रणौत या चित्रपटात केवळ अभिनय करत नाही तर भारतीय राजकारणातील सर्वात वादग्रस्त काळातील या बोल्ड सिनेमॅटिक चित्रपटाचे दिग्दर्शनही करत आहे. चित्रपटाच्या ट्रेलरला चाहत्यांचं चांगलाच प्रतिसाद मिळत आहे.

लोकांना ट्रेलर आवडला
2025 मध्ये, 1975 च्या आणीबाणीला 50 वर्षे पूर्ण होत आहेत आणि कंगनाने साकारलेल्या इंदिरा गांधींच्या भूमिकेने प्रेक्षकांना आश्चर्याचा धक्का दिला आहे. दिवंगत पंतप्रधानांची देहबोली, भाव आणि आवाज उत्तम प्रकारे चित्रित करण्यापासून, कंगना केवळ एक पात्र साकारत नाही तर पडद्यावर भारतीय राजकारणाचा काळा अध्याय दाखवणार आहे. एका यूजरने कमेंट करत लिहिले की, ‘ट्रेलर पाहिल्यानंतर मी अवाक झालो आहे. कंगनाला पाचवा राष्ट्रीय पुरस्कार लवकरच मिळणार आहे.’ असे लिहून चाहत्याने या चित्रपटाच्या ट्रेलरला प्रतिक्रिया दिली आहे.

 

See more

The #EmergencyTrailer gave me chills, Kangana Ranaut as Indira Gandhi is pure fire. This one looks like a bold and unapologetic take on a controversial chapter in India’s history. Can’t wait🎥🔥 #EmergencyTrailer #KanganaRanaut #Emergency pic.twitter.com/VcGhHpBlyn — slowlife (@Its_Slowlife) January 6, 2025

कंगनाची भोजपुरी अभिनेत्रीशी तुलना
ट्रेलरवर टीका करताना आणखी एका युजरने लिहिले की, ‘हा ट्रेलर पाहून असे वाटते की बॉलीवूड चांगला चित्रपट दाखवायला विसरले आहे. ‘इमर्जन्सी’चा किती खराब ट्रेलर आणि कंगना रणौतचा आवाज पहा. कोणतीही भोजपुरी अभिनेत्रीही तिच्यापेक्षा चांगले एक्सप्रेशन देऊ शकते.’ असे लिहून काही चाहत्यांनी या ट्रेलरवर टीका केली आहे.

ट्रेलर मास्टर क्लास म्हणून सांगितले
दुसऱ्या यूजरने लिहिले की, ‘भाऊ, कंगनाचा इमर्जन्सी ट्रेलर हा मास्टर क्लास आहे. इंदिरा गांधींची व्यक्तिरेखा इतक्या चांगल्या प्रकारे कोणी साकारू शकले नसते. ट्रेलरचे कौतुक करताना अभिनेत्रीच्या एका चाहत्याने लिहिले, कंगना रणौतला तिच्या उत्कृष्ट अभिनयासाठी सलाम. 17 जानेवारी रोजी तुमची कॅलेंडर चिन्हांकित करा आणि तुमच्या जवळच्या चित्रपटगृहांमध्ये चित्रपट पहा.’ असे लिहून चाहत्यांनी प्रेक्षकांना चित्रपट पाहण्याची इच्छा व्यक्त केली आहे.

“देवा आला रं…” शाहिद कपूरच्या Deva चित्रपटाचा ॲक्शन- रावडी टीझर रिलीज

चाहते चित्रपटाची वाट पाहत आहेत
कंगनाचे कौतुक करताना एका चाहत्याने लिहिले की, ‘इमर्जन्सी ट्रेलरने मला हादरवून सोडले, कंगना रणौतने इंदिरा गांधींच्या भूमिकेत अप्रतिम अभिनय केला आहे. हा चित्रपट भारताच्या इतिहासातील एका वादग्रस्त अध्यायावर धाडसी आणि स्पष्टवक्तेपणासारखे वाटते. चित्रपटाची रिलीज होण्याची वाट पाहतो आहे.’ असे एका लिहिले.

बॉलिवूड अभिनेत्री कंगना रणौतचा ‘इमर्जन्सी’ हा चित्रपट नेहमीच चर्चेत होता. हा चित्रपट काही दिवसांपूर्वी प्रदर्शित होणार होता, मात्र तो रिलीज होण्याआधीच यावरून वाद निर्माण झाला होता. तेव्हापासून हा चित्रपट कधी प्रदर्शित होणार याबाबत सस्पेंस राहिला. तसेच अखेर हा चित्रपट आता 17 जानेवारी 2025 रोजी चित्रपटगृहात प्रदर्शित होणार आहे.