बिग बॉसच्या घरामध्ये होणार पुन्हा एकदा शेर खानची एंट्री! सलमानला पाहून हिना झाली इमोशनल

हिना खान बिग बॉस ११ मध्ये स्पर्धक म्हणून आली होती, यावेळी तिला या शोच्या माध्यमातून प्रेक्षकांनी भरपूर प्रेम दिले आणि तिला नवी ओळख म्हणून शेर खान असे प्रेक्षकांनी संबोधले होते. आता पुन्हा एकदा हिना खान बिग बॉसच्या घरामध्ये एंट्री करताना दिसणार आहे. गेल्या काही दिवसांपासून अशा बातम्या येत होत्या की, ब्रेस्ट कॅन्सरने ग्रस्त हिना खान बिग बॉसच्या घरात पाहुणी म्हणून दिसणार आहे आणि आता हिना खानने तिचा भाग शूट केला आहे, ज्याचा प्रोमो व्हिडिओ देखील समोर आला आहे. हिना खान या वीकेंड वॉर एपिसोडमध्ये बिग बॉसमध्ये दिसणार आहे.

कलर्स वाहिनीच्या अधिकृत सोशल मीडिया हँडलवर बिग बॉसचा नवीन प्रोमो रिलीज करण्यात आला आहे, ज्यामध्ये हिना खान, भाईजान हिना खानचे स्वागत करताना दिसत आहे. हिना खानचे स्वागत करताना सलमान खान म्हणतो- कृपया रिअल लाइफ फायटर हिना खानचे स्वागत करा. यानंतर भाईजान हिना खानला मिठी मारतो, त्यानंतर हिना खान म्हणते- माझ्या या सुंदर प्रवासातून मी माझ्यासोबत घेतलेली गोष्ट म्हणजे ताकद. या शोमध्ये मला एक अतिशय सुंदर टॅग मिळाला आहे, संपूर्ण जग मला शेरखान म्हणून ओळखते. यानंतर सलमान खान म्हणतो की तू नेहमीच फायटर राहिली आहेस, आणि प्रत्येक आव्हानाचा सामना करत आहेस, यावेळी हिना, तू एक हजार टक्के पूर्णपणे बरी होशील. सलमान खानचे हे शब्द ऐकून हिना खान भावूक झाली आणि तिच्या डोळ्यातून अश्रू वाहू लागले.

संबंधित बातम्या