अक्षय कुमारचा ‘Jolly LLB 3’ १०० कोटींपासून इतका दूर, जाणून घ्या चित्रपटाची आतापर्यंतची कमाई

अक्षय कुमारचा 'जॉली एलएलबी ३' चित्रपटगृहांवर धुमाकूळ घालत आहे. पाचव्या दिवशी चित्रपटाच्या कमाईत वाढ झालेली दिसून आली आहे. आतापर्यंत चित्रपटाची एकूण किती कमाई झाली आहे हे आपण जाणून घेणार आहोत.

• ‘Jolly LLB 3’ १०० कोटींपासून इतका दूर
• जाणून घ्या चित्रपटाची आतापर्यंतची कमाई
• चित्रपटाची जगभरातील कमाई किती?

अक्षय कुमार आणि अर्शद वारसी यांच्या जॉली एलएलबी ३ च्या कमाईत पाचव्या दिवशी वाढ झालेली दिसून आली आहे. चित्रपटात दोन्ही जॉलींची टक्कर प्रेक्षकांना खूप आवडली आहे. चौथ्या दिवशी घट झाल्यानंतर, पाचव्या दिवशी चित्रपटाच्या कलेक्शनमध्ये वाढ झाली आहे. अक्षय कुमार आणि अर्शद वारसी या चित्रपटाने आठवड्याच्या शेवटी धमाकेदार कमाई करून सर्वांना आश्चर्यचकित केले. अक्षय कुमारच्या चित्रपटाने पाचव्या दिवशी किती कमाई केली ते जाणून घेऊया.

71st National Film Awards: शाहरुख खानला राष्ट्रीय पुरस्काराची मिळाली अर्धीच रक्कम; विक्रांत मैसीमुळे घडले असे काही…

पाचव्या दिवशी चित्रपटाची किती कमाई?
सॅकनिल्कच्या अहवालानुसार, जॉली एलएलबी ३ च्या पाचव्या दिवशी कमाईत वाढ झाली. चित्रपटाने पाचव्या दिवशी ₹६.५० कोटी कमावले. त्याची हिंदी ऑक्युपन्सी २१.१२% होती, ज्यामध्ये सकाळचे शो ८.७४%, दुपारचे शो १९.२६%, संध्याकाळचे शो २२.१७% आणि रात्रीचे शो ३४.३१% होते. चित्रपटातील अक्षय कुमार आणि अर्शद वारसी यांच्या जुगलबंदीचा चाहते आनंद घेत आहेत. तसेच या चित्रपटाला प्रेक्षकांचा चांगला प्रतिसाद मिळत आहे.

चित्रपटाची जगभरातील कमाई किती?
अक्षय कुमारच्या चित्रपटाने आतापर्यंत भारतात ₹६५.५० कोटी कमावले आहेत. जगभरातील कमाईच्या बाबतीत, अक्षय कुमार आणि अर्शद वारसी स्टारर चित्रपटाने जगभरात ₹९१.७५ कोटी कमावले आहेत. आठवड्याच्या शेवटी चित्रपटाची कमाई वाढण्याची अपेक्षा आहे, लवकरच हा आकडा १०० कोटींपर्यंत पोहोचण्याची अपेक्षा आहे. येत्या काही दिवसांत भारताच्या कमाईतही वाढ होण्याची शक्यता आहे.

इटालियन अभिनेत्री Claudia Cardinale यांचे निधन, वयाच्या ८७ व्या वर्षी घेतला अखेरचा श्वास

चित्रपटात आणखी कोण आहे?
अक्षय कुमार आणि अर्शद वारसीसह चित्रपटाच्या कलाकारांबद्दल बोलायचे झाले तर जॉली एलएलबी ३ मध्ये सौरभ शुक्ला, हुमा कुरेशी, अमृता राव, गजराज राव, राम कपूर, अविजित दत्त, शिल्पा शुक्ला आणि सुशील पांडे हे कलाकार आहेत. सुभाष कपूर यांनी हा चित्रपट दिग्दर्शित केला आहे. या आठवड्यात चित्रपटगृहांमध्ये हा चित्रपट प्रचंड हिट ठरला आहे. चित्रपटातील काही छोटे क्लिप्स सोशल मीडियावर व्हायरल होत आहेत आणि चाहत्यांना त्या खूप आवडत आहेत.